Ինչո՞ւ դադարեցվեց մանկապատանեկան մարզադպրոցի ջրամատակարարումը. Վեոլիա Ջուրը պարզաբանում է

02/06/2017 schedule19:56

 

Այո, մայիսի 31-ին Վեոլիա Ջուր ՓԲԸ կողմից դադարեցվել է Երեւանի Ռաֆայել Վահանյանի շախմատի մանկապատանեկան մարզադպրոցի ջրամատակարարումը: Վերջինիս տնօրինությունն աղմուկ է բարձրացրել. իր իրավունքն է: Սակայն աղմուկը մնում է աղմուկ, եւ ինքն իրեն դեռ չի վկայում բողոքող կողմի իրավացիությունը: Առավել եւս՝ չի հանդիսանում մեղավորության ապացույց մի կազմակերպության, որի հետ կապված ես պայմանագրային հարաբերություններով:

Ինչ է տեղի ունեցել իրականում եւ արդյոք Վեոլիա Ջուր ընկերությունը ջրանջատման իրավունք ուներ:

Պատմությունը հակիրճ հետեւյալն է: Դեռեւս 2016թ. հուլիսի 4-ին նախկին Երեւան Ջուր ՓԲԸ կողմից իրականացված ստուգման արդյունքում բաժանորդ չհանդիսացող մարզադպրոցում հայտնաբերվում է 32մմ տրամագծով խողովակ, որով ջուրը սպառվում էր ապօրինաբար: Կազմվում է ԱԿՏ՝ հայտնաբերված խախտումների մասին: Դրա հիման վրա, գործող օրենսդրության շրջանակներում, կատարվում է ծախսված ջրի վերահաշվարկ, որին հրավիրվում է դպրոցի ներկայացուցիչը: Վճարման էր ենթակա 3 մլն 192 հազար 831 դրամ:

Սակայն, այնուհետեւ, իբրև բարի կամքի դրսևորում, և ի նկատի ունենալով դպրոցի տնօրեն Ռաֆայել Վահանյանի վաստակը Հայաստանի Հանրապետության առջև, Երևան Ջուր ՓԲԸ տնօրինության կողմից ակտը չեղարկվում է: Բայց միայն 2017թ. մարտի 30-ին է հաջողվում, արդեն նոր ջրամատակարար Վեոլիա Ջուր ՓԲԸ կողմից, շախմատի մարզադպրոցը որպես իրավաբանական բաժանորդ ձեւակերպել եւ տեղադրված ջրաչափը ընդունել հաշվառման:

Գալիս է մայիսը, սակայն նախորդ՝ ապրիլ ամսին սպառված 546 խոր. մետր ջրի դիմաց հասանելի 98 հազ. 282 դրամը բաժանորդը չի շտապում վճարել: Ջրամատակարարը ստիպված է լինում մայիսի 16-ին բաժանորդին գրավոր ծանուցել, որ 5-օրյա ժամկետում չվճարելու դեպքում կդադարեցվի ջրամատակարարումը, իսկ պարտքը կգանձվի դատարանի միջոցով: Դրանից հետո Ընկերության սպասարկող տեղամաս է գալիս մարզադպրոցի ներկայացուցիչ Գագիկ Սարգսյանը, որին առաջարկվում է պարտքը մարելու ժամանակացույց կազմել: Վերջինս խոստանում է այդ մասին իր տնօրենին տեղյակ պահել: Պատասխան այդպես էլ չի ստացվում:

Մայիսի 31-ին, հաշվի առնելով, որ բոլոր ժամկետները սպառված են, ընկերության ներկայացուցիչը դպրոցում գրանցում է ջրաչափի վերջին ցուցմունքը, փակում և հոլոգրաֆիկ կնիքով կնքում է գլխավոր փականը, դադարեցնելով ջրամատակարարումը:

Ամեն ինչ արվում է ՀՀ հանրային ծառայությունները կարգավորող հանձնաժողովի 2016թ. նոյեմբերի 30-ի թիվ 378Ն «Խմելու ջրի մատակարարման եւ ջրահեռացման /կեղտաջրերի մաքրման/ ծառայությունների մատուցման կանոնները սահմանելու մասին» որոշման համաձայն:

Հունիսի 1-ին, հաշվի առնելով, որ դպրոցն, այնուամենայնիվ, մնում է դպրոց, Վեոլիա Ջուր ՓԲԸ որոշում է ջրամատակարումը վերականգնել, հուսալով, որ բաժանորդը, որը պատեհ-անպատեհ վկայակոչում է իր 400 աշակերտների կենցաղային կարիքները, ի վերջո կխորհի նաեւ վճարելու մասին: Սակայն երբ ընկերության ներկայացուցիչը գալիս է մարզադպրոց, պարզվում է, որ ջրաչափի տեղադրման վայրը փակ է, իսկ բանալին «հայտնի չէ», թե ում մոտ է:

