Գյումրու չինական ավտոբուսները դուրս են գալիս երթուղուց. նրանց առաքելությունը քաղաքակա՞ն էր

Գյումրու հասարակական տրանսպորտի ոլորտում հետաքրքիր զարգացումներ են տեղի ունենում: 40 համարի ավտոբուսի երթուղին սպասարկող «Նյու Սիթի Տրանս» ՍՊԸ-ն դիմում  է ներկայացրել քաղաքապետարան եւ տեղեկացրել, որ տեխնիկական խնդիրների պատճառով հրաժարվում է սպասարկել մրցույթով շահած երթուղին:

2013 թվականի նոյեմբերին 40 համարի երթուղին համալրվել էր չինական վեց ավտոբուսներով, որոնք այժմ, ըստ քաղաքապետարանի տրանսպորտի բաժնի պետ Արտյոմ Սարգսյանի, շարքից դուրս են եկել:

«Միանգամից խափանվել են  40 համարի երթուղին սպասարկող հինգ ավտոբուսների շարժիչները: Սպասարկող ընկերությունը «Նյու Սիթի Տրանս» ՍՊԸ-ն է, որը դիմում է ներկայացրել ծառայությունները դադարեցնելու վերաբերյալ, քանի որ բացատրում է՝ չի կարող մեքենաները վերանորոգել»,-armtimes.com-ի հետ զրույցում ասաց Սարգսյանը:

45 օրվա ընթացքում քաղաքապետարանը ՍՊԸ-ի դիմումը կվավերականացնի, որից հետո Գյումրու կենտրոնը Անի թաղամասին միացնող հատվածում երթեւեկություն կիրականացնի միայն 22 համարի միկրոավտոբուսը: Պարզվում է, որ 40 համարի ավտոբուսները գծից հանվում են միայն այն պատճառով, որ ավարտվել է չինական այն ընկերության երաշխիքի ժամկետը, որը տրամադրել էր ավտոբուսները:

«Չինական կազմակերպությունը, որը տրամադրել էր ավտոբուսները, նաեւ մինչեւ 2016 թվականը երաշխիք էր տվել սպասարկել ավտոբուսների տեխնիկական հարցերը, հիմա այդ գարանտիան լրացել է, շարժիչների հետ խնդիրներ կան, արդեն դժվար է սպասարկելը»,-ասում է Գյումրու քաղաքապետարանի պատասխանատուն:

Հետաքրքիրն այն է, որ «Նյու Սիթի Տրանս» ՍՊԸ-ն մենաշնորհային գծատեր է: Այս ընկերությունն է սպասարկում Գյումրու ամենաեկամտաբեր երթուղիները: Թիվ 40 համարի երթուղուց զատ, նրա տրամադրության տակ են նաեւ 1 համարի ավտոբուսի եւ 22 համարի միկրոավտոբուսի գծերը:

Ստացվում է, որ «Նյու Սիթի Տրանս» ՍՊԸ-ի համար աննշան փոփոխություն է լինելու, քանի որ նա մենաշնորհային դիրք է զբաղեցնում այս երթուղում:

Մամուլի հրապարակումների համաձայն՝ այն պատահական մարդու չի պատկանում, թեեւ պետռեգիստրում գրանցված է Աշոտ Հակոբյան  անվամբ, բայց ՍՊԸ-ի հետեւում քաղաքային իշխանության մերձավորներն են կանգնած: Ըստ այդմ էլ, եթե չկա չինական ընկերության անվճար տեխսպասարկումը, ապա լավագույն առիթ է, որ հրաժարվեն ծախսատար չինական ավտոբուսներից եւ շահույթ ապահվեն միայն միկրոավտոբուսների միջոցով:

Չի բացառվում նաեւ, որ այս ավտոբուսները շահագործվեցին,որ ժամանակին «խփեին» 22 համարի միկրոավտոբուսի գործին, քանի որ այն ժամանակ այդ գիծը պատկանում էր Գյումրու նախկին քաղաքապետ Վարդան Ղուկասյանին: Հիմա, երբ 22-ն էլ նրանը չէ, չկա նաեւ 40 համարի ավտոբուս ունենալու անհրաժեշտությունը:

Անդրադառնալով՝ մենաշնորհային դիրք զբաղեցնող «Նյու Սիթի Տրանս» ՍՊԸ-ին, նշենք, որ այն տրանսպորտի պետական տեսչության կողմից տույժի էր ենթարկվել՝ ճանապարհային թերթիկի բացակայությամբ ուղեւորափոխադրում էր իրականացրել:

 

Տպել
6535 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը