ԿԳ փոխնախարար Կարինե Հարությունյանը ռեկտոր կդառնա, բայց չգիտի, թե ինչու

ՀՀ կրթության եւ գիտության փոխնախարար Կարինե Հարությունյանը շուտով կտեղափոխվի Երեւանի Վ. Բրյուսովի անվան պետական լեզվահասարակագիտական համալսարան` ռեկտորի պաշտոնակատար աշխատելու:

Հետագայում կանցկացվի ռեկտորի թափուր պաշտոնի մրցույթ եւ հաղթողը վստահաբար կլինի հենց Հարությունյանը:  

Նրան պաշտոնակատար նշանակելու կառավարության որոշումն արդեն ընդունված է, բայց փոխնախարարը ռեկտորի լիազորությունները կստանձնի մոտ երկու ամիս անց, երբ համալսարանը ստացած կլինի հիմնադրամի կարգավիճակ:

Այս նշանակման առիթով Կարինե Հարությունյանի հետ մեր զրույցը` ստորեւ:

- Տիկին Հարությունյան,  ինչո՞ւ որոշեցիք նախարարի տեղակալի պաշտոնը փոխարինել ռեկտորի պաշտոնով:

- Երեւի արդեն ժամանակն է ե´ւ փոփոխության, ե´ւ ավելի, այսպես ասած, ինքնուրույն աշխատանք անելու: Ինչպե՞ս ասեմ, չգիտեմ:

- Փորձը ցույց է տալիս, որ ռեկտորի պաշտոնում վերջին մի քանի տարիներին միշտ ընտրվում են այն մարդիկ, որոնք մինչեւ մրցույթը պաշտոնակատար են նշանակվում: Դուք նույնպես այդ ճանապարհով եք գնում: Արդյո՞ք դա չի նշանակում, որ ընտրվելու եք, ըստ էության, ձեւական մրցույթի արդյունքում:

- Դա կանխակալ կարծիք է: Երբ որ հիմնադրամի խորհուրդը ձեւավորվի, հայտարարվի մրցույթ, կտեսնենք` ուրիշ ով կդիմի: Ես ի՞նչ կարող եմ հիմա ձեզ ասել: Բաց մրցույթ է լինելու:

- Ենթադրվում է, որ մրցակից չեք ունենա: Էլի փորձն է հուշում այդ մասին:

- Ենթադրություններով եկեք չխոսենք, կարող են ինչ-որ մարդիկ (բաց մրցույթ է), դիմել: Երբ ժամանակը գա, կտեսնենք` ովքեր են դիմում:

- Դուք, որպես փոխնախարար, համակարգում էիք նաեւ բարձրագույն կրթության ոլորտը: Նախորդ մի քանի տարիներին ռեկտորների ընտրությունների ժամանակ միշտ նախօրոք իմացել ենք՝ ով է ընտրվելու, միշտ նախօրոք այդ մարդիկ պաշտոնակատար են նշանակվել: Ըստ ձեզ, այդ տեսակ մրցույթով ընտրությունն այն ճիշտ ճանապա՞րհն է, որով պիտի զարգանա տվյալ դեպքում, բարձրագույն կրթությունը:  

- Մրցույթը բոլոր կանոնակարգերի համաձայն հայտարարվում է, այդ ճանապարհը ո՞րն է: Համաձայն կանոնակարգի, օրենքի` խորհուրդը ձեւավորվում է, հայտարարում է մրցույթ, թեկնածուները, որոնք համապատասխանում են պահանջներին, կարող են դիմել: Ես չեմ կարող պատասխանել, թե ինչու չեն դիմում:

- Այդ հարցը ձեզ մոտ չի առաջացե՞լ, թե ինչու ապագա ռեկտորները միշտ մրցակից չեն ունենում:

- Որ առաջացել է, ինչ: Ուրիշ թեկնածուները երեւի գտնում են, որ չպետք է դիմեն:

Երեւանի Վ. Բրյուսովի անվան պետական լեզվահասարակագիտական համալսարանի գործող ռեկտոր Գայանե Գասպարյանի պաշտոնավարման հնգամյա ժամկետը լրացել է: Նա, փաստորեն, երկրորդ անգամ չի վերընտրվի:

Տպել
5094 դիտում

Ես կլինեմ ՀՀԿ-ի կենտրոնական հարձակվողը. Մենուա Հարությունյան

Դեկտեմբերին արտահերթ ընտրություններ կլինեն նաեւ Ուրցաձորում, համայնքի ղեկավար են ընտրելու

«Ազգային Առաջընթաց» կուսակցության ցուցակը կին է գլխավորում

Գլխավոր դատախազությունը կարճել է Հայաստանում Քևին Օքսուզի դեմ հարուցված քրեական գործը

Գողություն Աբովյան փողոցի սրճարաններից մեկում. որոնվում է տեսապատկերված անձը (տեսանյութ)

ՀՀ գյուղատնտեսության նախարարի պաշտոնակատար Գեղամ Գևորգյանն այցելել է «Սպայկա» ընկերություն

Դատախազությունը նոր երևան եկած հանգամանքով վերանայման վարույթ կսկսի. Մարտի 1-ի գործով նախկին փոխոստիկանապետը փոշմանել է

ԱԳ նախարարի պաշտոնակատարն ընդունեց ՄԱԿ-ի հատուկ զեկուցողին

Դավիթ Տոնոյանն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին

ՕԵԿ համապետական ցուցակի առաջին տասնյակը. այն գլխավորում է Արթուր Բաղդասարյանը

Հայաստան ապօրինի թմրամիջոց ներկրելու հերթական դեպքն է կանխվել (տեսանյութ)

Նիկոլ Փաշինյանը հանդիպել է Ամենայն Հայոց Կաթողիկոսի հետ

Նոյեմբերի 14-ի դրությամբ համաներմամբ ազատ է արձակվել 475 դատապարտյալ

Դեռ չեմ գիտակցում, որ աշխարհի չեմպիոն եմ. Սիմոն Մարտիրոսյան

Հռիփսիմե Խուրշուդյանն այլեւս ՀՀ հավաքականի անդամ չէ. Փաշիկ Ալավերդյան

ՊԵԿ-ն անհիմն, առանց ապացույցի տեղեկատվություն է հրապարակել. «Գազպրոմ Արմենիա»-ն հերքում է

ՀՀԿ համամասնական ցուցակը ամբողջությամբ

Ռոբերտ Քոչարյանը Սիլվա Համբարձումյանից նաեւ 2 միլիոն է պահանջում. դատավորի անունը հայտնի է

Արտահերթ խորհրդարանական ընտրություններին մասնակցելու հայտ է ներկայացրել 11 քաղաքական ուժ

ՀՀ նախագահի հրամանագրով Երեւան քաղաքի առաջին ատյանի դատարանը նոր դատավոր ունի