Ստացվում է՝ երեխեքը՝ երեխեք, սակայն վերը նշված Գագիկ Սարգսյանն իրոք խոսքի տեր մարդ է: Aysor.am կայքին նա հայտարարել էր, որ եթե նույնիսկ այժմ ընկերությունից վերադառնան ջրամատակարարումը վերականգնելու, արդեն իրենք չեն թողնելու, որ մուտք գործեն դպրոց: «Մինչև փաստաթղթով հիմնավորում չներկայացնեն, թե ինչ պատճառով են անջատել դպրոցի ջրամատակարարումը, և կամ ինչ որոշման հիման վրա են միացնում, թույլ չեմ տալու մոտենան ջրի հաշվիչին» - սպառնացել էր նա: - «Դուք ձերն եք արել, մենք էլ մերը կանենք»:

Եվ սա կոչվում է կառուցողական դիրքորոշում: Ակնհայտ է, որ մարզադպրոցի տնօրինության նպատակը ոչ թե առաջացած խնդրի կարգավորումն է, այլ դրա շահարկումը, հանրության մեջ իր նկատմամբ, որպես Վեոլիա Ջրի հետապնդման անմեղ զոհի, կերպարի ձեւավորումը: Զոհ, որի գինը եղած - չեղած 98 հազար 282 դրամ է:

Ասենք՝ տնօրինությունն իր գինը ավելի լավ կիմանա, սակայն Վեոլիա Ջուր ՓԲԸ միանշանակ նման էժանագին «զոհի» կարիք չունի. չափազանց մեծ պատիվ մարզադպրոցի տնօրինության համար:

Հ.Գ. Սույն պարզաբանման հրապարակման պահին հայտնի դարձավ, որ Վեոլիա Ջուր ՓԲԸ երկրորդ փորձը՝ վերականգնել մարզադպրոցի ջրամատակարարումը, նորից արդյունք չի տվել: Գագիկ Սարգսյանը, վկայակոչելով տնօրեն Ռաֆայել Վահանյանի ցուցումը, արգելել է ընկերության աշխատակցի մուտքը տարածք:

 Վեոլիա Ջուր ՓԲԸ տնօրինություն

Տպել
1605 դիտում

Թուրքիայում բացվել է պոլսահայ աշխարհահռչակ լուսանկարիչ Արա Գյուլերի թանգարանը (տեսանյութ)

Ոստիկանության պետի հրամանով 8 ծառայողների սպայական կոչումներ են շնորհվել

Դավիթ Բեկի և Հունան Ավետիսյանի փողոցների խաչմերուկի լուսացույցները կտեղափոխվեն ու կփոխվեն

Սուրբ Կարապետ վանքի հարևանությամբ գտնվող ավազահանքում փլուզում է տեղի ունեցել. կա զոհ

Առողջապահության նախարարը կմեկնի Քատարի Պետություն

Ն. Փաշինյանը մի քանի տասնյակ սփյուռքահայերի ՀՀ-ում հատուկ կացության կարգավիճակ է շնորհել

Բելգիայի թագավորական ընտանիքը մասնավոր այցով Հայաստանում է

Ովքեր եւ ինչի համար էին Զովասարում այս գիշեր ցանկացել տուն պայթեցնել. մանրամասներ

100 օրվա ամփոփում. հեղափոխություն առանց ծանր հետեւանքների

Բռնցքամարտիկ Արամ Ավագյանը կքննարկի ՀՀ ընտրանու հետ կրկին մենամարտերի մասնակցելու հարցը

«էլեկտրիկ Երևան»-ի ամենահայտնի ցուցարարն ու լրագրող Զ. Մեջլումյանը՝ Դ. Սանասարյանի թիմում

«Արմնյուզ»-ի վաճառքի մասին տեղեկությունները կեղծ են. Հրաչյա Քեշիշյան

Պաշտպանը «Վարդաշեն» ՔԿՀ-ում հանդիպել է Շանթ Հարությունյանի հետ

«Դիլիջան ազգային պարկ»-ից 9-ը հազար ծառ հատելու համար մեղադրանք է առաջադրվել 15 անձի

Դատախազը «շու՞տ է մոռացել իր հայտարարությունները». Դավթյանը պատասխանում է Շարմազանովին

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել