Նորընտիր ավագանու առաջին նիստում դժոխքի հուրը Տարոն Մարգարյանին չհասավ

Այսօր կայացավ Երեւանի նորընտիր ավագանու նիստը: Այն անցավ առանց «Երկիր ծիրանի» կուսակցության անդամների: Վերջիններս քաղաքապետարանի դիմաց իրենց սեփական նիստն էին գումարել:

Մինչդեռ, «Երկիր ծիրանիի» նախագահ Զարուհի Փոստանջյանը մայիսի 14-ին ավագանու ընտրությունների արդյունքում հաղթող ճանաչված Տարոն Մարգարյանին դժոխք էր խոստացել: Դժոխքի հուրն այսօր քաղաքապետին չհասավ:

«Ես Զարուհի Փոստանջյանին տեսա՞, որ դժոխքը զգայի»,- արդեն նիստի ավարտին լրագրողների հետ զրույցում պատասխանեց Մարգարյանը:

Վերադառնալով ավագանու նիստին` նշենք, որ այն սկզբում վարում էր տարիքով ավագը` Հայաստանի հանրապետական կուսակցության ընտրական ցուցակով ավագանու անդամ դարձած Աստղիկ Գեւորգյանը: Նա հայտարարեց, որ ՀՀԿ ցուցակով ավագանու անդամ է ընտրվել 46 հոգի, «Ելք» դաշինքի ցուցակով` 14 եւ «Երկիր ծիրանի» կուսակցության ցուցակով` 5-ը:

«Տարոն Մարգարյանն օրենքի ուժով համարվում է ընտրված քաղաքապետ»,- հավելեց Աստղիկ Գեւորգյանը` տեղը զիջելով նրան:

Հնչեցին ծափահարություններ: «Ելք» դաշինքի անդամները դրան չարձագանքեցին: Ներկաները նաեւ ոտքի կանգնեցին: «Ելք» դաշինքի անդամները մնացին նստած:

Իրեն տրված վստահության քվեի համար Տարոն Մարգարյանը շնորհակալություն հայտնեց երեւանցիներին եւ ոչ փողին ու թաղային հեղինակություններին:

Իսկ նիստի օրակարգում ընդգրկված հարցերից էին Երեւանի ավագանու մշտական հանձնաժողովների կազմավորումը, դրանց նախագահների եւ տեղակալների առաջադրումն ու ընտրությունը: Չորս մշտական հանձնաժողովներից երեքի նախագահների պաշտոններն, ըստ այդմ, կզբաղեցնեն ՀՀԿ խմբակցության ներկայացուցիչները, մեկը` «Ելք» դաշինքի:

Դրա համար, իհարկե, անհրաժեշտ էր ստանալ ձայների մեծամասնությունը: «Ելք» խմբակցության ղեկավար Դավիթ Խաժակյանը տեղեկացրեց, որ խմբակցությունը որոշել է քվեարկել ձեռնպահ, բայց ինքը կտարբերվի նրանցից ու կողմ կքվեարկի` ակնկալելով, որ իրենց հասանելիք հանձնաժողովի նախագահի ու քարտուղարի ընտրության ժամանակ էլ իրենք կստանան նույնատիպ աջակցություն: Այդպես էլ եղավ:

Հավելենք, որ Երեւանի քաղաքապետարանի շենքը բավարար չափով հարմարեցված չէ հաշմանդամություն ունեցող անձանց տեղաշարժվելու համար: «Ելք» խմբակցության անդամ Զարուհի Բաթոյանը նիստին մասնակցելու համար ստիպված էր 4-րդ հարկից 5-րդ հարկ բարձրանալ, ապա նաեւ իջնել գործընկերների օգնությամբ:

Տպել
2918 դիտում

Արցախի ՊԲ հրամանատար Լեւոն Մնացականյանը եւ ԱԱԽ քարտուղար Վիտալի Բալասանյանը աշխատանքից ազատվե՞լ են

Բնակիչների ահազանգերը տասնապատկվել են և դա լավ է, պետությունը առողջանում է. Հայկ Մարության

Սիրիահայ ուսանողների ուսման վարձը փոխհատուցելու համար կառավարությունը 13,7 մլն դրամ կհատկացնի

Անցկացվում է գումարտակի մարտավարական զորավարժություն

Չավուշօղլուն կմեկնի Բաքու` մասնակցելու արտգործնախարարների խորհրդի 39-րդ նիստին

Սպանված ոստիկան Յուրի Տեփանոսյանի կինը ներգրավվել է որպես իրավահաջորդ՝ փոխարինելով տուժողի հորը

Դեկտեմբերի 13-ին Երևանում կկատարվեն երթեւության կազմակերպման փոփոխություններ

Առանձին դեպքերում նկատվել են վարչական ռեսուրսի չարաշահման դեպքեր. ՔՈ հայտարարությունը

Վիճակագրական կոմիտեի նախագահ Ստեփան Մնացականյանն արձակուրդ է գնում

Փրկարարները կանխել են 9-րդ հարկից նետվել սպառնացող մարդու ինքնասպանության փորձը

Փոխվարչապետի որոշմամբ սահմանվել են քաղծառայողի փորձաշրջանի հետ կապված առանձնահատկությունները

Վաչագան Ղազարյանի խափանման միջոցի վերաբերյալ որոշումը կհրապարակվի 4 ժամից. նա մասնակցել է նիստին եւ հայտարարություն արել

Ժամը 20:00-ի դրությամբ բքի և տեսանելիության բացակայության պատճառով Վարդենյաց լեռնանցքը փակ է

Հինգ տարի հետո մեր դպրոցն անճանաչելի է դառնալու. Արայիկ Հարությունյան

Ըստ մեղադրանքի՝ որովայնը մարմնի ո՞ր մասն ա. Սաշիկ Սարգսյանի որդու համար պարզ չէ մեղադրանքի էությունը

Քրիստինե Սարգսյանը նշանակվել է «Առողջապահական ծրագրերի իրականացման գրասենյակ»-ի տնօրենի ԺՊ

Հարուցվել է քրեական գործ՝ կրկնակի քվեարկության փորձ կատարելու դեպքի առթիվ. ՔԿ

Գոռ Մինասյանը ճանաչվել է Գյումրու 2018-ի լավագույն մարզիկ

Չարենցավանում Փաշինյանը հորդորեց դասի գալ, մարզպետը նշանակեց տնօրենին, ծնողները դժգոհ մնացին

N17 հատուկ դպրոցի խորհուրդն այսօր չկարողացավ տնօրեն ընտրել. իսկ կարգը կխախտվի՞