40 տարվա ծառերը տորնադոյի պես պոկել, շպրտել է, ջահել այգիները բերքը վրան արմատախիլ է արել

Հունիսի 20-ին ուժգին քամին, սելավը, փոթորիկն ու կարկուտը բավական մեծ ավերածություններ են գործել Տավուշի մարզի մի շարք համայնքներում, որոնց թվում է Այրում համայնքի կազմում ընդգրկված Պտղավան բնակավայրը:

Պտղավանի վարչական ղեկավար Ռաֆիկ Օհանյանը մեզ հետ զրույցում ներկայացրեց, թե ինչպիսի հուսահատության ու անելանելի վիճակում են հայտնվել գյուղացիները, որոնց մի մասը ոչ միայն բերքից է զրկվել, այլեւ կանգնել է գլխավերեւում ծածկ ունենալու խնդրի առաջ:

«Տարիքով մարդիկ էլ չեն հիշում, որ այս տարածքում այդպիսի խայտառակ վիճակ եղած լինի: Մի 45 ընտանիքին պատկանող սեփականության ու բնակարանների տանիքներից 5-6, տեղ կա 10 շիֆեր պոկել, թափել է գետնին: Մի հոգու ջերմոցը ավերակ է արել, գցել հարեւանի տարածքը` մեջի կուլտուրաներն էլ հետը: Ոչ մի բանի պիտանի չէ»,- ասաց նա:

Գյուղի երկու թաղամաս` տարածքի մոտ 20 տոկոսը, հոսանքազրկված է, քամու եւ փոթորկի պատճառով հենասյուները ծռվել են, հոսանքալարերը` կտրատվել: Բնակավայրում սպասում էին համապատասխան մասնագետներին` էներգամատակարարումը վերականգնելու համար: Այստեղ նաեւ ինտերնետն է անհետացել:

Պտղավանում բնությունն իր վրդովմունքը երկու փուլով է արտահայտել` ժամը 14-ից հետո:

«Մոտավորապես 15-20 րոպե շատ ուժեղ քամի, փոթորիկ, սելավ, անձրեւ, կարկուտ էր, հետո` էլի մոտ 15 րոպե, շարունակվեց մի քիչ թեթեւ, ընդմիջումներով: Այգիներում 10-15 ծառ տորնադոյի պես պոկել, շպրտել է մի ահագին հեռու: Այդ մեծ` 30-40 տարվա ծառերից բացի, նաեւ նորատունկ այգիներ կան, որ 5-6 տարեկան են, բերքը վրան արմատախիլ է արել, շպրտել»,- պատմեց Ռաֆիկ Օհանյանը:

Նրա փոխանցմամբ, Պտղավանի գյուղատնտեսությունն արդեն մի քանի տարի է, ինչ բնության ավերածությունների թիրախում է հայտնվում. վաղ գարնանը ցրտահարություն է լինում, այս սեզոնին` կարկտահարություն. «Արդեն չորրորդ-հինգերորդ տարին է` ոչ մի եկամուտ չենք ստանում: «Մեշոկներով» վարկեր ենք վերցնում, դնում հողի մեջ, կա´մ ցրտահարվում է, կա´մ էսպես հարամվում: Մեր ժողովուրդը աշխատող ժողովուրդ է, հողին նվիրված, բայց հիասթափվում է: Սրանից հետո նորից սերմ տնկելը ուշանում է, վեգետացիոն շրջան գոյություն ունի: Այ էսպես հիասթափություն ենք ապրում շատ խայտառակ ձեւի»:

«Գրում ենք, ֆիքսում են, սա ենք անում, նա ենք անում, ոչ մի արդյունք: Հիմա մենք էլի նորից վնասի չափը հաշվում ենք, նկարում ենք: Մարդ կա, որի տանիքից տասը շիֆեր է տարել: Շիֆեր որտեղի՞ց բերենք, դնենք, որ գիշերը էդ մարդը քնի իր տեղաշորում: Այսպիսի խայտառակ վիճակ է: Գյուղացիներն ասում են` այ մարդ, էսպես ոնց կլինի, համարյա ամեն տարի նույն բանը կրկնվում է, ոչ մի արդյունք էլ չկա»,- արձանագրեց մեր զրուցակիցը` կանխատեսելով, որ երիտասարդների շրջանում ակտիվանալու են արտագաղթելու տրամադրությունները:

Իսկ ամեն անգամ այս իրավիճակում չհայտնվելու  ելքը գյուղացին տեսնում է ապահովագրություն իրականացվելու մեջ: Հակակարկտային կայանների գոյությունն, ըստ Ռաֆիկ Օհանյանի, գրեթե անիմաստ է, որովհետեւ «Զենիթ» կոչված այդ սարքերի օգտակար գործողության գործակիցը (ՕԳԳ) 10-15 տոկոս է:

«Դա պետությունն էլ գիտի, արտադրողն էլ գիտի: Ռուսաստանը ինչ անում է, Հայաստանը նույն բանը կրկնում է: Բայց հիմա Ռուսաստանում այդ ամբողջ հակակարկտային կայանները փոխում են: Նրանք անցնում են հին` Սովետմիության օրոք գործած հրթիռային կայաններին, որի ՕԳԳ-ն 80 եւ ավելի տոկոս է եղել: Դա մասնագիտական հարց է, որի մեջ չեմ ուզում խորանալ»,- նշեց Պտղավանի վարչական ղեկավարը:  

Նրա տեղեկություններով, Տավուշի մարզում հունիսի 20-ի տարերային աղետներից ամենաշատը տուժել են Պտղավան, Բագրատաշեն, Բերդավան, Դեբեդավան գյուղերը, նաեւ Լճկաձորի եւ մասամբ Արճիսի գյուղատնտեսական հողերը, որոնք սահմանակից են Պտղավանին:

Տպել
18065 դիտում

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է