Շիրակի մարզպետարանի ՀՅԴ-ական աշխատակիցները խորը ընկճախտի մեջ են. բյուրոն անտեսել է նրանց

Armtimes.com-ին տեղեկություն է հասել, որ Շիրակի մարզպետարանում աշխատակիցների զգալի մասը, եւ հատկապես ՀՅԴ-ականները, խորը ընկճախտի մեջ է, կառույցում «սուգ» է: Պատճառը Շիրակի մարզպետի առաջիկա փոփոխությունն է: ՀՅԴ-ականների համար կուսակցության էլիտայի կտրուկ որոշումն անակնկալ է եղել: Խոսվում է, որ Երեւանից ժամանող մարզպետն ավելի շատ մտահոգություն է առաջացրել որոշ կուսակից ընկերների համար, քան՝ ՀՀԿ-ականների: Շիրակի մարզպետարանի աշխատակազմը փորձում է դիվանագիտորեն թաքցնել լարված իրավիճակը: Սակայն, միաժամանակ անհասկանալի է, թե ինչ մտավախություն կա մեկ այլ կուսակից ընկերոջ հետ աշխատելուց:

Սրան զուգահեռ բարձր է մարզպետի աթոռը Արթուր Խաչատրյանին զիջող Հովսեփ Սիմոնյանի տրամադրությունը: Վերջինս armtimes.com-ի հետ զրույցում նշում է, որ մարզպետի փոփոխությունը իր գործընկերներին չի ուրախացրել, տխրողներ կան, բայց ինքը հորդորել է իր կուսակից ընկերոջից չկաշկանդվել:

Սիմոնյանն ասում է, որ առաջիկայում նոր աշխատանք են առաջարկելու: Պաշտոնն անհայտ է, թեեւ աշխատավայրը, ըստ նրա, Երեւանում է:

«Ինձ նոր պաշտոն են առաջարկելու, որը շատ կարճ ժամանակում պարզ է լինելու, թե ինչ է»,- ասում է Շիրակի դեռեւս գործող մարզպետը եւ ավելացնում, որ ինչ ոլորտում էլ աշխատանք առաջարկեն, խնդիրներ չի ունենա, քանի որ մարզպետի պաշտոնը փոխկապակցված է եղել բոլոր ոլորտների հետ:

Հովսեփ Սիմոնյանը դժվարանում է պատասխանել, թե մարզպետի փոփոխությունը հանրապետության աղքատ մարզին ինչ է տալու:

«Ժամանակը ցույց կտա, թե փոփոխությունը ինչ է տալու, բայց ես կուզենայի, որ փոփոխության արդյունքում ավելի մեծ հաջողություններ ունենանք: Դա մեր բոլորի հաջողությունը կլինի: Պետք է բոլորս նոր մարզպետի կողքին լինենք, որ նա կարողանա լավ աշխատեոլ»,- կարծում է Սիմոնյանը:

Շիրակի ՀՅԴ-ական նոր մարզպետը երեւանաբնակ է: Գյումրիում ակտիվ քննարկման թեմա է դարձել, այն որ Արթուր Խաչատրյանը շիրակցի չէ: Հովսեփ Սիմոնյանից armtimes.com-ը հետաքրքրվեց, թե արդյո՞ք դաշնակցության կադրերը Շիրակում սպառված են, որ կուսակցության ԳՄ-ն Շիրակ Երեւանից է մարզպետ գործուղում:

«Չեմ կարծում, որ թեկնածուի խնդիր ունենք մարզում: Մեր գյումրվա լեզվով ասած`կան կուսակից ընկերներ, ովքեր կարող էին մարզպետացուներ լինել: Մի քանիսը, որ հաստատ կային: Անուններ չեմ ուզում նշել, բայց չորս կուսակցական ընկերոջ անուն կարող եմ ասել»,- նշեց նա:

Հովսեփ Սիմոնյանը Շիրակի մարզը ղեկավարեց մեկ տարի եւ մի քանի ամիս: Նա առանձնացնում է ձեռքբերումներ, որոնք հասցրել է այս մեկ տարվա ընթացքում իրականացնել:

«Իմ պաշտոնավարման ժամանակահատվածը ծանր էր մարզի եւ հանրապետության համար: Ինձ հաջողվեց բոլոր կառույցների հետ աշխատել համերաշխ, փոխկապակցված: Իմ պաշտոնավարման ընթացքում ավարտվեց Ախուրյանի անօթեւանության խնդիրը, Գյումրիում ապրող անօթեւան 82 ընտանիքի ԲԳՎ վկայագիր տվեցինք, որով էլի վերջակետ դրվեց անօթուանության խնդրին»,-եզրափակեց Հովսեփ Սիմոնյանը:

Հունիսի 8-ի կառավարության հերթական նիստի ժամանակ, վարչապետը հավանաբար կհաստատի մարզպետի փոփոխությունը: Նախնական տեղեկություններով՝ Արթուր Խաչատրյանը Շիրակի մարզ կժամանի հունիսի 9-ին՝ ուրբաթ օրը:

Ինչ վերաբերում է  շիրակցի մարզպետացուներին,  շրջանառվում էին լուրեր, որ Սիմոնյանին փոխարինելու է ԱԺ ընտրությունների ժամանակ ՀՅԴ-ն ներկայացրած թեկնածուներից մեկը՝ Հակոբ Մաթիլյանը: Բացի այդ, ՀՅԴ-ականներ խիստ սրտնեղած են, քանի որ հատկապես մարզպետարանի որոշ վարչության պետեր կարծում էին, որ իրենք են լինելու մարզպետ: Հավանաբար, վերոհիշյալ խորը ընկճախտի պատճառը հենց սա է, որ այս մարդիկ անտեսվել են ՀՅԴ էլիտայի կողմից:

Տպել
2674 դիտում

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո