Անգամ նախագահականի կայքում Սերժ Սարգսյանը չի համարվում պետական խորհրդանիշ

ՀՀ կրթության եւ գիտության նախարարությունը չի պատրաստվում հանրակրթական ուսումնական հաստատությունների ղեկավարներից պահանջել պետական խորհրդանիշների անկյունից, որոնք ստեղծվել են բոլոր դպրոցներում, հեռացնել Սերժ Սարգսյանի լուսանկարը:

Այս մասին պարզ դարձավ այսօր` լրագրողների եւ նախարար Լեւոն Մկրտչյանի հարցուպատասխանի ժամանակ:

«Այդ նկարը միշտ փակցվել է` անկախ նրանից` ով է Հայաստանի Հանրապետության նախագահը: Դպրոցներում փակցնում են Հայաստանի Հանրապետության խորհրդանիշերը: Հայաստանի Հանրապետության նախագահը խորհրդանիշների համակարգում է»,- ասաց Լեւոն Մկրտչյանը` հաստատելով, որ վերանայումներ այդ առումով չեն լինի:

«Չէ, որովհետեւ աշխարհի բոլոր երկրներում այդ սկզբունքը կիրառվում է»,- պատասխանեց նա:

Մեզ, սակայն չհաջողվեց գտնել որեւէ աղբյուր, որտեղ երկրի նախագահը համարվի պետության խորհրդանիշ: Էլեկտրոնային հանրագիտարանում, Վիքիպեդիայում պետական խորհրդանիշները երեքն են` դրոշը, զինանշանը եւ օրհներգը: Նախագահներին ու տվյալ դեպքում՝ Սերժ Սարգսյանին պետական խորհրդանիշ չի համարում անգամ նախագահական կայքը: Այնտեղ եւս պետական խորհրդանշաններ բաժնում տեղ են գտել միայն դրոշը, զինանշանը եւ օրհներգը:

«Հայաստանի Հանրապետության նախագահի մասին» ՀՀ օրենքում նույնպես խոսք չկա այդ անձի պետական խորհրդանիշ լինելու մասին:

Նկատենք, որ դպրոցներում Սերժ Սարգսյանի նկարը կախված լինելու խնդրին օրերս անդրադարձել էր լրագրողների «Ասպարեզ» ակումբի նախագահ Լեւոն Բարսեղյանը` այդ նկարի առկայությունը համարելով տոտալիտարիզմի դրսեւորում: Նա պետական խորհրդանիշների անկյունում անընդունելի էր համարել նաեւ կաթողիկոսի նկարը:

«Հարգելի ծնողներ, հասարակական գործիչներ, էս տոտալիտարացման խնդիրը հասկացող մարդիկ, ջանք դրեք դպրոցն ապաքաղաքականացնելու եւ ապակրոնականացնելու համար, ասեք, խոսեք, պահանջեք տնօրեններից՝ հանել այդ լուսապայծառ էակների նկարները կրթօջախների պատերից, այդ մարդիկ ոչ Հայաստանի խորհրդանիշն են, ոչ ազգի, ոչ ազգային հերոս են, ոչ էլ ուսման առաջավոր, ասեք՝ հանեն ու, թե սրտանց սիրում են, թող տանեն իրենց տներում կախեն այդ նկարները տատուպապի նկարների կամ ժամացույցի կողքին»,- գրել է Լեւոն Բարսեղյանը:

Տպել
3422 դիտում

Հանդիպել են Արցախի ազատագրման մարտերի եւ քառօրյա պատերազմի մասնակիցները (լուսանկարներ)

Վերանորոգվում է Բաղրամյան 26-ը, ախտահանում են տարածքը

Ավտովթար Լոռիում. մեքենաներից մեկը շրջվել է, կա վիրավոր (լուսանկարներ)

20-ամյա Միքայելի վրձնած նկարը հայտնվել է ամերիկյան MAN IN THE HAT սիգարների տուփի վրա

ԵԿՄ-ում ի՞նչ կա, որ ուտենք, գրող ուտենք. Սարոյանը՝ Սամվել Ալեքսանյանի փողերն ուտելու մասին

Կայարանամերձ հրապարկի կիսակառույցը կքանդվի. Մհեր Սեդրակյանի բիզնեսը վտանգվա՞ծ է

Ականջացավ. համախմբում չի ստացվում

Մեկ քայլ առաջ, երկու քայլ ետ. միտինգն այլեւս քրեորեն պատժելի է

Ընդհարում. բազեներն ընդդեմ բազեների

Ոստիկանությունը «պասպորտիզացիա» կիրականացնի մարզերում՝ ահաբեկիչների լուրերի հետ կապված

Երկիր Ծիրանիի արածը խուլիգանություն էր. Վարդազարյանը վատացել է ե՛ւ հոտից, ե՛ւ իրավիճակից

Հաց բերողի մահվան մեկ տարին լրանում է, բայց մահվան պատճառները դեռ ստուգում են

Դժվար է ապրել այնպես, որ չփչացնես մահախոսականիդ տեքստը. Լիլիթ Ավագյանի հոդվածը

Տուժածը ցատկել է Գյումրի բկ-ի պատուհանից

Ռուսաստանի համար հայ-ադրբեջանական պատերազմը մնում է ամենաշահավետ բիզնեսը, երբ փող է պետք

Ալիեւը չի հայտարարել Երեւանը վերադարձնելու մասին. Ադրբեջանի ԱԳՆ-ի պատասխանը Զախարովային

Իսրայելում պահանջում են նախագահ Բենյամին Նեթանյահուի հրաժարականը

Կարատեի գներին չե՞ք ծանոթացնի. FB-ում ծաղրում են եւ գցում քաղաքապետարանի էջի վարկանիշը

Դարձյալ կրակոցներ ԱՄՆ-ի դպրոցներում, այս անգամ Սիեթլում. տուժածների մասին տեղեկություն չկա

Ծառուկյանն ու փեսան բացակայում էին գնաճը զսպող ԵԼՔ-ի օրենքի քվեարկությունից. պետքները չէ՞ր