Եթե չանդամակցեինք ԵԱՏՄ-ին, ավելի ցածր տնտեսական աճ կունենայինք. Վարդան Արամյան

Ազգային Ժողովի «Հանրապետական» խմբակցության պատգամավոր Հրայր Թովմասյանը ԱԺ-ի հանձնաժողովների համատեղ նիստում ՀՀ 2016 թվականի պետական բյուջեի կատարողականի քննարկման ժամանակ ֆինանսների նախարար Վարդան Արամյանից հետաքրքրվեց, թե Հայաստանն ի՞նչ է շահել անդամակցելով Եվրասիական տնտեսական միությանը եւ ի՞նչ է կորցրել:

Վարդան Արամյանը նշեց, որ Հայաստանի բոլոր հաշվարկները կյանքի կկոչվեին, եթե 2015 թվականի ԵԱՏՄ-ում շոկային իրավիճակ չստեղծվեր: Նախարարի խոսքով, հիմնական առավելությունն այն է, որ Հայաստանը ԵԱՏՄ-ում ստանում է ոչ առեւտրային բարիերների վերացում: «Եվրոպական միություն մենք արտահանում ենք հումքային ապրանքներ՝ պղինձը, որը ԵՄ մեր արտահանման շուրջ 92 տոկոսն է, մնացածն արդեն պատրաստի արտադրանք է: ԵԱՏՄ երկրներում, մանավանդ Ռուսաստանում, գնում է մեր պատրաստի արտադրանքի հիմնական մասը: Մոտ 92 տոկոս պատրաստի արտադրանք ենք արտահանում դեպի ԵԱՏՄ երկրներ»,- ասաց Վարդան Արամյանը:

Նախարարը նշեց, որ վերլուծությունները ցույց են տալիս, որ ԵԱՏՄ մուտք գործելով լրացուցիչ տնտեսական էֆեկտը լինում է 2.2 տոկոս, որից 1.4 տոկոսային կետը գալիս է գազի սակագնից: «Արտահանման խոչընդոտների վերացումից մենք 0.4-ից 0.5 տոկոսային կետ մենք հաշվարկել ենք, որ լրացուցիչ հավելումներ ենք ունեցել եւ այսպես շարունակ: 2014 թվականին մենք 48 միլիարդ մաքսատուրք ենք հավաքել, 2015 թվականին ունեցել ենք շուրջ 18 միլիարդ ավելի մաքսատուրք, դա այն դեպքում, երբ միջին մաքսատուրքի տոկոսը չի աճել, որովհետեւ մենք բանակցել ենք ԵԱՏՄ-ի հետ 752 տեսակի ապրանքների կայուն մաքսատուրքի մասով»,- ասաց Վարդան Արամյանը՝ նշելով, որ այս ամենը պետք է Հայաստանի տնտեսության վրա դրական ազդեցություն ունենար, սակայն 2015 թվականի ճգնաժամը մի փոքր խառնել է պատկերը:

Ֆինանսների նախարարը վստահեցնում է, որ եթե Հայաստանն անդամակցած չլիներ ԵԱՏՄ-ի, 2015 թվականին մեր տնտեսությունը կունենար շատ ավելի խորը խնդիրներ եւ 3.2 տոկոս տնտեսական աճի փոխարեն 1-ից 2 տոկոսային կետով ավելի ցածր աճ կունենայինք:

«Եթե ուշադիր լինենք, կտեսնենք, որ 2016 թվականին դեպի Ռուսաստան արտահանումը շուրջ 50 տոկոսով աճել է: Այսինքն՝ երբ կայունացավ Ռուսաստանի տնտեսությունը, մեր տնտեսվարողները հարմարվեցին նոր խաղի կանոններին, անմիջապես այնտեղ աճ գրանցվեց եւ այս տեսանկյունից ես կարծում եմ, որ մենք ունենք դրական էֆեկտներ ԵԱՏՄ-ին անդամակցությունից»,- եզրափակեց Վարդան Արամյանը:

Տպել
3253 դիտում

Ռոնալդուի հարսանցուն հարսանեկան զգեստներ է փորձում. նրանք ամուսնանում են

Սկանդալային բանավեճ Ազգային ժողովում. թիրախում «գոմիկներն» ու Գարեգին Բ-ն էին

Միջազգային կառույցները մտահոգված են Կարեն Ղազարյանի ճակատագրով. ՀՀ ՄԻՊ-ը

«Լույս» հիմնադրամը վստահեցնում է՝ գործելու է ի նպաստ հայրենիքի. արձագանք մեր հրապարակմանը

Ավետ Բարսեղյանի կյանքին վտանգ չի սպառնում, նա հիվանդանոցում է. ԲԿ-ի տնօրեն

Նոր Հայաստան առանց կանանց չենք կարող կառուցել. ամերիկահայ պատմաբան

Սալոմե Զուրաբիշվիլիի նախընտրական պաստառների վրա Բիձինա Իվանիշվիլին է

Եվրահանձնաժողովը 20 միլիոն եվրոյով կրճատում է ֆինանսական աջակցությունը Մոլդովային

Գլխավոր դատախազի հրամանով ԱԺ արտահերթ ընտրություններում ընտրախախտումներով զբաղվող աշխատանքային խումբ է ձեւավորվել

Համացանցում տարածվում է ԿԳ նախարարին վերագրվող կիսագրագետ գրառումը. դա՝ Աշոտյանի հետ վեճից հետո

ԱԺ նիստերը տապալվում են՝ քվորում չկա. վտանգված է բյուջեի ընդունումը

Դրածդ կնիքը անխախտ պիտի մնա․ Արարատ Միրզոյանը շնորհավորել է Ռոբերտ Աբաջյանի ծննդյան օրը

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Բուլղարիա

20-ամյա կնոջը ծեծելով մահվան հասցնելու մեջ մեղադրվող ամուսինը կալանավորվել է

Խիտ մառախուղի պատճառով Վարդենյաց լեռնանցքը դժվարանցանելի է

Երթևեկության կազմակերպման փոփոխություն Երևանի Դավիթ Բեկ-Հունան Ավետիսյան փողոցների խաչմերուկում

Մարտունիում ՔՊ ակտիվիստները փակել են Երևան-Վարդենիս-Մարտակերտ ճանապարհը՝ ռեյտինգային ցուցակի դեմ բողոքի համար

WikiLeaks-ի հիմնադիր Ջուլիան Ասանժի դեմ դատական հայց է ներկայացվում՝ լրտեսության մեղադրանքով

Գրոսմայստեր Լիլիթ Գալոյանը դատի է տվել Հայաստանի շախմատային ֆեդերացիային

Լարսի անցակետը փակ է բոլոր ավտոմեքենաների համար, Հայաստանում կան դժվարանցանելի ճանապարհներ