Կարկտահարությունից պաշտպանվելու տարբերակներ պետք է մշակել. գյուղացին մեղք է. համայնքապետ

16/07/2017 schedule18:16

Վերջին 25 տարում կարկտահարության նման դեպք չէր գրանցվել: Ոչնչացվել է խնձորենին, բալենին, տանձենին, սալորենին, ընկույզի 30 տոկոսը փչացրել է, բանջարաբոստանային կուլտուրաներից գրեթե ամեն ինչ վերացրել է, լոլիկ, կարտոֆիլ, լոբի, վարունգ, պղպեղ ամեն ինչ վնասվել է: Այս մասին armtimes.com-ի հետ զրույցում ասաց Գոմք համայնքի ղեկավար Մխիթար Հովհաննիսյանը:

Նա տեղեկացրեց, որ իրենց համայնքը խոշորացվել է, այդ իսկ պատճառով դիմել է Զառիթափի համայնքապետարան, որտեղից արձագանքել են եւ մարզային գյուղվարչության հետ հանձնաժողով են ստեղծելու վնասի չափը գնահատելու համար:

«Ամենայն հավանականությամբ, կգան երկուշաբթի, կուսումնասիրեն եւ վնասի չափը կներկայացնեն կառավարություն: Մեր գյուղը շատ վնասներ է կրել, գրեթե ամեն ինչ ոչնչացվել է: Կարկուտի շերտը հասել է 2-3 սանտիմետրի: Վնասներ են կրել նաեւ հարեւան՝ Ախտա եւ Կապույտ գյուղերը»,- ասաց համայնքի ղեկավարը:

Կարկտահարությունը նաեւ մեծ վնասներ է հասցրել Արտաշավան համայնքին: Համայնքապետ Ղազար Կարապետյանը մեզ հետ զրույցում նկատեց, որ գյուղի վերին հատվածում տեղակայված այգիները 100 տոկոսով վնասվել են:

«Մենք հիմնականում հատապտուղ ենք մշակում՝ մոշ, մորի, ելակ, ինչպես նաեւ այգիներ ունենք: Գյուղի վերեւի հատվածը 100 տոկոսով վերացրել է, օրինակ՝ խնձորին հազար տեղից խփել ա, էդի փչանալու է, իսկ գյուղի ներքեւի հատվածում հատապտուղը մի 50 տոկոս փրկվել է»,- գյուղի կրած վնասները ներկայացրեց Ղազար Կարապետյանը:

Նա նկատեց, որ անցած տարի էլ կարկուտ է եկել, սաղ բերքը փչացրել, դիմել են կառավարություն, բայց ոչ մի բան: Եթե մի անգամ էլ սենց կարկտահարություն լինի, ժողովուրդը կհիասթափվի եւ ոչ մի բան չի անի:

«Ես իմ ընտանիքի հետ սաղ քարերը հավաքել, հողը մշակել, մորի եմ ցանել: Մենք պայմանագիր ունենք «Թամարա» գործարանի հետ: Մինչեւ կարկտահարությունը ես օրական մինչեւ 150 կգ մորի եմ հանձնել, պետք է 4 տոննա մորի հանձնեի, որ 5 մլն գումար ստանայի, բայց հիմա «վսյո», պրծավ, շատ քիչ է մնացել բերքը»,- սրտնեղեց համայնքապետը:

Նրա կարծիքով՝ հակակարկտային կայանները նման աղետներից պաշտպանվելու համար ճիշտ չեն, պետք է այլ տարբերակ մտածել:

«Կարկտահարության նման դեպքերն անխուսափելի են, պետք է ուղղակի պաշտպանվելու տարբերակ գտնել: Օրինակ՝ գյուղացուն ֆինանսավորեն, որ ցանց առնի, քաշի իր ունեցածի վրա, մեղք են: Հիմա եթե վարկս սառեցրին, բայց ես գոյատեւելու եկամուտ չունեմ, ուզեմ-չուզեն նորից վարկ եմ վերցնելու, արդյունքում ունենում եմ երկու վարկ»,- ասաց նա:

