Զինծառայողներն ապաքինվում են, վթարի պատճառը մեքենայի հին լինելը չէր. Արծրուն Հովհաննիսյան

Ավտովթարից տուժած եւ ՊՆ կենտրոնական զինվորական հոսպիտալում («Մուրացան») գտնվող բոլոր 8 զինծառայողի առողջական վիճակը դեպի լավն է գնում:

«Ես այս պահին հոսպիտալում եմ, զինծառայողների վիճակը նորմալ է, ապաքինվում են, որեւէ խնդիր, վտանգ եւ ծանր վիճակ չկա»,- մեր հարցին պատասխանելով` ասաց ՊՆ մամուլի խոսնակ Արծրուն Հովհաննիսյանը:

Նշեց, որ դրական փոփոխություն կա նաեւ զինծառայողներից երկուսի մոտ, որոնց վիճակն ավելի վաղ գնահատվել էր ծանր: Մեկի մոտ առկա է սրունքի կոտրվածք, նախատեսվում է վիրահատություն, իսկ մյուսը ստացել է գլխի վնասվածք, առկա է ոսկրի տեղաշարժ եւ հեմատոմա: Չի բացառվում, որ երկրորդ զինծառայողը նույնպես վիրահատության ենթարկվի:

Հիշեցնենք, որ հունիսի 24-ին՝  ժամը 08:30-ի սահմաններում, Վարդենիս-Շորժա ավտոճանապարհին տեղի է ունեցել ճանապարհատրանսպորտային պատահար: Մ-14 ավտոճանապարհի Վարդենիս-Շորժա հատվածի 25-րդ կմ-ին ՊՆ պետհամարանիշով «ԳԱԶ 66» մակնիշի ավտոմեքենան դուրս է եկել ավտոճանապարհի երթեւեկելի հատվածից եւ մոտ 6 մ սահել մոտակա ձորակը, թափքը պոկվել է։

Վթարից հետո տեղեկություններ շրջանառվեցին, որ պաշտպանական գերատեսչության «ԳԱԶ 66» մակնիշի մեքենայի թափքում եղել է 30 զինծառայող, իսկ մեքենան առնվազն 18 տարի առաջ է արտադրվել:

ՊՆ  խոսնակն այս առնչությամբ ասաց, որ մեքենայի հստակ տարիքը չգիտի, բայց դրա հնամաշությունը բացարձակապես չէր կարող վթարի պատճառ դառնալ:  

«Ես տեղեկություն չունեմ` այդ ավտոմեքենան քանի տարեկան է, բայց այն, որ մեր բանակում վերջին երկու տարում հազարներով նոր, լավ տեխնիկա է ընդունվել եւ հին տեխնիկան դուրս է գրվում, փաստ է: Բայց «ԳԱԶ 66»-ը, եթե անգամ հնամաշ լինի, դա բացարձակ չի կարող վթարի պատճառ համարվել, որովհետեւ մենք այդ դեպքի գրեթե ամբողջ պատկերը ունենք: Քննություն է ընթանում, առայժմ իրավասու չեմ պատճառների մասին խոսել»,- նշեց Հովհաննիսյանը:

Նրա խոսքով` վթարի ենթարկված մեքենայի թափքում եղել է 14 զինծառայող: Տուժողները պայմանագրային զինծառայողներ են:

Տպել
1860 դիտում

Նախագահ Սարգսյանը մասնակցել է Վրաստանի նախագահի անունից տրված պաշտոնական ընթրիքին

Նախագահը շնորհավորական ուղերձ է հղել Բահրեյնի Թագավոր Համադ Բին Իսա Ալ Խալիֆային

Մեկնարկել է «Ներուժ» ծրագիրը. նախարարի համար սա ուժեղ Հայաստան ու Սփյուռք ունենալու առաջին քայլն է

Ուկրաինաբնակ Արտյոմ Դալաքյանը պաշտպանել է աշխարհի չեմպիոնի տիտղոսը (տեսանյութ)

Այս Ամանորին ռուսաստանցի զբոսաշրջիկների համար առաջին տեղում Հայաստանն է. Ն. Փաշինյանի կարծիքով՝ տուրիստական բում կլինի

Երևանում՝ Արգիշտի փողոցում, բախվել են մեքենան ու թիվ 74 երթուղու «Գազելը». կա 7 վիրավոր

Վրաստանին ու նոր նախագահին առաջիկա տարիներին հաջողություններ եմ մաղթում. Արմեն Սարգսյան

Արթուր Բաղդասարյանը հեռանում է քաղաքականությունից, խոստանում է վերադառնալ՝ հենց ժողովուրդն ուզի

Գողություն Մակարավանքից. հափշտակել են արծաթե մոմակալներն ու հանգանակության գումարը

Վրաստանի առաջին կին նախագահը երդվեց՝ ի հեճուկս ընդդիմության բողոքի ակցիաների

Վաղը երեկոյան ժամերից սպասվում են տեղումներ, մառախուղ, ձյուն, ջերմաստիճանը կնվազի

Վրացական ընդդիմությունը բողոքի ցույցով հասել է Թելավի, ոստիկանությունը փակել է ճանապարհը (տեսանյութ)

Վրաստանում տեղի ունեցավ Սալոմե Զուրաբիշվիլիի երդմնակալության արարողությունը (տեսանյութ)

Գիշերը ժամը 03:00-ին մեքենա է ընկել Արփա գետը, 2 հոգի հիվանդանոցում են

«Իմ քայլը» կստանա 88 մանդատ, ԲՀԿ-ն՝ 26, «Լուսավոր Հայաստան»-ը՝ 18. ԿԸՀ-ն բաշխեց մանդատները

Խանջյան փողոցում մահվան ելքով վրաերթի մասնակից «Սպիտակցի Հայկոն» ստորագրությամբ բաց է թողնվել

Երևանում զենքի սպառնալիքով առևանգել են ոստիկանության Արմավիրի վարչության պետի եղբոր տղային

Արմեն Սարգսյանը շնորհավորական ուղերձ է հղել Ղազախստանի նախագահ Նուրսուլթան Նազարբաևին

Կաթողիկոսն ընդունել է «Լուսավոր Հայաստան» կուսակցության խորհրդարանական խմբակցությանը

«Իմ քայլը» ստացել է քվեների 70.42%-ը, ԲՀԿ-ն՝ 8.26%-ը, «Լուսավոր Հայաստանը»՝ 6.37%-ը. վերջնական