Պոլսո Հայոց նոր պատրիարքի ընտրությունը կկայանա նոյեմբերի վերջին կամ դեկտեմբերի սկզբին

14/07/2017 schedule17:35

«Եթե որեւէ խոչընդոտ չառաջանա, Պոլսո Հայոց նոր պատրիարքի ընտրությունը կարող է կայանալ նոյեմբերի վերջին կամ դեկտեմբերի սկզբին. օրը նշանակվելու է Թուրքիայի ներքին գործերի նախարարության կողմից Պոլսո Հայոց պատրիարքի ընտրության համար պաշտոնական հրամանի տարածումից հետո»,- ասել է ընտրության կազմակերպչական գործընթացը վարող խմբի մամուլի խոսնակ Սեպուհ Ասլանգիլը: Այս մասին գրում է Ակօսը:

Այժմ կազմակերպչական գործընթացը վարող խումբն աշխատում է ընտրողների ցուցակները վերանայելու եւ թարմացնելու ուղղությամբ: Պոլսահայերն ընտրության իրենց իրավունքն ու ցուցակներում իրենց անունը հաստատելու եւ գրանցվելու համար այս ընթացքում պետք է դիմեն համապատասխան եկեղեցական հիմնադրամներին`կախված նրանից, թե որ եկեղեցում է գրանցվել նրանց մկրտությունը: 

Հունիսի 24-ին հայտնի էր դարձել, որ Պոլսո նոր պատրիարքի ընտրության գործընթացում կարեւորագույն զարգացում է տեղի ունեցել՝ պատրիարքական աթոռը, վերջապես դիմել է Թուրքիայի իշխանություններին: 

Ավելի վաղ Պոլսո Հայոց պատրիարքարանը պաշտոնական հայտարարություն էր տարածել եւ հաստատել՝ պատրիարքարանի եկեղեցական խորհուրդն իսկապես Արամ արքեպիսկոպոս Աթեշյանին զրկել է Պոլսո հայոց պատրիարքի փոխանորդի պաշտոնից: 

Պարզվում է, որ պատրիարքի տեղապահ ընտրված Գարեգին արքեպիսկոպոս Բեքչյանը եկեղեցական ժողովի ընթացքում Արամ արքեպիսկոպոս Աթեշյանին հորդորել է ներկայացնել իր հրաժարականի գրավոր դիմումը՝ պատրիարքական ընտրությունների գործընթացում նոր խնդիրներ չառաջացնելու համար։ Փոխանորդն ամբողջ եկեղեցական խորհրդի ներկայությամբ հայտարարել է, որ չի պատրաստվում հրաժարական տալ: Եվ հենց սա էլ պատճառ է դարձել, որ խորհուրդը քվեարկել եւ որոշել է դադարեցնելով նրա բոլոր լիազորությունները:

Արամ արքեպիսկոպոս Աթեշյանը հայտարարել էր հրաժարականի մասին, սակայն օրեր անց Երեւանում ընդգծել էր, որ իր հրաժարականը միայն բանավոր էր: 

Պոլսո Հայոց պատրիարքարանը դե ֆակտո երկու առաջնորդ ուներ՝ Թուրքիայի իշխանության նշանակած փոխանորդ Արամ արքեպիսկոպոս Աթեշյանը եւ ընտրված տեղապահ Գարեգին արքեպիսկոպոս Բեքչյանը: Փոխանորդի դեմ Պոլսում արդեն մի քանի տարի դժգոհությունների ալիք էր սկսվել: Պոլսահայերը պահանջում էին նոր պատրիարքի ընտրություն անցկացնել, որպեսզի համայնքի հոգեւոր առաջնորդին իրենք ընտրեն, ոչ թե Թուրքիայի իշխանությունը:

Հարցը կարգավորելու նպատակով Էջմիածնում խորհրդակցություն էր անցկացվել: Ամենայն Հայոց կաթողիկոսի միջնորդությամբ Պոլսո Հայոց պատրիարքարանի եպիսկոպոսները համաձայնության էին եկել, որ նախ տեղապահ կընտրվի, որից հետո փոխանորդի լիազորությունները կդադարեցվեն: Եվ տեղապահը կսկսի նախապատրաստել նոր պատրիարքի ընտրությունը:

Տեղապահի ընտրության օրը ձայների մեծամասնությունը ստացել է փոխանորդ Արամ արքեպիսկոպոս Աթեշյանի մրցակից Գարեգին արքեպիսկոպոս Բեքչյանը, ինչից անմիջապես հետո փոխանորդը ներկաներին բաժանել է Ստամբուլի նահանգապետարանի գրությունը, որով անցկացված ընտրությունն անօրինական է հայտարարվում: Արքեպիսկոպոս Աթեշյանը հայտարարել է, որ չի պատրաստվում լքել իր պաշտոնը: Թուրքիայի հայերը նրա դեմ ստորագրահավաք են սկսել: Պահանջում են զրկել հոգեւորականի կոչումից:  

Տպել
45964 դիտում

ՔՊ-ում երեկոները բուռն են, ամեն օր թեժ քննարկումներ են իրականացնում. օրակարգում ԱԺ-ի կազմն է

Խոշոր չափերով թմրամիջոցների ապօրինի շրջանառություն Երեւանում. մեկ անձի մեղադրանք է առաջադրվել

Շուշաննա Թովմասյանը, Լուիզա Ներսիսյանը՝ մանկական ամանորյա հեքիաթ ֆիլմում

Մեկ հարկային տարում երկու ավտոմեքենա նույն անձի կողմից ներկրելը ձեռնարկատիրական գործու­նեութ­յուն է. ՊԵԿ

Շինթույլտվության բարդությունները. քաղաքապետարանում տեղյակ են, բայց միջամտել չեն կարող՝ օրենքին դեմ է

Համայնքային ծառայողներն այսուհետ հանդես կգան միասնական ձայնով. ընդունվեց հայտարարություն

Եթե ձեզ թվում է, որ պետք է մեքենա բերեք ու նվիրատվության անվան տակ ֆռցնեք ավտոները՝ չի լինելու. ՊԵԿ նախագահ

Նազարբաեւը ՀԱՊԿ գլխավոր քարտուղարի պաշտոնում աջակցում է Բելառուսի թեկնածուին

Հայաստանն անվտանգ է. ոստիկանությունը հակադարձում է ԱՄՆ-ի դեսպանատանը

Արցախի նախագահ Բակո Սահակյանը հանդիպել է ՀՀ վարչապետի պաշտոնակատար Նիկոլ Փաշինյանի հետ

Երեւանի ու Բաքվի միջեւ երկխոսություն կա, եւ այն վարվում է. ՌԴ ԱԳՆ

ՀՀ նախկին փոխվարչապետ Արմեն Գեւորգյանի խափանման միջոցի վերաբերյալ հարցի քննությունը վերսկսվեց

Զինկոմիսարիատների օպտիմալացման իմաստն ավելորդ աշխատատեղեր չպահելն է. Արծրուն Հովհաննիսյան

Քարոզչության ժամանակ հիմնականում շահարկվեց եկեղեցու, Արցախի եւ ԼԳԲՏ համայնքի թեմաները. փորձագետ

Լեհաստանից հետ կանչված ՀՀ դեսպանը 7 հողամաս, 2 բնակարան, 1 առանձնատուն ունի

Հնարավոր է. Արայիկ Հարությունյանն՝ ԱԺ-ում «Իմ քայլը» խմբակցությունը ղեկավարելու մասին

Արմեն Գեւորգյանը Ռոբերտ Քոչարյանի հետ շփում չի ունեցել. նա ցուցմունք է տվել. պաշտպան

Թեժ բանավեճ՝ կառավարությունում. Նիկոլ Փաշինյանը գործ չանողներին հատուկ զգուշացում տվեց

Կիմ Երիցյանը Կոմիտասի անվան պանթեոնում թաղված չէ, լրատվամիջոցները դեզինֆորմացիա են տարածել. պարզաբանում

Սպանություն՝ Գյումրիում. «Սասնա ծռերը» հորդորում են գործադրին վերանայել ՌԴ-ի ռազմական ներկայության պայմանները