Արցախի ՊԲ-ն ո՛չ հերքում է, ո՛չ հաստատում վիրավորների մասին տեղեկությունները

Քիչ առաջ Արցախի Հանրապետության ՊԲ-ն պաշտոնական հաղորդագրություն էր տարածել այն մասին, որ հունիսի 16-ին հակառակորդը հաստոցավոր հակատանկային նռնականետերից խախտել է հրադադարի պահպանման ռեժիմը ՊԲ կենտրոնական ենթակայության զորամասերից մեկի պահպանության տեղամասի ուղղությամբ, ինչի հետևանքով մահացու վիրավորումներ են ստացել ՊԲ երեք ժամկետային զինծառայող:

Զոհվել են՝ Արայիկ Ռուդիկի Մատինյանը (ծնված 1997թ.), Վիգեն Ժիրայրի Պետրոսյանը (ծնված 1997թ.) և Վարդան Ծովակի Սարգսյանը (ծնված 1997թ.):

Այս հաղորդագրությանը զուգահեռ կայքերում հրապարակումներ եղան այն մասին, որ երեք զոհերից զատ, կան նաեւ երկու վիրավոր ժամկետային զինծառայող:

Armtimes.com-ը վիրավորների մասին տեղեկությունները փորձեց ճշտել ԱՀ ՊԲ մամուլի պատասխանատու Սենոր Հասրաթյանից: Վերջինս, սակայն, ոչ հերքեց եւ ոչ էլ հաստատեց վիրավորների մասին տեղեկությունները:

-Պարոն Հասրաթյան, մամուլում տեղեկություններ կան, որ երեք զոհից բացի կան նաեւ երկու վիրավոր: Ճի՞շտ է:

-Մտեք մեր պաշտոնական կայքը՝ այնտեղ տեղադրված է:

-Կայքում միայն զոհերի մասին տեղեկություններ կան, իսկ վիրավորներ կա՞ն:

-Մի անգամ տարածել ենք, բանավոր նորից ասե՞մ:

-Այսինքն, հերքու՞մ եք վիրավորների մասին տեղեկությունները:

-Մտեք մեր կայք:

- Պարոն Հասրաթյան, հարցնում եմ վիրավորներ կա՞ն:

-….

Հասրաթյանն այնդպես էլ հիմնավոր պատասխան չտվեց: Armtimes.com-ի հարցը մի քանի անգամ լսելուց հետո  ընդհատեց հեռախոսազանգը: Վերջինիցս հնարավոր չեղավ ճշտել այն տեղեկությունը, որ զինծառայողները զոհվել են դիպուկահարի կրակոցից:

Կայքերում հրապարակված տեղեկությունների համաձայն՝ վիրավորվել են Մյասնիկ Մարտինի Հովհաննիսյանը և Վարդան Արմենի Հարությունյանը:

Հիշեցնենք, որ ընդամենը մեկ օր առաջ՝ հունիսի 15-ին, Ադրբեջանի նախագահ Իլհամ Ալիևն այցելել էր այս ուղղությամբ գտնվող Ադրբեջանի Ջոջուգ Մարջանլը կոչված գյուղ, որը Բաքուն ներկայացնում է իբրև թե ապրիլյան ռազմական էսկալացիայի օրերին Արցախից հետ վերցրած տարածք: Գյուղի վերականգնումը Ալիևները պրոպագանդում են որպես հաղթանակ «հայերի օկուպացիայի դեմ»: Ալիևի և Ադրբեջանի ռազմական վերնախավի սահմանային այցերի օրերին շփման գծում հրադադարի խախտումներն ավելի ինտենսիվ են լինում: Այսօր առավոտյան Ադրբեջանի պաշտպանության նախարարությունն էր հայտնել մեկ զոհի մասին:

Տպել
20199 դիտում

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին