Սխալ կանխատեսելու արվեստը. Մեր որեւէ կառավարություն երբեք ճիշտ կանխատեսումներ չի արել

ՀՀ բոլոր կառավարությունները ունեցել են բազմաթիվ ընդհանրություններ: Դրանցից մեկը ճիշտ կանխատեսումներ անելու անկարողությունն է: Որեւէ կառավարություն մինչ օրս չի կարողացել ճիշտ կանխատեսել, թե ինչ ցուցանիշներ կգրանցվեն մեր տնտեսության մեջ, ասենք, առաջիկա երեք տարիներին:

Այս «տաղանդը» արձանագրված է պաշտոնական փաստաթղթերում: Այդ փաստաթղթերի անունն է «Միջնաժամկետ ծախսային ծրագիր», ավելի կարճ՝ ՄԺԾԾ: ՀՀ կառավարությունը իր երեկվա նիստում հաստատեց  «ՀՀ 2018-2020 թվականների պետական միջնաժամկետ ծախսերի ծրագիրը», որտեղ կանխատեսել է տնտեսական ցուցանիշները տվյալ ժամանակահատվածում:

Ասել, որ այդ կանխատեսումները չեն իրականանալու, բնականաբար չենք կարող: Ասել, որ այդ կանխատեսումները իրականանալու են, նույնպես չենք կարող: Բայց, ինչպես ասում են,  տառապանքը փորձ ունի:

Վերջին 7 տարիների ընթացքում սա արդեն 6-րդ ՄԺԾԾ-ն է, որը հաստատվում է ՀՀ կառավարության կողմից:  Եվ ահա թե ինչ կանխատեսումներ են արել կառավարությունները: Այսպես. 2013 թվականին Տիգրան Սարգսյանի կառավարությունը հաստատեց 2014-2016 թվականների ՄԺԾԾ-ն, ըստ որի 2016 թվականին կանխատեսվում էր 6.4 տոկոս աճ: Հաջորդ տարի հաստատվեց 2015-2017թթ միջնաժամկետը, որով 2016-ի համար կանխատեսվում էր արդեն 5.3 տոկոս աճ: 2015 թվականին հաստատված 2016-2018 թթ. ՄԺԾԾ-ում 2016 թվականի համար կանխատեսված էր ընդամենը 2 տոկոս տնտեսական աճ: Կանխատեսումներից եւ ոչ մեկը չիրականացավ, եւ արդյունքում ստացվեց ընդամենը 0.2 տոկոս աճ 2016 թվականին:

Իհարկե, կարող ենք ասել, որ չորս կամ երեք տարվա համար նման կանխատեսումներ անելը բարդ խնդիր է, եւ սխալվելու հավանականությունը մեծ է: Համաձայն ենք: Բայց 2016-ի տնտեսական աճի վերաբերյալ ամենազավեշտալի կանխատեսումը կառավարությունը արել է հենց 2016 թվականին, երբ ՀՀ վարչապետը արդեն Հովիկ Աբրահամյանն էր: Անցած տարվա ամռանը ընդունված ՄԺԾԾ-ի համաձայն կառավարությունը կանխատեսում էր, որ 2016-ի արդյունքներով կգրանցվի 3.7 տոկոս աճ: 

Այս կանխատեսումը, ընդգծենք, արվել է 0.2 տոկոս տնտեսական աճ ունենալուց ընդամենը մի քանի ամիս առաջ: Այսպիսի պատկեր ունենալով, յուրաքանչյուր ոք լիարժեք իրավունք ունի կասկածել, որ երեկ հաստատված ծրագրում կառավարության արած կանխատեսումները կիրականան: 

Իսկ ինչ կանխատեսումներ է արել Կարեն Կարապետյանի կառավարությունը այս անգամ: 2017 թվականին, ըստ երեկ հաստատված ՄԺԾԾ-ի, գրանցվելու է 3.3 տոկոս տնտեսական աճ: 2018-ին 4.7, 2019-ին՝ 5.4 եւ 2020 թվականին՝ 5.7 տոկոս տնտեսական աճ: Նման կանխատեսումներ անելու հիմքում կառավարությունը, իհարկե, դրել է որոշակի հաշվարկներ ու սպասելիքներ: Բայց նախկին՝ չիրականացած կանխատեսումներով ՄԺԾԾ-ներում նույնպես կային հաշվարկներ ու սպասելիքներ, որոնք ժամանակին բավականին համոզիչ էին թվում:

Տնտեսական ցուցանիշների կանխատեսումները կարեւոր են ոչ թե այն պատճառով, որ դրանք սպորտային հետաքրքրություն են առաջացնում: Ու չարախնդալու կարիք էլ չկա: Կանխատեսումները հույժ կարեւոր են այն տեսակետից, որ կառավարությունը իր գործողությունները անում է հենց այդ կանխատեսումների հիման վրա: Այդ թվում, ասենք, պարտքեր է ներգրավում: Ասենք, եթե կառավարությունը կանխատեսում է որ կլինի 5 տոկոս տնտեսական աճ եւ այդ հեռանկարը հաշվի առնելով՝ մեկ միլիարդ դոլարի նոր վարկեր է ներգրավում, բայց կանխատեսումը չի իրականանում, ապա ստացվում է, որ մենք պարզապես փող ենք վերցրել ու փոշիացրել, որի վերադարձնելու պարտավորությունը մենք դնում ենք գալիք սերունդների ուսերին:

Տպել
4738 դիտում

ՀՀ ոստիկանությունն Արցախի գործընկերներին կնվիրաբերի տրանսպորտային միջոցներ և սարքավորումներ

Տրագիզմ կլինի, եթե պարզվի՝ Փաշինյանը Մսրա Մելիքն էր Հայաստանի գլխին, հետո ՀՀԿ-ն էլ չի փրկի. Աշոտյան

Բրազիլուհին մոլորվել է Սևաբերդ գյուղից դեպի Ակնալիճ տանող լեռնային հատվածում

Վաղը Հայաստանի խորհրդարանի հիմնադրման 100-ամյակն է. հրավիրված է 600 հյուր

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին