Տարերային PR-ի կարիք չունենք, նիստերը off de record պետք է լինեն. Արմեն Աշոտյան

Ազգային Ժողովի արտաքին հարաբերությունների մշտական հանձնաժողովի նախագահ Արմեն Աշոտյանի գլխավորությամբ ԱԺ-ում մեկնարկեց հանձնաժողովին կից ստեղծված «Անալիտիկ» խորհրդի անդրանիկ նիստը, որին հրավիրվել էին Հայաստանի արտաքին քաղաքականության եւ անվտանգության հարցերով փորձագետները, վերլուծական կենտրոնների ներկայացուցիչներ:

«Խորհուրդը կարող է օգնել ԱԺ-ին, թեմատիկ քննարկումներով եւ օպերատիվ մոտեցմամբ: Խոսքը՝ խորհրդարանական դիվանագիտության մասին է»,- ասաց Արմեն Աշոտյանը՝ ներկայացնելով խորհրդի նպատակները:

Նրա խոսքով, ամենակարեւորը, որպեսզի պատգամավորները հանձնաժողովի միջոցով կարողանան տեղեկանալ փորձագետների վերլուծական կենտրոնների աշխատանքի մասին:

«Գաղտնիք չէ, որ ձեզանից յուրաքանչյուրդ լուրջ աշխատում եք ձեր ոլորտում: Ուղեղային կենտրոնների ազդեցությունը մեծ քաղաքականության վրա պետք է ավելի մեծ լինի: Նախաձեռնությունն ազնիվ է, մեր ցանկությունը ձեզ հետ աշխատելու իրականում պայմանավորված է մեր խորհրդարանական էգոիստական շահերով, մեր պատգամավորների ընդհանուր տեղեկացվածության բարձրացմամբ»,- անկեղծացավ Արմեն Աշոտյանը:

ԱԺ նախկին պատգամավոր Թեւան Պողոսյանը հետաքրքրվեց, թե արդյո՞ք ուսումնասիրել են նմանատիպ նախկին փորձերը: «Պատգամավորներին տեղեկացնելու մասով, ամեն պատգամավոր ինքն իր համար է որոշելու, ԱԳՆ-ն իր քաղաքականությունն է վարում, ԱԺ-ն անալիտիկ կենտրոնների հետ քննարկում է, մոտեցում է ձեւավորում, որը կարող է իրար հետ չհամապատասխանել: Օրինակ՝ խորհրդարանական վեհաժողովների վերաբերյալ կարծիքներ են հնչում, իսկ եթե մենք տեղյակ չենք լինո՞ւմ, թե այնտեղ ինչ է կատարվում, ի՞նչ մեխանիզմով եք պատրաստում պլատֆորմ ձեւավորել: Մի կողմից՝ շատ լավ է, բայց ինչ ֆորմատ պետք է ձեւավորվի, որ պլատֆորմը գործի»,- նշեց Թեւան Պողոսյանը:

Քաղաքագետ Ստեփան Գրիգորյանը շարունակելով Թեւան Պողոսյանի հարցադրումները՝ ասաց. «Դուք ուսումնասիրե՞լ եք տարբեր պետությունների փորձը՝ կապված նման խորհուրդների հետ: Եթե աշխատել են, ո՞նց են աշխատել, նկատի ունեմ Վրաստանը, Մոլդովան»,- հարցրեց Ստեփան Գրիգորյանը: Արմեն Աշոտյան պատասխանելով վերջին երկու հարցերին՝ ասաց, որ մի բան ակնհայտ է, որ կա ակադեմիական ազատություն եւ գաղափարական դոմինանտներ այս հարցում չկա, արտաքին քաղաքականության մեջ վեկտորների համադրումը միշտ չէ, որ հաջողված են:

«Խորհրդի գործունեության համար, կարծում եմ, լիմիտները պետք է քիչ լինեն կամ ընդհանրապես չլինեն: Մեր հանձնաժողովը նման աշխատանքի փորձ ունեցել է ձեզ հետ: Մշտապես գործող ինստիտուցիոնալ հարթակ չի եղել: Կարծում եմ՝ մեր միասնական ցանկության դեպքում այն կյանքի կկոչվի… Տարերային PR-ի կարիք չունենք, շատ ժամանակ պետք է նիստերը լինեն «off de record» սկզբունքով, մեր պրոդուկտը պետք է սղագրվի եւ դառնա նյութ, որը կարող է օգտակար լինել պատգամավորների համար: Խորհրդարանական դիվանագիտության մեջ ոչ արդար դրված է եղել, որ ամեն ինչի պատասխանատուն մնում է պատվիրակության ղեկավարը: Կարկուտը միշտ թափվել է մի պատգամավորի վրա, որ որը ղեկավարել է պատվիրակությունը, մենք ուզում ենք, որ պատասխանատվությունը դրվի ամեն մի պատգամավորի վրա: Պետք է բարձրացնենք պատգամավորական հաշվետվողականությունը՝ գործուղումներից հետո»,- ասաց Արմեն Աշոտյանը:

Քաղաքագետ Դավիթ Շահնազարյանի խոսքով՝ ակնհայտ է, որ պառլամենտական դիվանագիտությունը կարեւոր է, շատ ավելի ճկուն է, գործունեությունն ավելի լայն է, քան ԱԳՆ-ի ճկունությունը: «Պարզ է, որ այս խորհուրդն ինչի, որ հանգի ունենալու է խորհրդատվական նշանակություն, սա ակնհայտ է: Համաձայն եմ, որ ավելի շատ «off de record» քննարկումներ պետք է անցկացնենք: Ինչի՞ «Անալիտիկ» խորհուրդ եւ ոչ թե վերլուծական խորհուրդ»,- հարցրեց Շահնազարյանը՝ նշելով, որ հայերեն ավելի լավ է հնչում խորհրդի անունը:

Արտաքին հարաբերությունների մշտական հանձնաժողովի նախագահը նշեց, որ ինքը հակված չի, որ հրավիրվածները եկել են այստեղ ու արդեն ներգրավված են աշխատանքներում: «Մենք երեկ քննարկեցինք, որ օրակարգից կախված կարող ենք ավելացնել այլ բլոգներ, մենք ունենալու ենք կորիզային համակարգ եւ հրավիրյալներ: Ներքին քաղաքականության մասին ես ասել եմ, որ դա խանգարող համակարգ է»,- նշեց նա: Անդրադառնալով խորհրդի անվան հարցին, Արմեն Աշոտյանն ասաց, որ ամերիկյան ազդեցության բառ է, սակայն այսօր առավոտյան մտածում էր, թե ինչու ոչ, եթե անվանեն «արտաքին հարաբերությունների խորհուրդ» եւ ընդգծեց, որ անվան հետ կապված բաց են:

Ազգային Ժողովի նախկին նախագահ Տիգրան Թորոսյանը միանգամից հայտնեց իր պատրաստակամությունը խորհրդում աշխատելու ուղղությամբ: «Ես պատրաստ եմ, աշխատել այս խորհրդում, անկախ նրանից, թե հետո ինչ ընթացք կստանա այն: Պետք է տեւական աշխատանք, փոխադարձ հարգանք եւ աշխատանք»,- նշեց Տիգրան Թորոսյանը:

Նշենք, որ նիստին պատգամավորներից բացի, մասնակցում էին Արթուր Ղազինյանը, Ստեփան Գրիգորյանը, Ռիչարդ Կիրակոսյանը, Ստոյոպա Սաֆարյանը, Ռուբեն Սաֆրաստյանը, Լարիսա Ալավերդյանը, Թեւան Պողոսյանը, Տիգրան Թորոսյանը, Վարդան Ոսկանյանը, Սարգիս Գրիգորյանը, Մանվել Սարգսյանը, Ջոնի Մելիքյանը եւ այլք:

Տպել
15492 դիտում

Արցախի ԱԳՆ ղեկավարն ընդունել է Ֆրանկոֆոն մամուլի միջազգային միության վարչության մի խումբ անդամների

Հորդորում եմ պահպանել կոռեկտություն, Խանդոյանը կասեր՝ մենք նույն Հայրենիքի զավակներն ենք. Վ. Ավետիսյան

Մահացել է Microsoft-ի համահիմնադիր Փոլ Ալենը՝ ամենահարուստ մարդկանցից մեկն աշխարհում

Ողբերգական ավտովթար Կոտայքի մարզում. բախվել են Nissan-ն ու 07-ը. կա 1 զոհ, 2 վիրավոր

1 շաբաթում 153 հրդեհ է գրանցվել, թունավորման 9 դեպք, որից տուժել է 11 քաղաքացի

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից