Երեւան-Մոսկվա երթուղու վթարված ավտոբուսի համար ՍՊԸ-ի տնօրենը տուգանվել էր 450 հազար դրամով

Արդեն տեղեկացրել ենք, որ այսօր Երեւան-Մոսկվա ուղեւորափոխադրում իրականացնող ավտոբուսի վթարի հետեւանքով 3 մարդ վիրավորվել էր, այդ թվում՝ երկու երեխա: Արտակարգ իրավիճակների նախարարությունը հայտնել էր, որ ուղեւորափոխադրում իրականացրած ավտոբուսը պատկանել է «Դը Ռոյալ Լիդեր» սահմանափակ պատասխանատվությամբ ընկերությունը:

Armtimes.com-ին հայտնի դարձավ, որ «Դը Ռոյալ Լիդեր» ՍՊԸ-ին ամիսներ առաջ տրանսպորտի նախարարությունը մոտ 1000 ԱՄՆ դոլարին համարժեք գումարով տուգանել էր: ՀՀ կապի, տրանսպորտի եւ տեղեկատվական տեխնոլոգիաների նախարարության տրանսպորտային տեսչության պետը, 2017 թվականի մարտի 21-ին քննելով «Դը Ռոյալ Լիդեր» ՍՊԸ-ի վերաբերյալ վարչական վարույթը, պարզել էր, որ  նշված ընկերությանը պատկանող «Մերսեդես» մակնիշի «618 AD 61» պետհամարանիշով տրանսպորտային միջոցով իրականացվել է միջպետական ոչ կանոնավոր փոխադրում Հայաստանից դեպի Ռուսաստանի Դաշնություն ՀՀ օրենքով սահմանված պահանջների խախտմամբ:

Նախարարության ներկայացուցիչը գտել է, որ ընկերության տնօրեն Արամ Զատիկյանը խախտել է «Ավտոմոբիլային տրանսպորտի մասին» ՀՀ օրենքի 16-րդ հոդվածի պահանջը՝ կատարելով «Վարչական իրավախախտումների մասին» ՀՀ օրենսգրքի 1377 հոդվածի 3-րդ կետով նախատեսված իրավախախտումը: Տրանսպորտային տեսչության ղեկավարը «Դը Ռոյալ Լիդեր» ՍՊԸ-ի տնօրենին տուգանել է 450 հազար դրամով: «Ավտոմոբիլային տրանսպորտի մասին» ՀՀ օրենքի 16-րդ հոդվածը սահմանում է ավտոբուսային ոչ կանոնավոր փոխադրումների կազմակերպման կարգը:

Նկատենք, որ «Դը Ռոյալ Լիդեր» ՍՊԸ-ի տնօրենը տուգանվել է նույն այն ավտոբուսի համար, որը այսօր վթարի է ենթարկվել:

Հունիսի 13-ի առավոտյան մարզի «Դոն» ավտոճանապարհի 717-րդ կիլոմետրում Mercedes-Benz ավտոբուսի 35-ամյա վարորդը կորցրել է փոխադրամիջոցի կառավարումը, ինչի հետեւանքով այն ընկել է ճամփեզրի առուն: Նշվում է, որ ՃՏՊ-ի հետեւանքով տուժել է երեք մարդ: Ավտոբուսն ուղերթ էր իրականացնում Մոսկվա-Երեւան երթուղով, փոխադրամիջոցում եղել է 39 մարդ: ՆԳ նախարարության տվյալներով՝ տուժածներից 2 երեխաներ են՝ 7-ամյա մի տղա՝ Կրասնոյարսկի երկրամասի բնակիչ, եւ 10-ամյա աղջնակ՝ Կոստրոմայի մարզի բնակչուհի: Տուժածներին միջին ծանրության վնասվածքներով տեղափոխել են Բոգուչարսկիի հիվանդանոց: ՃՏՊ-ի կապակցությամբ ոստիկանությունն ստուգում է անցկացնում: Օրվա երկրորդ կեսին ՀՀ ԱԳՆ մամուլի խոսնակ Տիգրան Բալայանն իր ֆեյսբուքյան էջում գրել էր, որ Ռուսաստանի Դաշնության Վորոնեժի մարզում ավտոբուսի վթարի հետեւանքով տուժած քաղաքացիները դուրս են գրվել հիվանդանոցից։

Տպել
4852 դիտում

Հայաստանն ազատականացնում է էլեկտրաէներգիայի շուկան․ նախարարը հանդիպել է ԱՄՆ ՄԶԳ փոխնախագահին

Մենք պատրաստ ենք փրկել եւ վերակենդանցնել Հայֆիլմի բրենդը․ նամակ՝ Նիկոլ Փաշինյանին

Հանրապետության նախագահը մեկնել է կարճատեւ արձակուրդ

Բոլորիս հաղթանակն է․ փոքրիկ Գոռը, որը տեւական ժամանակ քաղցկեղ ուներ, առողջացել է

Ռուսաստանը հույս ունի, որ Հայաստանը կկարողանա դիմադրել ԱՄՆ շանտաժին. Կարասին

Ի՞նչ են պայմանավորվել Երեւանն ու Բաքուն․ ՀՀ ԱԳՆ-ն արձագանքել է Մամեդյարովի հայտարարությանը

Մարդ կա՝ գյուղում 3 հարկանի տուն ունի, բայց Վանաձորում տնակում է ապրում. Լոռու մարզպետ

Գյուղնախարարի պաշտոնակատարը կշարունակի՞ պաշտոնավարել. մանրամասնում է Գեղամ Գեւորգյանը

Իրո՞ք Ստամբուլը կդառնա XXI դարի մայրաքաղաք

Իրական ընդդիմության բացակայության պատճառները. հիմնական ընդդիմադիրի տիտղոսի համար մեծ ճակատամարտը սկսվել է

Ալեքսիս Օհանյանը շնորհավորել է «The Economist»-ի կողմից Հայաստանը տարվա երկիր ճանաչելու առիթով

Թրամփն Էրդողանին ասել է, որ «կդիտարկի» Գյուլենի արտահանձնման հնարավորությունը․ Սպիտակ տուն

Այնպիսի զգացողություն էր, ինչպես պարտվելու դեպքում կլիներ. Արամ Ավագյան

Ես վաղուց «Կենտրոն» հ/ը-ում չեմ աշխատում. Իվետա Տոնոյանը՝ իր եւ Ծառուկյանի միջեւ եղած կոնֆլիկտի մասին

Համազգայինի ժամանակավոր տնօրեն նշանակվեց Արման Նավասարդյանը. թատրոնում այդ պաշտոնի համար նա մրցակիցներ չունի

Իշխանությունը զբաղված է պաշտոններ բաշխելով, բայց անվտանգությունն ավելի կարեւոր է. Շարմազանով

Վրաստանի քաղաքացիներին իրավունք կտրվի օրինականորեն աշխատել Ֆրանսիայում

ՄԻՊ աջակցությամբ պարտադիր ժամկետային զինծառայողը վիրահատվել եւ վերականգնողական արձակուրդ է ստացել

Ինքնասպանության փորձ՝ Երեւանում․ 18-ամյա ՌԴ քաղաքացին հոսպիտալացվել է

«Գարուն» սրճարանում պատվիրելով հավով չիաբատա՝ դուք աջակցում եք քաղցկեղ ունեցող փոքրիկներին