Արտակ Շաբոյանը մրցակցությունից պաշտպանում է Սերժ Սարգսյանի հովանավորյալ օլիգարխին

ՀՀ տնտեսական մրցակցության պաշտպանության հանձնաժողովի նախագահ Արտակ Շաբոյանը երեկ անդրադարձել է շաքարի շուկային եւ ոչ ավել, ոչ պակաս` բնութագրել այն «լիարժեք մրցակցային»:

Սա չափազանցություն չէ բնավ: «Մեր կողմից կատարված ուսումնասիրությունները փաստում են, որ շուկան լիարժեք մրցակցային է»,- ասել է Շաբոյանը news.am-ի հետ զրույցում: Նման ցնցող եզրակացության հանգելու հիմքը այն է, որ շաքարավազի գինը  Հայաստանում չի փոխվել, չնայած հիմա շաքարի սպառումը կրկնակի աճել է:

Ու այնքան մրցակցային է շուկան, որ լիքը ներկրողներ մտել են այդ շուկա ու իրար «կոկորդ են կրծում»: «Միաժամանակ, շուկայի ուսումնասիրությունը ցույց է տալիս, որ ավելացել է նաեւ ներկրողների թիվը: Այս պահի դրությամբ, կարող եմ ասել, որ հատկապես ԵԱՏՄ անդամ երկրներից ունենք ավելի քան 20 տնտեսվարող, որոնք դեռեւս ոչ շատ մեծ քանակներով շաքարավազի  ներկրում են իրականացնում»,- ասել է Արտակ Շաբոյանը:

Իսկ հիմա՝ իրականության մասին: Լոնդոնի բորսայում այս տարվա ընթացքում, այսինքն հունվարի 1-ից մինչ օրս շաքարի գինը նվազել է 33.9 տոկոսով: Ու երբ այս պարագայում ՏՄՊՊՀ նախագահը հատուկ գոհունակությամբ հայտարարում է, որ այս ընթացքում շաքարի գինը Հայաստանում չի փոխվել, ու նաեւ ավելացնում, որ շուկան «լիարժեք մրցակցային է», դա նշանակում է, որ տվյալ անձը տնտեսագիտական բոլորովին նոր, մարդկությանը անհայտ ինչ- որ տեսությամբ է առաջնորդվում: Եթե մի ապրանքի գինը աշխարհում նվազում է մոտ 34 տոկոսով իսկ տվյալ երկրում դրա գինը չի փոխվում, ապա դա նշանակում է, որ այդ շուկան չի կարող լինել մրցակցային, այն էլ` լիարժեք:

Կամ էլ կա մյուս տարբերակը՝ որ տվյալ հանձնաժողովը հանցագործություն է կոծկում, կամ առնվազն հանցավոր անգործության է մատնվել: Մի տարբերակ էլ կա: Հաշվի առնելով, որ շաքարի «լիարժեք մրցակցային շուկան» լիարժեք վերահսկում է Սերժ Սարգսյանի ամենահովանավորյալ «գործարար» Սամվել Ալեքսանյանը, ՏՄՊՊՀ-ն ոչ թե մրցակցությունն է պաշտպանում, այլ մրցակցությունից պաշտպանում է Սերժ Սարգսյանին եւ իր հովանավորյալին: Մի խոսքով, տարբերակները շատ են, բայց դրանցից ոչ մեկը ոչ մի առնչություն չունի մրցակցության պաշտպանության հետ:

Հիմա Շաբոյանի հայտնած մյուս տվյալի մասին, ըստ որի, 20 տնտեսվարող շաքար է ներկրում: Ներքեւում բերված աղյուսակում նշված են 15-16 թվականների ընթացքում «ավելի քան 20 տնտեսվարողների» կողմից բերված շաքարի աշխարհագրությունը եւ ծավալները: Անցած տարվա ընթացքում Բրազիլիայից բերված 57.9 հազար տոննան ներկրել է Սամվել Ալեքսանյանը: Մյուս երկրներից բերվածները հենց այն «ավելի քան 20 տնտեսվարողների» ներկրածն է: Օրինակ ինչ-որ մեկը որոշել է ձեռնոց նետել Սամվել Ալեքսանյանին եւ 300 գրամ շաքար է բերել ԱՄՆ-ից: Մեկ այլ «կամիկաձե» 3.9 կիլոգրամ է բերել Հունգարիայից ու ջարդել շաքարի մոնոպոլիան: Սվազիլենդից ներկրված 10.5 կիլոգրամով շաքարի մոնոպոլիան պարզապես խորտակվել է: Ու այսպիսի տնտեսվարողների թիվը մոտենում է 30-ի: Ընդհանուր առմամբ անցած տարի Հայաստան է ներկվել 61.5 հազար տոննա շաքար, որի 95 տոկոսը, կամ 57.9 հազար տոննան մեկ տնտեսվարողը՝ Սամվել Ալեքսանյանը: Իրոք որ «լիարժեք մրցակցային շուկա»: Ընդգծենք, որ փոքր խմբաքանակներով ներկրող տնտեսվարողները շաքարը բերում են միայն ու բացառապես սեփական արտադրության համար: Որեւէ մեկը չի կարող ներկրված շաքարը հանել մանրածախ վաճառքի: Չի կարող, որովհետեւ, ինչպես Արտակ Շաբոյանն է ասում, շուկան «լիարժեք մրցակցային է»:

Իսկ թե ինչ հետեւանք է ունենում այդքան «լիարժեք մրցակցային շուկան», թերեւս ակնհայտ է բոլորին: Ինչպես արդեն տեղեկացրել էինք, Հայաստանում մեկ կիլոգրամ շաքարի մանրածախ գինը մոտ 400 դրամ է, իսկ Գերմանիայում՝ 350 դրամ, Վրաստանում 310 դրամ: Սա մրցակցության մասին մեր իշխանությունների ունեցած պատկերացումն է: Ու հենց դա է պատճառը, որ մեր տնտեսությունը չի զարգացել, չի զարգանում, ու չի էլ կարող զարգանալ:

 

  1. Ավստրիա               732 կիլոգրամ              
  2. ԱՄԷ                       1530 տոննա     
  3. Բելառուս                 368 տոննա       
  4. Բելգիա                    90 կիլոգրամ    
  5. Բրազիլիա                57910 տոննա   
  6. Գերմանիա               924 կիլոգրամ   
  7. Եգիպտոս                 144 տոննա       
  8. Իսպանիա                 825 կիլոգրամ              
  9. Իտալիա                   4.4 տոննա        
  10. Լեհաստան               75 կիլոգրամ   
  11. Լիբանան                  240 կիլոգրամ              
  12. Հրվ. Աֆրիկա            98 կիլոգրամ   
  13. Հնդկաստան              23 տոննա   
  14. Հունգարիա               3.9 կիլոգրամ
  15. Մավրիկիա                60 կիլոգրամ   
  16. 16.Մ. Բրիտանիա      290 կիլոգրամ              
  17. ԱՄՆ                         0.3 կիլոգրամ   
  18. Նիդերլանդներ          2.5 կիլոգրամ
  19. Շվեյցարիա               37.8 կիլոգրամ   
  20. Չեխիա                     400 կիլոգրամ              
  21. Չինաստան               210 կիլոգրամ   
  22. Ռումինիա                 400 տոննա       
  23. ՌԴ                           1335 տոննա     
  24. Սլովենիա                  295 կիլոգրամ   
  25. Սվազիլենդ                10.5 կիլոգրամ   
  26. Ֆրանսիա                  7.8 տոննա

 

Տպել
8265 դիտում

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Տնտեսական աճի տեմպը շարունակում է անկում ապրել՝ 6%. նախկին վարչապետ

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին

Ազգերի լիգա. Հայաստանի համար սկսվեց մեծ հույսերով, ավարտվեց, ինչպես միշտ

Նիկոլ Փաշինյանին ներկայացվել է գյուղտեխնիկայի արտադրություն հիմնելու ներդրումային ծրագիրը

Դեկտեմբերի 9-ի նախընտրական ցուցակներում ամբողջությամբ նույն տվյալներով 208 տարբեր մարդիկ կան

Գյումրու վրաերթի հեղինակն ինքնակամ ներկայացել է ոստիկանություն