Իսրայելը չի ճանաչում ՀՀ-ում բժշկական կրթություն ստացածների դիպլոմները. թեման ծավալվում է

ՀՀ կրթության եւ գիտության նախարարությունը հայտարարում է, որ հետամուտ է լինելու Երեւանի Մխիթար Հերացու անվան պետական բժշկական համալսարանի դիպլոմը Իսրայելում չճանաչվելու մասին տեղեկությունների ամբողջական ու բազմակողմանի քննությանը:

«Հաշվի առնելով վերջին շրջանում հանրային հնչեղություն ստացած այն փաստը, որ Իսրայելի առողջապահության նախարարության պաշտոնական կայքէջում հրապարակվել է տեղեկատվություն, համաձայն որի` Իսրայելի պետությունը չի երաշխավորում Հայաստանում բժշկական կրթություն ստացած շրջանավարտների աշխատանք գտնելու հնարավորությունը,  ՀՀ կրթության եւ գիտության նախարարությունը հայտնում է, որ համապատասխան գրություն է ուղարկվել ՀՀ արտաքին գործերի նախարարություն»,- տեղեկացնում է կրթության գերատեսչությունը:

Հավելում է, որ այդ գրության մեջ, մասնավորապես, նշված է. «Հաշվի առնելով այն հանգամանքը, որ նման հրապարակումները ստվեր են գցում ոչ միայն Հայաստանի կրթական համակարգի, այլ նաեւ ողջ պետության միջազգային հեղինակության վրա, խնդրում ենք Ձեր միջնորդությունը` Իսրայելի համապատասխան կառույցներից խնդրի վերաբերյալ հնարավորինս մանրամասն, այդ թվում` բուհերի, դիպլոմների, շրջանավարտների ինքնության մասին տեղեկություններ ստանալու վերաբերյալ»:

Մինչ այս, խնդրին անդրադարձել է նաեւ Երեւանի պետական բժշկական համալսարանը:

«Իսրայելի առողջապահության նախարարության հայտարարությունն այն մասին, որ Հայաստանում բժշկական կրթություն ստացած բժիշկներն Իսրայելում աշխատելու հարցում այսուհետև խոչընդոտների են հանդիպելու, ոչ մի աղերս չունի 100-ամյա ավանդույթներ ունեցող Երեւանի պետական բժշկական համալսարանի հետ եւ նրա շրջանավարտների, որոնք այսօր աշխարհի տարբեր անկյուններում, ամենահեղինակավոր առողջապահական կազմակերպություններում առաջատար պաշտոններ են զբաղեցնում: Տեղեկացնենք նաև, որ Երեւանի պետական բժշկական համալսարանը պաշտոնապես դիմել է պատկան մարմիններին, մասնավորապես Արտաքին գործերի նախարարություն, Իսրայելի կողմից տարածված տեղեկատվության վերաբերյալ հստակեցումներ եւ պարզաբանումներ ստանալու նպատակով, քանի որ Իսրայելի պետության հայտարարության հասցեատերն այս պարագայում ոչ միայն բժշկական կրթություն իրականացնող բուհերն են, այլ հենց Հայաստանի Հանրապետությունը, որի միջազգային վարկանիշը, շարունակվող այս չթիրախավորված եւ չհստակեցված տեղեկատվության պատճառով, կարող է լուրջ հարվածի տակ դրվել»,- մասնավորապես նշվում է բուհի հրապարակած տեքստում:

Ընդգծվում է, որ Երեւանի պետական բժշկական համալսարանում սովորում է 26 երկրից ավելի քան 1 700 ուսանող, այդ թվում՝ Իսրայելից, վերջին 6 տարիների ընթացքում ԵՊԲՀ-ն ավարտել է 10 իսրայելցի ուսանող, եւ որեւէ խնդիր, դժգոհություն, կապված նրանց հետագա մասնագիտական գործունեության հետ, բուհը չի ստացել:

Հավելենք, որ առողջապահության ոլորտի փորձագետների շրջանում Իսրայելի հետ կապված այս խնդրի առնչությամբ կարծիքներ են հնչել, թե ծագած աղմուկն արհեստական է, քանի որ բոլոր երկրներում էլ արտասահմանում մասնագիտություն ստացած բժիշկներին աշխատանքի ընդունելուց առաջ ստուգվում են նրանց գիտելիքները: Նույն սկզբունքը գործում է նաեւ Հայաստանում:  

Տպել
3174 դիտում

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները

Որոշ մարդիկ անձնական խնդիրների պատճառով կարող են ստոր քայլի գնալ. Խաչատրյանը՝ թունավորված զեբրի մասին