Արտաշավան համայնքի ղեկավար Ղազար Կարապետյանը տեղեկացրեց, որ գրանցված կարկուտի մասին տեղյակ է պահել մարզպետարանին, պատճառված վնասին ծանոթանալու համար եկել է նաեւ Գյուղատնտեսության փոխնախարար Աշոտ Հարությունյանը: 

«Ես կողմ եմ, որ մարզպետարանից համապատասխան հանձնաժողով գա, տեսնեն, թե ով ինչ վնասներ է կրել, իրեն օգնություն տան: Կան մարդիկ, որոնք հող ունեն, բայց չեն մշակել, եւ կարծում եմ՝ ճիշտ չի լինի բոլորին հավասար օգնություն տրամադրելը, այլ պետք է ըստ վնասի չափի լինի»,- նշեց համայնքապետը եւ հույս չհայտնեց, որ գյուղացուն համապատասխան գումարի տեսքով փոխհատուցում կլինի:

Հիշեցնենք, որ հուլիսի 13-ին Վայոց ձորի մարզում կարկուտ էր տեղացել եւ մեծ վնասներ պատճառել մարզի:

 

 

Տպել
1085 դիտում

ԱՄՆ-ն մտադիր է կայունացնել իրավիճակը Լիբանանում եւ ուժեղացնել Սաուդյան Արաբիայի ՀՀՊ-ն

«Շանթ» հ/ը հաղորդումներն առանց թույտվության ցուցադրելու փաստով առաջադրվել է մեղադրանք

Շփման գծում հարաբերական հանգիստ օպերատիվ իրադրությունը մնացել է անփոփոխ. ՊԲ

ՀՀ երկու քաղաքացիներ փորձել են ապօրինի մեծ քանակությամբ ծխախոտ տեղափոխել Վրաստան

ԱՄՆ-Թուրքիա՝ վտանգավոր փակուղի. Էրդողանը մեղադրել է Վաշինգտոնին Դաեշ-ին աջակցելու մեջ

ՀՀ-ն, սփյուռքն ու Արցախը պետք է միասնական կարողանան կյանքի կոչել դարավոր իղձերը. պնախարար

Կոտայքի քոլեջի տնօրենը երկրից ու դասերից 3 տարի բացակայող ազգականին տրամադրել է դիպլոմ

25 տարվա ընթացքում առաջին անգամ Նիդերլանդների սենատի նախագահը Հայաստանում է

Լոնդոնը մեղադրել է Փարիզին եւ Բեռլինին Brexit-ի բանակցություններն արգելակելու մեջ

Դի-Կապրիոն,Թոմ Հենքսը, Քլոե Քարդաշյանը եւ այլք`«Հայաստանի մանուկներ»-ի այս տարվա աջակիցներ

Լավրովի այցից առաջ. ռուս փորձագետները խոսում են ԼՂ հակամարտության անլուծելի լինելու մասին

«Ժամանակ». 1000 դրամները չեն հասնում շահառուներին. հիմնադրամի շուրջ աղմուկ է հասունանում

«Ժողովուրդ». Տարոն Մարգարյանն իրեն ու իր տեղակալներին պարգեւատրել է

Մոսկվան հակամարտությունների միջոցով փորձում է վերահսկել հետխորհրդային երկրները. Ջեյմս Քոյլ

«Ժամանակ». Պարույր Հայրիկյանը մտադիր է երկուշաբթի օրը հացադուլ սկսել

Վաղվանից Հայաստանի ողջ տարածքում սպասվում են տեղումներ

Անգլիայի երկնքում բախվել են ուղղաթիռն ու ինքնաթիռը. կան զոհեր. տեսանյութ

ԵՄ-ՀՀ համաձայնագրին ընդառաջ` դիմում ՀՀ իշխանություններին` ազատել բոլոր քաղբանտարկյալներին

Կիսաֆաբրիկատների արտադրությամբ զբաղվողները չեն պահպանել հիգիենայի, տեխնոլոգիայի նորմերը

Անցած 1 օրում Հայաստանում գրանցվել է 7 ՃՏՊ, արդյունքում` 2 զոհ, 7 վիրավոր