«Սասնա ծռերի» նիստն անցավ խախտումներով. նորամուծություններ՝ դատավորի կողմից. լուսանկարներ

Ավան եւ Նոր Նորք վարչական շրջանների ընդհանուր իրավասության դատարանում դատավոր Արտուշ Գաբրիելյանի նախագահությամբ այսօր լարված մթնոլորտում սկսվեց «Սասնա ծռեր» խմբի 14 անդամների գործով արտագնա դատական նիստը: Նիստի ընթացքում խմբի անդամներ Գագիկ Եղիազարյանի եւ Արայիկ Խանդոյանի (Միայնակ գայլ) նկատմամբ սանկիցա կիրառվեց՝ 6 ժամով հեռացնելով նրանց դահլիճից:

Մինչ նիստի սկսվելը դատական կարգադրիչները փորձեցին կրկին խուզարկել գործով անցնող փաստաբաններին, ինչից, սակայն, փաստաբանները հրաժարվեցին: Մոտ մեկ տասնյակ փաստաբաններ այս պատճառով չկարողացան մտնել նիստերի դահլիճ եւ սպասեցին դատարանի բակում:

Թեեւ նախատեսված էր, որ նիստը պետք է տեղի ունենա ժամը 11:00-ին, սակայն այն սկսվեց մոտ մեկ ժամ ուշացումով. բացականչությունների ու ծափահարությունների ներքո դահլիճ  մտան Արայիկ Խանոդյանը, Պավլիկ Մանուկյանը, Արայիկ Մանուկյանը, Վարուժան Ավետիսյանը, Արեգ Կյուրեղյանը եւ մյուսները։ Արայիկ Խանդոյանը եւ Պավել Մանուկյանն այսօր նիստերի դահլիճ մտնելով, սկսեցին երգել «Գինի լիցը», ապա «Շուն թուրքերը փախան Բեռլին» երգերը: «Շուն թուրքերը փախան Բեռլին» երգելիս Արայիկ Խանդոյանը մատնացույց արեց իր դիմաց նստած դատախազներին: 

Ապակիներից այս կողմ նրանց ձայնակցում էին դահլիճում ներկա գտնվողները: Հիշեցնենք, որ այս դահլիճը նիստից երկու օր առաջ ապակեպատել էին, եւ լսելի չէր, թե ինչ էր կատարվում ապակիներից այն կողմ:

Լրագրողները փորձում էին կատարվածի մասին տեղեկություն ստանալ կռահումներ անելով դատավորի շրթունքների շարժումից, դատավարության մասնակիցները գոռում էին «ձայն», «չի լսվում», սակայն` ապարդյուն: Նիստը 5 րոպե դեռ չէր տեւել, երբ դատավորը մեկ ժամ ընդմիջում հայտարարեց:

Նիստերի դահլիճում գտնվում էին միայն գործով ամբաստանյալներ Արմեն Բիլյանի պաշտպան Արմինե Ֆանյանը եւ Արայիկ Խանդոյանի պաշտպան Արա Ղարագյոզյանը: Ընդմիջման ժամանակ Արմինե Ֆանյանից լրագրողները հետաքրքրվեցին, թե ինչ կատարվեց նիստերի դահլիճում: Նա ասաց, որ նիստը մեկ ժամով ընդմիջվել է պաշտպանների ներկայությունը ապահովելու համար:

Ընդհանուր առմամբ այս նիստը լի էր դատավոր Արտուշ Գաբրիելյանի կիրառած  բազմաթիվ նորամածություններով: Նա մոտ 6 ժամ նիստ արեց գործով մի քանի ամբաստանյալների պաշտպանների բացակայության պայմաններում: Մասնավորապես չէր ներկայացել ամբաստանյալ Սմբատ Բարսեղյանի պաշտպան Հայկ Ալումյանը: Այս մասին բարձրաձայնեց անգամ փաստաբան Ինեսա Պետրոսյանը՝ հայտարարելով, որ դատական նիստն ընթանում է ակնհայտ խախատումներով, քանի որ ներկա չէ Սմբատ Բարսեղյանի պաշտպան Հայկ Ալումյանը: Արտուշ Գաբրիելյանը, սակայն, հայտարարեց. «Մենք այժմ գտնվում ենք նախապատրաստական փուլում, հետեւաբար կարող ենք դատական նիստ անցկացնել առանց Հայկ Ալումյանի»։ Եվ չնայած այս հայտարարությանը՝ նա դատական սանկցիա կիրառեց Գագիկ Եղիազարյանի պաշտպան Տիգրան Եգորյանի, Վարուժան Ավետիսյանի պաշտպան Մուշեղ Շուշանյանի նկատմամբ՝ առանց դատարանի թույլտվության նիստերի դահլիճը լքելու համար: Թե ինչպես է դատավորը մի դեպքում խախտում տեսել, մյուսում՝ ոչ, այդպես էլ հասկանալի չեղավ:

Բացի այս նորամածությունից, Արտուշ Գաբրիելյանը նիստից մի քանի ժամ առաջ կատարվածի վերաբերյալ սանկիցաներ կիրառեց դահլիճում գտնվող մի քանի անձանց նկատմամբ, ովքեր, ըստ կարգադրիչների պետի՝ ժամը 17:20-ի զեկուցագրի, այսօր խախտել են նիստի կարգը եւ անվայել արտահայտություններ հնչեցրել դատարանի հասցեին: Այսինքն՝ դատավորը մի քանի ժամ չի տեսել եւ չի լսել, որ ապակիներից այն կողմ նիստի կարգ է խախտվել եւ միայն կարգադրիչի զեկուցագրով է գնահատել, թե արդյոք իրեն վիրավորել են կամ անհարգալից վերաբերմունքի արժանացրել:

Մեկ ժամ տեւած ընդմիջումից հետո փաստաբանները, որոնք հայտարարել էին, որ թույլ չեն տալու իրենց խուզարկել, դատական նիստերի դահլիճ եկան առանց խուզարկվելու. վերջիններս դատական կարգադրիչների կողմից միայն արտաքին զննության ենթարկվեցին՝ առանց պայուսակը բացելու:

Ընդմիջման ընթացքում դատական նիստի հրապարակայնության խնդիրը մասնակի էր լուծվել. մասնավորապես` դատավոր Արտուշ Գաբրիելյանի ձայնը հստակ լսվում էր, իսկ դատավարության մյուս մասնակիցների հայտարարությունների ժամանակ պարբերական ընդհատումներ էին լինում: Սա զայրացնում էր ապակիներից այն կողմ գտնվող քաղաքացիներին, նրանք պարբերաբար վանկարկում էին. «Մեզ քո ձայնը պետք  չէ, մենք Սանսա ծռերի ձայնն ենք ուզում լսել»:

Նիստը նախագահող դատավոր Արտուշ Գաբրիելյանը պարզաբանման կարգով ներկայացրեց դատական նիստի անցկացման կարգը, կողմերի պարտականությունները:

Դատավորը, մասնավորապես, այդ զգուշացումն արեց այն բանի համար, որ ամբաստանյալները դատարանի՝ դահլիճ մուտք գործելու ժամանակ ոտքի չէին կանգնել: Ապա, երբ խոսում էր դատավորին ինքնաբացարկ հայտնելու կարգի մասին, ամբաստանյալ Գագիկ Եղիազարյանն արձագանքեց. «Պարոն Գաբրիելյան, հայ ժողովուրդը, մասնավորապես, նաեւ Սասնա ծռերը բացարկ հայտնել են ոչ միայն տվյալ դեպքում դատավորին, այլեւ՝ դատարան կոչված, արդարադատություն կոչված կառույցին, հանցավոր ռեժիմին: Էդ բացարկը հայտնել ենք, չի ընդունվել: Եթե ամբողջ համակարգին բացարկը հայտնել ենք, ի՞նչ կարիք կա անհատապես բոլորին բացարկ հայտնել: Ամբողջ համակարգը ծառայում է մի ռեժիմի», - հայտարարեց Եղիազարյանը: Երբ դատավորը զգուշացրեց, որ Եղիազարյանի նկատմամբ սանկցիա կկիրառվի, վերջինն ասաց, թե իր համար միեւնույն է, եւ ինքը իր ասածներին ավելացնելու ոչինչ չունի: Այս հայտարարություններից հետո դատավորը Գագիկ Եղիազարյանի նկատմամբ սանկցիա կիրառեց՝ 6 ժամով հեռացնելով նիստերի դահլիճից: Սանկցիայի կիրառումից հետո դատավորը հերթական մեկ ժամանոց ընդմիջումը հայտարարեց:

Ընդմիջումից հետո դատավոր Գաբրիելյանը հայտարարեց, որ Եղիազարյանի պաշտպան Տիգրան Եգորյանից դատարանը գրություն է ստացել, որտեղ պաշտպանը նշել է, որ իր պաշտպանյալին վեց ժամով հեռացնելը համաչափ չէ, չի բխում արդարադատության շահերից, ինչի պարագայում անհնար եւ անարդյունք կլինի իր մասնակցությունը նիստին:

