ՀՅԴ-ն ետ է մնում կոալիցիոն գործընկերոջից. ԳՄ-ում գյումրեցիներին տրված խոստումը մոռացե՞լ են

Այսօր «Գյումրին առանց տնակների»  հիմնադրամը եւս երկու շահառու ընտանիքի տրամադրեց բնակարաններ: Դրանք արդեն թվով 20 եւ 21 անօթեւան ընտանիքներն են, որ տնակից տեղափոխվում են քարաշեն բնակարաններ: 30 տարի տնակում բնակվող Մինասյանների ընտանիքը 034 տնակային թաղամասից տեղափոխվեց Կարեն Դեմիրճյան փողոցի իրենց նախընտրած առանձնատուն: 

«Ահավոր ծանր պայմաններում էինք ապրում: Վեց հոգի ենք ապրում՝ ես, ամուսինս, երեք աղջիկներս եւ մեկ տղաս, տեղը փոքր էր, դժվարությամբ էնք ապրել 30 տարի: Աշխատանք չունինք, մեր միակ եկամուտը 23 հազար նպաստն է: Ամուսինս ռեմոնտչիկ է, որ գործ կեղնի, կենե, բայց միշտ չէ, որ գործ կա» ,-armtimes.com-ի հետ զրույցում ասաց Վարդուշ Մինասյանը:

Նրանց բնակարանի գումարը հիմնադրամին փոխանցել էր ՀՀԿ-ն՝ տնտեսելով իր ԱԺ ընտրությունների նախընտրական ծախսերի բյուջեից: Մինասյանների համար գնված տունը 5,5 մլն դրամ էր: Կուսակցությունը փոխանցել էր 7 մլն դրամ, որի մնացորդային մասին  հիմնադրամը իր բյուջեից ներդրում կատարելով՝ 4 մլն դրամով եւս մեկ առանձնատուն գնեց Մկրտչյանների երեք հոգանոց ընտանիքի համար:

Armtimes.com-ի հետ զրույցում հիմնադրամի տնօրեն Ղարիբ Հարությունյանը տեղեկացրեց, որ կուսակցություններից նաեւ ՀՅԴ-ն է խոստացել մեկ բնակարան նվիրել անօթեւան ընտանիքներից մեկին, բայց դեռ գործնական քայլեր չի կատարել այդ ուղղությամբ:

Բնակարանների հանձնման արարողությանը ներկա էին հիմնադրամի հոգաբարձուների խորհրդի նախագահ, Շիրակի թեմի առաջնորդ Միքայել եպիսկոպոս Աջապահյանը, կարկառուն ՀՀԿ-ականներ Սամվել Նիկոյանը, Սուքիաս Ավետիսյանը, Գյումրու փոխքաղաքապետ Ռուբեն Սանոյանը:

Armtimes.com-ը Նիկոյանից փորձեց հետաքրքրվել, թե ինչպե՞ս է լուծվելու այն անօթեւան գյումրեցիների խնդիրը, ովքեր պաշտոնապես անօթեւանի կարգավիճակ չունեն, բայց բնակվում են տնակներում: Նիկոյանը armtimes.com-ի հարցից խուսափեց, հայտարարեց, որ պետությունը իր պարտավորությունը վաղուց է կատարել այս մասով եւ անմիջապես հեռացավ՝ ավելացնելով, որ ինչ անում են, պետք է շնորհակալ լինել:

Անդրադառնալով «Գյումրին առանց տնակների» հիմնադրամի բյուջեին, Ղարիբ Հարությունյանը armtimes.com-ի հարցին պատասխանելով՝ ասաց, որ որոշ ՀՀԿ-ական պատգամավորներ խոստացել են իրենց աշխատավարձից գումար փոխանցել: Նրանց թվում Շիրակից ընտրվածները չկան: Հիմնադրամին կանոնավոր  փոխանցում կատարում է  Գյումրու քաղաքապետարանի աշխատակազմը: Յուրաքանչյուրի աշխատավարձից պահվում է մեկ տոկոսի չափով գումար, իսկ Սամվել Բալասանյանը իր ամբողջ աշխատավարձն է փոխանցում:

Տպել
9946 դիտում

Ոստիկանին փորձում են ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ

Քիչ առաջ ձերբակալվել է 20-ամյա կնոջը դաժան ծեծի ենթարկած 30-ամյա ամուսինը

Մայրապետյանն ազատության մեջ կդրսեւորի պատշաճ վարքագիծ. լրատվամիջոցների ղեկավարները հավաստիացնում են Փաշինյանին

«Ժառանգություն»-ը որոշել է չմասնակցել խորհրդարանական արտահերթ ընտրություններին

«Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են

Վարչապետի առաջարկով եւ նախագահի հրամանագրով Լեհաստանում ՀՀ նոր դեսպան է նշանակվել

Պետությանը հասցվել է 96 մլն դրամի վնաս, հարուցվել է 19 քրեական գործ. ուսումնասիրություններ՝ զինուժում

ՀՀ կարեւորում է ԱՄԷ-ի իրավապահ մարմինների միջեւ սերտ եւ օպերատիվ համագործակցությունը

Լիբանանում ՀՀ դեսպանը հետ է կանչվել, նոր դեսպան է նշանակվել Վահագն Աթաբեկյանը

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը