Զվարթնոցից Ստեփանակերտ՝ 73 հազար դրամ. վարչապետի անհետեւանք ելույթն ու տաքսու մենաշնորհը

Վարչապետ Կարեն Կարապետյանը հունիսի 8-ի կառավարության նիստում շատ կոպիտ արտահայտվեց Զվարթնոց օդանավակայանից Հանրապետության տարբեր վայրեր տաքսի ծառայություն մատուցող ընկերությունների մասին՝ ասելով, որ տաքսու վարորդներն «անթրաշ են», «չստիկներ հագած» եւ «սիգարետը բերաններին»: «Պռոստը անթույլատրելի ա, առաջին հանդիպումը ՀՀ-ի զբոսաշրջիկի հետ գալիս են դրան: 20-30 հազար դրամով Մալաթիա Սեբաստիան պտտվելով բերում են Երեւանյան լիճ` որպես Սեւան»,- վրդովված հայտարարել էր վարչապետը:

Այս ելույթից անցել է արդեն մեկ ամիս, եւ ինչ պատկեր կա այդ ոլորտում: Կառավարության հիշյալ նիստից անմիջապես հետո տրանսպորտի, կապի եւ տեղեկատվական տեխնոլոգիաների նախարարությունը հայտարարեց, որ Երեւանի Հանրապետության հրապարակից դեպի Զվարթնոց օդանավակայան գործելու է կանոնավոր միկրոավտոբուսային երթուղի, որն արժենալու է ընդամենը 300 դրամ: Օրեր անց այդ երթուղին սկսեց գործել յուրաքանչյուր ժամը մեկ: Տրանսպորտի, կապի եւ ՏՏ նախարար Վահան Մարտիրոսյանը հայտարարել էր, որ պետք է այլընտրանքային տաքսի ընկերություններ գործեն օդանավակայանի տարածքից: «Բացի այդ, օդանավակայանում ներկայում տաքսի ծառայություն մատուցող ընկերությանը հանձնարարվեց վերանայել սակագների գովազդային վահանակների քանակը, ապահովել քարտային վճարումների կարգը, ինչպես նաև վերանայել սակագները»,- ասված էր նախարարության լրատվականի տարածած հայտարարության մեջ:

Որքան էլ զարմանալի թվա, բայց տաքսիների առատությամբ աչքի ընկնող Հայաստանի պարագայում Զվարթնոցի տարածքում տաքսի ծառայության մենաշնորհ կա: «Աէրոպորտ Սերվիս»-ը հանդիսանում է Զվարթնոց միջազգային օդանավակայանի միակ պաշտոնական տաքսի ծառայությունը: Զվարթնոց օդանավակայանի պաշտոնական կայքում այսպես է ձեւակերպված տաքսի ծառայություն մատուցող կազմակերպության մասին տեղեկատվությունը: Իրավաբանական անձանց պետական ռեգիստրի գրանցամատյանից տեղեկանում ենք, որ «Աէրոպորտ Սերվիս» ՍՊԸ-ն հիմնադրվել է 2016 թվականին, հիմնադիրն է Արգեն Գեղամյանը, որի մասնակցությունը, սակայն դադարեցված է:

Տրանսպորտի, կապի եւ տեղեկատվական տեխնոլոգիաների նախարարությունից փորձեցինք տեղեկանալ, թե ի՞նչ է արվել ուղեւորափոխադրման սակագների եւ այլ տաքսի ծառայությունների մուտքը Զվարթնոցի տարածք բացելու համար: Նախարար Վահան Մարտիրոսյանի մամուլի խոսնակ Անահիտ Առաքելյանը փոխանցեց, որ հարցերին կպատասխանեն առաջիկայում:

«Աէրոպորտ Սերվիս» ՍՊԸ-ին տրված է բացառիկ իրավունք իր մեքենաները կայանել հենց օդանավակայանի ժամանման եւ մեկնման կետերին հարող տարածքներում: Այսինքն՝ Հայաստան ժամանող ցանկացած ոք առաջին բանը, որ տեսնում է օդանավակայանից դուրս գալուց դրանք այս ընկերության տաքսիներն են: Տաքսի ծառայություն մատուցող այլ ընկերությունները կամ անհատ տաքսու վարորդները իրավունք չունեն իրենց մեքենաները կայանելու հենց այս վայրում:

