Բեյոնսեի, Ռիհաննայի հետ աշխատած պարուսույց Արթուր Գուրունլյանը շուտով կրկին կգա Հայաստան

19/06/2017 schedule21:49

Բրիտանիայում հայտնի պարուսույց Արթուր Գուրունլյանը Հայաստան կատարած կարճաժամկետ այցից հետո դեռ նոր է վերադարձել Բրիտանիա, սակայն արդեն մտածում է կրկին հայրենիք վերադառնալու մասին: Օրերս նա վերջին 25 տարիների ընթացքում 1-ին անգամ Երեւանում էր, աջակցում էր օպերային երգչուհի Անաիս Հեղոյանին, որը մասնակցում էր Արամ Խաչատրյանի անվան միջազգային մրցույթին: Armtimes.com-ի հետ զրույցում Արթուրը նշեց, որ չի հասցրել շատ բան տեսնել Հայաստանում:

«Ես շատ բան չեմ տեսել, քանի որ զբաղված էինք մրցույթով, բայց մենք հիանալի ֆոտոսեսիա ունեցանք Զվարթնոց տաճարում: Դա հրաշալի վայր է: Քանի որ երկար տարիների դադարից հետո սա իմ 1-ին այցն էր Հայաստան, հիանալի էր, որ ծանոթացա մայրաքաղաքին՝ Երեւանին: Մնացած տեսարժան վայրերը կտեսնեմ իմ հաջորդ այցի ընթացքում (ժպտում է): Ես սիրում եմ յուրաքանչյուր պահը, որ ապրում եմ Հայաստանում: Շատ շուտով կվերադառնամ»,- ասաց նա:

Արթուր Գուրունլյանն արեւմտյան շոու բիզնեսում հայտնի է մի շարք աստղերի հետ իր աշխատանքներով: 12 տարեկանում ընտանիքի հետ մեկնել է Բելգիա, այնտեղ էլ բավականին ուշ՝ 20 տարեկանում, սկսել է պրոֆեսիոնալ պարով զբաղվել եւ մեծ հաջողությունների է հասել: Աշխատել է այնպիսի աստղերի հետ, ինչպիսիք են Բեյոնսեն, Ռիհաննան, Փինքը, Քայլի Մինոուգը, Pussycat Dolls խումբը եւ ուրիշներ: Նշում է, որ հաջողության հասնելուն նպաստել է նաեւ այն, որ տղաները պարի ասպարեզում քիչ են:  

«Իսկապես բավական ուշ եմ սկսել պարով զբաղվել: Մի օր ես ակումբում պարզապես զվարճանում էի ընկերներիս հետ, ինձ մի պարուսույց նկատեց, մոտեցավ եւ, այսպես ասած, իր թեւի տակ առավ: Տղաների համար պարում ավելի հեշտ է, քանի որ աղջիկների քանակը շատ ավելի շատ է: 1-ին հայտնի արտիստը, որի հետ համագործակցել եմ, Քեյթ Ռայանն է՝ բելգիացի փոփ երգչուհի: Ես շատ հաջողակ եմ, որ աշխատել եմ ամենատաղանդավոր եւ ամենաաշխատասեր արտիստների հետ: Նրանց կողքին լինելը հիանալի է»,- ասաց նա:

Արթուր Գուրունլյանը չբացառեց, որ կարող է համագործակցել նաեւ հայկական շոու բիզնեսի հայտնիների հետ: Օրինակ, երգչուհի Իվետա Մուկուչյանը մասնակցելու է հուլիսին Լոնդոնում կայանալիք ամենամյա Armenian Street Festival փառատոնին, որի կազմակերպչական հարցերով զբաղվելու է Արթուրը:

Իսկ այս շրջանում նա  զբաղված է նոր աշխատանքներով: Վերջերս նոր պայմանագիր է կնքել, եւ մի շարք նախագծեր են սպասվում, որոնց մասին առայժմ չի կարող խոսել:

Տպել
1410 դիտում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան

ՊԵԿ-ն անհիմն, առանց ապացույցի տեղեկատվություն է հրապարակել. «Գազպրոմ Արմենիա»-ն հերքում է

ՀՀԿ համամասնական ցուցակը ամբողջությամբ

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի

ԲՀԿ համապետական ցուցակի առաջին տասնյակը. այն գլխավորում է Գագիկ Ծառուկյանը

ՀՅԴ համապետական ցուցակը ամբողջությամբ. այն գլխավորում է Արմեն Ռուստամյանը

6-րդ գումարման ԱԺ-ի հարցուպատասխանը եզրափակվեց փոխադարձ կոմպլիմենտներով. Փաշինյանն ու Բաբլոյանը հին օրերն էին հիշել