ԵՊՀ թիմը ԱՄՆ-ում չի հաղթել, բայց հայտնվել է Օքսֆորդի եւ Պրինստոնի համալսարանների կողքին

Երեւանի պետական համալսարանի (ԵՊՀ) թիմը Ամերիկայի Միացյալ Նահանգներում մայիսի վերջին մասնակցել է «ACM-ICPC» ծրագրավորման միջազգային օլիմպիադայի եզրափակիչ փուլին:

Ու թեպետ չի վերադարձել մեդալով, գրանցել է որոշակի հաջողություններ: Ըստ մրցույթի արդյունքների ու լուծած խնդիրների քանակի` ԵՊՀ թիմն ընդգրկվել է 56-րդ խմբում:

«Այդ խմբի մեջ են այնպիսի հայտնի համալսարաններ, ինչպիսիք են Օքսֆորդի համալսարանը, Պրինստոնի համալսարանը, նաեւ աշխարհի բազմաթիվ լավագույն համալսարաններ: Լավ կլիներ, որ մեր թիմը էլ ավելի մեծ արդյունք գրանցեր, բայց առաջին անգամվա համար սա շատ լուրջ նվաճում է»,- մեր զրույցում ասաց ԵՊՀ կիրառական մաթեմատիկայի ֆակուլտետի դեկան, տարածաշրջանի մրցույթի տնօրեն Վահրամ Դումանյանը:

Մայր բուհի թիմի կազմում եղել են ինֆորմատիկայի եւ կիրառական մաթեմատիկայի ֆակուլտետի երեք ուսանող` Ալբերտ Սահակյանը, Հրայր Հարությունյանը եւ Տիգրան Մամիկոնյանը:

Ի սկզբանե մրցույթին մասնակցել են ավելի քան 100 երկրի շուրջ 3 հազար համալսարան: Եզրափակիչ փուլ անցել էր նրանցից մոտ 130-ը, այդ թվում` ԵՊՀ թիմը:  

«ACM-ICPC» ծրագրավորման միջազգային օլիմպիադայում հաղթող 12 թիմերին շնորհվել են մեդալներ` 4-ական ոսկե, 4-ական արծաթ եւ 4-ական բրոնզ:

«Առաջին տեղը զբաղեցրել է Սանկտ Պետերբուրգի տեղեկատվական տեխնոլոգիաների, մեխանիկայի եւ օպտիկայի համալսարանը: Արդեն յոթերորդ անգամ Սանկտ Պետերբուրգը դառնում է աշխարհի չեմպիոն: Երկրորդ տեղում Վարշավայի համալսարանն է, երրորդում` Սեուլի ազգային համալսարանը, չորրորդ տեղում` Սանկտ Պետերբուրգ պետական համալսարանը»,- ասաց Վահրամ Դումանյանը:

Արծաթե մեդալակիրներն են Մոսկվայի ֆիզիկատեխնիկական ինստիտուտը, Չինգուայի, Պեկինի եւ Ֆուդանի համալսարանները:

Բրոնզե մեդալի քառյակը եզրափակում է Տոկիոյի համալսարանը:

ԵՊՀ կիրառական մաթեմատիկայի ֆակուլտետի դեկանը նկատեց, որ ԱՄՆ-ում անցկացվող միջազգային այս օլիմպիադան ծրագրավորման ոլորտում աշխարհի ամենահեղինակավոր մրցույթն է: Կովկասյան տարածաշրջանից այս տարի միայն Հայաստանին էր հաջողվել անցնել եզրափակից:

Դումանյանն ընդգծեց, որ դրան մասնակցելու համար հովանավորներ գտնելու  հարցում մեծ դժվարություններ են հանդիպել:

«Օրինակ` մենք դիմել էինք որոշ մեծ ընկերությունների (անունը չեմ ասի, չարժե դա նշել), բայց տարօրինակ ձեւով նրանք չարձագանքեցին, չնայած որ հաճախ տեղական մամուլով, հեռուստատեսությամբ իբր թե կարեւորում են ՏՏ ոլորտը: Բայց փորձը ցույց է տալիս, որ որոշ ընկերություններ ավելի շատ իրենց համար են դա ասում, ոչ թե բուն գործի: Նրանք չաջակցեցին այդ ոլորտում այս կարեւորագույն ու պատվաբեր գործին, այնինչ, օրինակ արեւմտյան երկրներում, եթե ինչ-որ թիմ դիմում է ՏՏ ընկերության` այս նպատակով հովանավորչության խնդրանքով, բոլորը հաճույքով աջակցում են, նույնիսկ մրցակցություն է առաջանում նրանց միջեւ, թե ով պետք է հովանավորի»,- նշեց մեր զրուցակիցը:

Ֆինանսական ծանրության մեծ մասը ստանձնել է Երեւանի պետական համալսարանը: Հովանավորներ են նաեւ «Հայկական ծրագրեր» ընկերությունը եւ ԵՊՀ` գործարարությամբ զբաղվող շրջանավարտներ:

Տպել
6252 դիտում

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները

Որոշ մարդիկ անձնական խնդիրների պատճառով կարող են ստոր քայլի գնալ. Խաչատրյանը՝ թունավորված զեբրի մասին