Մեկ այլ խնդիր է սակագինը, գովազդային վահանակների քանակը: Իհարկե, կդժվարանանք հաշվել, թե քանի գովազդային վահանակ ունի «Աէրոպորտ Սերվիս»-ը, որոնց քանակը խնդրահարույց էր համարել նախարար Վահան Մարտիրոսյանը, սակայն կարող ենք արձանագրել ուղեւորափոխադրման ֆիքսված արժեքները:

Լուսանկարը՝ Մհեր Ղալեչյանի ֆեյսբուքյան էջից:

Զվարթնոց օդանավակայանի շենքից մինչեւ Երեւանի Հանրապետության հրապարակ ճանապարհահատվածի ընդհանուր հեռավորությունը 11 կիլոմետր 300 մետր է: Նշված ճանապարհահատվածի սակագինը չպետք է գերազանցի 1200 դրամը, սակայն ե՛ւ «Աէրոպորտ Սերվիս» ՍՊԸ-ն, ե՛ւ այլ փոխադրողները Երեւանից Զվարթնոց ուղեւոր են տեղափոխում սկսած 2000 դրամից մինչեւ 6000 դրամի սահմանաչափը: Այսինքն՝ 4 անգամ ավելի թանկ սակագնով, քան կարող էր լինել իրականում: Իսկ Զվարթնոցից Երեւան փոխադրման մենաշնորհը քանի որ պատկանում է նշված տաքսի ծառայությանը, ապա այդ հասույթը միայն նրան է բաժին հասնում: «Աէրոպորտ Սերվիս» ՍՊԸ-ն աստղաբաշխական սակագներ է սահմանել զբոսաշրջային երթուղիների համար: Մինչեւ Ստեփանակերտ, օրինակ, սահմանված է առնվազն 70 հազար դրամ այն դեպքում, երբ Երեւանի կենտրոնական ավտոկայանից Ստեփանակերտ կարելի է հասնել ընդամենը 40 հազար դրամին մոտ գումարով:

Տպել
16564 դիտում

Հարցազրույց. բանակցել են չեն բանակցել

Հանուն ազգի. «միասնության շուրջպարը» ապօրինի՞ է

Բարբարոսություն.  մի ոչնչացրեք Մթնաձորը

«Ավելի վատ. սրանք քաղաքի լավագույն մարդիկ են» Լիլիթ Ավագյանի հոդվածը

Արմեն Սարգսյանն առանձնազրույց է ունեցել Վրաստանի վարչապետ Գեորգի Կվիրիկաշվիլիի հետ

Սա նոր Հայաստանն է, որը ես շատ սիրում եմ. զվարթ շրջանավարտները՝ կառավարական ամառանոցում

Սահմանամերձ համայնքների շրջանավարտների տոնը կառավարական առանձնատանը՝ լուսանկարներով

Նախագահ Արմեն Սարգսյանը տիկնոջ հետ ժամանել է Թբիլիսի

ՊԵԿ նախագահի 2 տեղակալներին հարցաքննել են, ձերբակալվեց 4 հոգի. ԱԱԾ-ի աղմկոտ բացահայտումը

Էրեբունու բանդայի անդամները թաղապետարանի աշխատակիցներ են (լուսանկարներ, տեսանյութ)

Վարչապետը միացավ շրջանավարտների տոնախմբությանը (տեսանյութ, լուսանկար)

Էրեբունիում զանգվածային անկարգությունների գործով կասկածվողը Արտաշես Չիչոյանի հայրն է

ԵԽԽՎ համազեկուցողները բարձր են գնահատել հավաքների ժամանակ Պաշտպանի աշխատանքը

Ֆրանսիայում ՀՀ դեսպանի հանդիպումը ԱԺ Ֆրանսիա-Հայաստան բարեկամության խմբի հետ

Իրանի Իսլամական հանրապետության քաղաքացու դի է հայտնաբերվել

Վարչապետն ընդունել է Ֆրանկոֆոնիայի ՄԿ քարտուղարության պատվիրակությունը

Կիսադատարկ նիստեր. նախանձելի աշխատավարձ ստացող պատգամավորներն աշխատանքի չեն գալիս

Նիկոլ Փաշինյանին շնորհավորական ուղերձ է հղել Միացյալ Թագավորության վարչապետ Թերեզա Մեյը

Վերջին անգամ «Ռեալը» հենց «Լիվերպուլին» է պարտվել Չեմպիոնների լիգայի եզրափակչում

Հստակեցվում է Էրեբունիում անկարգությունների մասնակցած անձանց շրջանակը (տեսանյութ)