Համար 22 երթուղին չի գործում, բնակիչները դժգոհ են, իսկ քաղաքապետարանը լավ լուր չունի

Երեւանի Մարաշ թաղամասի բնակիչները բողոքում են, որ համար 22 երթուղայիններն արդեն շուրջ քսան օր է դադարել են աշխատել` տարածքում ապրողների համար հավելյալ բարդություններ ստեղծելով:

«22 համարի երթուղայինը հանելով` ասել են, իբր, պիտի ավտոբուսով փոխարինեն: Բայց քսան օր է` դա հանել են, իսկ ավտոբուս չկա: Մի ողջ թաղամաս, որ առանց այդ էլ վատ աշխատող տրանսպորտ ունի, հիմա զրկվել է երթուղայինից: Միայն մի ավտոբուս է աշխատում մեկ ուղղությամբ` դեպի Օպերա: Եվ ստիպված օրը երկու տրանսպորտ փոխելով իջնում ենք քաղաք, որ, ասենք, Էրեբունի կամ Ռոսիա գնանք: Չնչին աշխատավարձից հիմա կրկնակի տրանսպորտի ծախս ենք անելու եւ ունենալու ենք ժամանակի կրկնակի վատնում: Ի գիտություն քաղաքապետի, եթե խնդիրը լուծում չստանա, որոշել ենք մարաշցիներով գրոհել քաղաքապետարան եւ հետ պահանջել մեր տված ձայները»,- ասում է Մարաշի բնակչուհիներից մեկը:

Երեւանի քաղաքապետարանից, պարզաբանելով ստեղծված իրավիճակը, պատասխանեցին, որ 22 համարի երթուղայինն ավտոբուսով փոխարինվելու համար չէ, որ հանվել է:

«Երեւանի ներքաղաքային միկրոավտոբուսային համար 22 երթուղու աշխատանքը Երեւանի քաղաքապետարանի կողմից դադարեցված չէ: Երթուղին սպասարկող «ԻՍԱՎ» ՍՊԸ-ն դիմել է Երեւանի քաղաքապետարան եւ հայտնել, որ անհրաժեշտ քանակի վարորդների պակասի եւ երթուղու անարդյունավետության պատճառով հրաժարվում է երթուղու սպասարկումից»,- հայտնում են քաղաքապետարանից:

Միեւնույն ժամանակ հերքում են դրա փոխարեն հետագայում ավտոբուսների շահագործման մասին լուրերը:

«Միկրոավտոբուսային համար 22 երթուղու սպասարկումը ավտոբուսներով իրականացնելը նպատակահարմար չէ, քանի որ Մարաշ թաղամասից ներկայումս շահագործվում է ավտոբուսային համար 45 երթուղին (մինչեւ Դավթաշեն), ապահովվում է ուղեւորների կանոնավոր սպասարկումը սահմանված քանակի շարժակազմով (օրական 10 միավոր, 7-10 րոպե շարժման միջակայքերով), իսկ եւս մեկ ավտոբուսային երթուղու աշխատանքի դեպքում կտրուկ կվատթարանա ավտոբուսային համար 45 երթուղու արդյունավետությունը ու այն կկանգնի փակման վտանգի առաջ, քանի որ երթուղիները ամբողջությամբ (100%-ով) իրար կկրկնեն Նորք-Մարաշից մինչեւ Բժշկական համալսարան, իսկ այդ հատվածում այլընտրանքային փողոց գոյություն չունի»,- իրենց մոտեցումներն են ներկայացնում տրանսպորտի ոլորտի պատասխանատուները:

Տպել
3720 դիտում

ԵՊՀ ՈՒԽ կանոնադրությունն արդեն ԿԳՆ-ում է, սպասում են հաստատմանը

ԱԺ աշխատակազմում թափ են առել հակաօրինական գործողությունները, որոնք քողարկվում են. ԱԺ աշխատակից

Տորոնտոյի հայկական եկեղեցին կարող է օտարվել, շինությունը վտանգի տակ է. դրամահավաք է մեկնարկել

Լիխտենշտեյնի միակ հայկական ընտանիքը՝ Հայաստանի հավաքականի մարզմանը

«Թումո»-ի եւ ֆրանսիական INCO-ի միջեւ ստորագրվել է համաձայնության հուշագիր (լուսանկարներ)

Հարեւանները Սամվել Բալասանյանին թարս ու շիտակ են նայել

2 տղամարդ «Հաղթանակ» կամրջի եզրագիծն անցել են և սպառնում են ինքնասպան լինել, պահանջում են Ն. Փաշինյանին

Հայ-թուրքական սահմանին, սահմանապահների «քթի տակից» գյուղացու տրակտորն ու հակի սարքը գողացել են

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