Ի՞նչ որոշվեց` սահմանամերձ գյուղերում պատնեշներ կառուցելու, բնակիչներին զենք տալու մասին

Արդեն իսկ լրացել է կառավարության որոշմամբ սահմանված եռամսյա ժամկետը, որի ընթացքում ՀՀ պաշտպանության նախարար Վիգեն Սարգսյանի գլխավորած միջգերատեսչական հանձնաժողովը պետք է սահմանամերձ համայնքներում համակարգման ենթակա հարցերի լուծման վերաբերյալ ներկայացներ առաջարկներ:

Ավելի վաղ տեղեկացրել ենք, որ ՀՀ կառավարությունը պատրաստվում է սահմանամերձ համայնքներում դպրոցների եւ մանկապարտեզների դիմաց կառուցել պատնեշներ, ինչպես նաեւ թաքստոցներ` հակառակորդի հրետակոծությունից պատսպարվելու համար: Բացի այդ, նպատակ կար սահմանամերձ համայնքներում իրադրությունը սրվելու դեպքում բնակիչներին տրամադրել զենք, որպեսզի նրանք իրականացնեն պահակային ծառայություն:  

Այս մասին նշված էր վարչապետի` փետրվարի 13-ի համապատասխան որոշման մեջ, եւ ըստ այդ որոշման էլ ստեղծվել էր միջգերատեսչական հանձնաժողով:

Պաշտպանության նախարարի մամուլի խոսնակ Արծրուն Հովհաննիսյանից հետաքրքրվեցինք հանձնաժողովի աշխատանքի արդյունքների մասին:

«Հանձնաժողովը, որի ղեկավարը պաշտպանության նախարարն է, հսկայական աշխատանք է կատարել: Վերջերս Տավուշի մարզում տեղի ունեցավ հանդիպում` գերագույն գլխավոր հրամանատարի մասնակցությամբ: Հսկայական նախագծեր որոշված է այնտեղ իրականացնել, որոնցից ահագին բան արդեն արված է: Դրանք վերաբերում են ե´ւ դպրոցների, ե´ւ մանկապարտեզների անվտանգության հարցերին` պատնեշների կառուցում եւ այլն, ինչպես նաեւ դպրոցներին տարբեր տեսակի աջակցություններ տրամադրելուն` նյութական եւ ուսումնաօժանդակ ձեռնարկների տեսքով: Նախագծեր կան հատկապես ճանապարհաշինարարության վերաբերյալ: Դա ինչպես անվտանգային նշանակություն ունի, այնպես էլ կոմունիկացիոն անվտանգային նշանակություն: Այսինքն` նորմալ ճանապարհները շատ կարեւոր են այդ  հատվածում: Այնպես որ, այստեղ միանշանակ գործ կա կատարած եւ շատ գործ կա կատարվելիք: Հետեւողականորեն առաջ են ընթանում: Առնվազն երկու-երեք նիստ միայն վերջին երկու-երեք ամսում ես եմ հիշում, որ նախարար Վիգեն Սարգսյանի գլխավորությամբ տեղի է ունեցել անմիջապես տեղում»,- ասաց Արծրուն Հովհաննիսյանը:

Ավելի հստակ տեղեկություններ` առանձին գյուղերի, կրթական հաստատությունների կամ սահմանված ժամանակացույցի վերաբերյալ, նախարարի խոսնակը չտրամադրեց:

«Չեմ կարող ասել` որ գյուղում ինչ կլինի: Ես կարծում եմ, որ ավելի կոնկրետ ինչ-որ առումով կարող են ասել տեղական ինքնակառավարման մարմինները: Հնարավոր է`ինչ-որ բաներ էլ դիտմամբ չասեն: Ըստ էության` ամեն գերատեսչություն ունի իր պատասխանատվության բաժինը` ծախսային մասով, վերահսկիչ մասով, կոնկրետ աշխատանքներ իրականացնելու մասով»,- նշեց նա, ապա հավելեց. «Իհարկ, կա պլան-ժամանակացույց, որի համաձայն շատ ու շատ աշխատանքներ արդեն ընթանում են, որոշ բաներ արդեն ավարտված են, առաջիկայում էլ շատ բաներ կիմանաք, որ արդեն ավարտվում են»:

Սահմանամերձ համայնքներում բնակիչերին զենք բաժանելու ուղղությամբ ձեռնարկված քայլերի վերաբերյալ էլ, եթե դրանք եղել են, Հովհաննիսյանը ոչինչ չասաց:

Տպել
3115 դիտում

Մխիթարյանը 4 տարվա պայմանագիր կկնքի. «Արսենալն» ու «Յունայթեդը» համաձայնության են եկել

Առողջապահության նախարարությունը հիվանդապահությամբ է զբաղվում, ինչու այն չփակել. բժիշկ

Այսուհետ ովքեր կարող են տարկետում ստանալ. հրապարակվել է որպես զիջման քայլ մշակված նախագիծը

Մահացել է հայտնի գործարար Ռուբեն Վարդանյանի հայրը՝ Երեւանի կրկեսի հատակագծի հեղինակը

Ուկրաինայի նախկին նախագահ Վիկտոր Յանուկովիչը մտադիր է վերադառնալ հայրենիք

ԶՈՒ շահագործումից հանված մեքենաները վաճառվում են աճուրդով՝ սկսած 150 հազար դրամից

Թան, քյուֆթա, թել պանիր, թթի օղի. մի քանի ազգեր փորձում են հայկական խոհանոցը (տեսանյութ)

Գարունը չի կողմնորոշվում կամ շտապում է. ի՞նչ է լինելու գյուղատնտեսության եւ բերքի հետ

Մեծ Բրիտանիայում նոր պաշտոն կա. առաջին անգամ նշանակվել է միայնության հարցերով նախարար

Սլավիկ Հայրապետյանը գեղասահքի Եվրոպայի առաջնության եզրափակչում է

Լեւոն Ալթունյանը վարչապետին զեկուցել է 2017-ի աշխատանքների ու այս տարվա անելիքների մասին

Գազալցակայանները խիստ տուգանքի կենթարկվեն, եթե չգրանցված գազաբալոն լիցքավորեն. նոր նախագիծ

Սուր շնչառական վարակների թիվը նվազում է, կազմակերպվել է «համաճարակաբանական ֆիլտր». ԱՆ

Երեւանում նախորդ տարի հանցագործությունների ընդհանուր թվաքանակի աճ է գրանցվել (տեսանյութ)

Արմեն Սարգսյանը վերջին 6 տարում ՀՀ-ում մշտապես չի բնակվել. ով է նախագահի աթոռի հավակնորդը

Տարոն Մարգարյանը փորձում է զինծառայությունից ազատե՞լ իր եւ իր աներորդու տղաներին

Մոտիկ խոսքեր հեռավորին (Վանո Սիրադեղյանին). Մերուժանի նոր բանաստեղծությունը

Բասկետբոլի Եվրոպայի առաջնությունները կլինեն Սան Մարինոյում, Կոսովոյում ու Բուլղարիայում

Ապրիլյան պատերազմում նահատակված Մերուժան Ստեփանյանն այսօր կդառնար 25 տարեկան

Մգեր Արմենիայի եվրատեսիլյան երգը կրկնօրինակված է աշխարհահռչակ խմբից. համացանցում աղմուկ է