Մարտուն Գրիգորյանին տրվելիք հավանական պաշտոնը վարչապետը մեկ ուրիշին տվեց. ով է նա

ՀՀ վարչապետ Կարեն Կարապետյանի ստորագրած հրամանագրով՝ Գագիկ Գրիգորյանը նշանակվել է ՀՀ տրանսպորտի, կապի և տեղեկատվական տեխնոլոգիաների նախարարի առաջին տեղակալ:

«Հիմք ընդունելով Հայաստանի Հանրապետության նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝ Գագիկ Գրիգորյանին նշանակել Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարի առաջին տեղակալ»,-ասված է Կարեն Կարապետյանի ստորագրած հրամանագրում։

Սա հենց այն պաշտոնն է, որը  շուրջ երկու ամիս քննարկվում էր, թե բաժին է հասնելու նախկին ԱԺ պատգամավոր Մարտուն Գրիգորյանին: Փաստորեն, վերջինիս այդպես էլ այս փոխնախարարի պաշտոնը չտվեցին:

Հիշեցնենք, որ այսօր armtimes.com-ը Մարտուն Գրիգորյանի հետ հարցազրույցի ընթացքում հետաքրքրվել էր, մինչեւ այս պահը թափուր մնացած փոխնախարարի պաշտոնի զբաղեցման՝ իր հավանական թեկնածության մասին: Վերջինս տեղեկացրել էր, որ մամուլից ընդամենը տեղեկացել է, որ փոխնախարար է աշխատանքից ազատվել:

«Էն մարդկանց է ձեռնտու նման խոսակցություններ տարածել, ովքեր իմ ցավով տապակվում են եւ մտածելու կամ կորցնելու բան ունեն`քաղաքական առումով: Վրա-վրա պատվերներ են տալիս կամ արագի մեջ մի գործի են տեղավորում, որ իրենց հաշվին ինչ-որ բան չլինի: Ում ձեռքը 50 հազար դրամ է ընկնում, պաշտոնը չկորցնելու վախից մի անգամից պատվեր է տալիս»,-հարցազրույցի ընթացքում ասել էր Գրիգորյանը:

Ի դեպ, մայիսի 26-ին Շիրակի մարզի Սառնաղբյուր գյուղում, ՀՀԿ-ական Գալուստ Սահակյանը armtimes.com-ի հետ զրույցում տեղեկացրել էր, որ ՀՀԿ վերնախավը Շիրակից պատգամավոր չընտրված  Մարտուն Գրիգորյանին եւ Սուքիաս Ավետիսյանին անգործ չի թողնելու: Թե ՀՀԿ-ն նրանց համար ինչ պաշտոններ է նախապատրաստել, բոլորը լռում են:

Անդրադառնալով նորանշանակ փոխնախարարին, նշենք, որ Գագիկ Գրիգորյանը նոր մարդ չէ այս նախարարությունում: 2017 թվականի փետրվարից նա զբաղեցնում է նախարարության աշխատակազմի ղեկավարի պաշտոնը, իսկ այսօրվանից՝ նախարարի առաջին տեղակալի:

Գագիկ Գրիգորյանը 61 տարեկան է, ծնվել է Երեւանում: Ամուսնացած է, ունի երեք երեխա: Ստորեւ ներկայացնում ենք նրա զբաղեցրած պաշտոնները:

1981-1983 թթ.- «Հայուղևորտրանս» տրեստ` ավագ տնտեսագետ:

1983-1998 թթ.- «Հայավտոկայարան» ՓԲԸ` գլխավոր տնօրենի տեղակալ:

1998-2002 թթ.- ՀՀ տրանսպորտի նախարարություն /2000 թ.-ից ՀՀ տրանսպորտի և կապի նախարարություն/` արտաքին կապերի վարչության պետի տեղակալ, վարչության պետ:

2002 - 2012 թթ.- ՀՀ տրանսպորտի և կապի նախարարություն՝ աշխատակազմի արտաքին կապերի և ծրագրերի վարչության պետ:

2012 - 2013 թթ.- ՀՀ տրանսպորտի և կապի նախարարություն՝ աշխատակազմի ղեկավարի պաշտոնակատար:

2013 - 2017 թթ. - ՀՀ տրանսպորտի և կապի նախարարություն, աշխատակազմի ղեկավար:

2017թ. փետրվարի 4-ից՝ ՀՀ տրանսպորտի, կապի և տեղեկատվական տեխնոլոգիաների նախարարության աշխատակազմի ղեկավար:

2017թ. մայիսի 31-ից՝ ՀՀ տրանսպորտի, կապի և տեղեկատվական տեխնոլոգիաների նախարարի առաջին տեղակալ:

 

Տպել
7285 դիտում

Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

Երթևեկության կազմակերպման փոփոխություն Երևանի Սասունցի Դավիթի և Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում

Հոգեկան խնդիրներ ունեցող հարևանուհու պատճառով տունը մոխրակույտի է վերածվել. տանտիրուհին օգնություն է խնդրում

Սոցիալ Դեմոկրատ Հնչակյան կուսակցությունը չի մասնակցի ընտրություններին. գաղափարական սկզբունքի խնդիր է

Քրեական գործեր՝ հոգեբուժարաններում արձանագրված խախտումների վերաբերյալ

«Քաղաքացու որոշում» ՍԴԿ-ն հրապարակել է ցուցակի առաջին 31 թեկնածուների անունները

Վարորդներին խորհուրդ է տրվում երթեւեկել ձմեռային անվադողերով

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)