Այս դիմումն ընթերցելուց հետո դատավոր Արտուշ Գաբրիելյանն ասաց, որ Եգորյանը անհարգալից վերաբերմունք է դրսեւորել դատարանի նկատմամբ, առանց դատավորին տեղյակ պահելու լքել է նիստերի դահլիճը, ուստի հեռանում է խորհրդակցական սենյակ` դատական ակտ կայացնելու:

Վերադառնալով խորհրդակցական սենյակից` Գաբրիելյանը դատական սանկցիա կիրառեց Եգորյանի նկատմամբ եւ որոշեց նրան պատասխանատվության ենթարկելու դիմում ներկայացնել փաստաբանների պալատ:

Այս որոշման հրապարակումից հետո «Սասնա ծռեր» խմբի անդամ Վարուժան Ավետիսյանը զինված ապստամբության կոչ արեց ժողովրդին «Զենք վերցրե՛ք, Սերժին ու իր բանդային ֆիզիկապես ոչնչացրե՛ք»,- հայտարարեց Ավետիսյանը: 

Այս հայտարարությունից հետո դատավոր Արտուշ Գաբրիելյանը դատական նիստը խախտելու եւ տեղից հայտարարություն անելու համար Ավետիսյանի նկատմամբ դատական սանկցիա կիրառեց` նրան հեռացնելով նիստերի դահլիճից: Այս սանկցիայից հետո կրկին մեկ ժամով ընդմիջում հայտարարվեց: 

Մեկժամյա ընդմիջումից հետո Վարուժան Ավետիսյանը բերվեց նիստերի դահլիճ: Ինչից հետո Արտուշ Գաբրիելյանն Ավետիսյանին հորդորեց այլեւս անհարգալից վերաբերմունք չդրսեւորել դատարանի հանդեպ: «Ոչ մեկդ անշնորհք բաներ չեք անում»,- ամբաստանյալներին զգուշացրեց դատավորը:

Խմբի անդամ Պավել Մանուկյանը հայտարարություն արեց դատարանում, որը, սակայն, այդքան էլ լսելի չէր ապակիներից այն կողմ գտնվող լրագրողների համար: Սակայն մինչ Պավել Մանուկյանին հայտարարություն անելու թույլտվություն տալը, դատավոր Արտուշ Գաբրիլեյանն ասաց, որ իր ներս մտնելու պահին Պավել Մանուկյանը կարող է ոտքի չկանգնել, քանի որ առողջական խնդիրներ ունի. նշենք, որ Պավել Մանուկյանն այսօր դատարան էր բերվել հենակներով:

«Ես ուզում եմ հասկանալ. այս դատարանը Սասնա ծռերիս լցել եք մեկտեղ, մեր հարազատներին թողել եք դրսում...: Արդյո՞ք այս դատական նիստում հնարավոր է երկրիս, ժողովորդիս, պետությանս անվտանգությունն ու արդարադատությունն ավելի բարձր դասել, քան թե մի հատ թրքաբարո չ.... Սերժ Սարգսյանի»,- ասաց Մանուկյանը: Նրա հայտարարությունը, սակայն, ընդհատեց նախագահող դատավոր Արտուշ Գաբրիելյանը. «Ես ձեզ նախազգուշացնում եմ. եթե կրկին անգամ որեւէ անվայել արտահայտություններ անեք...»,- դատավորը, սակայն, չհասցրեց ավարտել զգուշացումը, երբ Պավել Մանուկյանն արձագանքեց. «Չ...-ը  խորհրդարանում ընդունված բառ ա»: Սրան ի պատասխան՝ Արտուշ Գաբրիլեյանն ասաց բառացիորեն հետեւյալը. «Մենք խորհրդարան չունենք, սա դատական նիստերի դահլիճ է»: Նրա այս հայտարարությունից հետո «Սասնա ծռեր» խմբի անդամները սկսեցին բարձր ծիծաղել եւ ծափահարել: Այս ընթացքում էլ փորձում էր հայտարարություն անել Արայիկ Խանդոյանը, սակայն դատական նիստի կարգը ըստ դատավորի խախտելու համար, նա 6 ժամով հեռացվեց նիստերի դահլիճից: Ի վերջո դատական նիստը հետաձգվեց եւ նշանակվեց հուլիսի 28-ին ժամը 11:00-ին:

Տպել
6263 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում