Հայաստանն ավելացնում է պաշտպանական ծախսերն ու ՌԴ-ի հետ նոր ռազմական վարկի համար բանակցում

17/07/2017 schedule13:55

«Ռազմական» նոր վարկի ձեռքբերման շուրջ Հայաստանը Ռուսաստանի հետ քննարկումների մեջ է, որոնք սկսվել են այս տարի։ Այս մասին լրագրողների հետ հանդիպմանը հայտարարել է ՀՀ ֆինանսների նախարար Վարդան Արամյանը:  

«Հայաստանը Միջնաժամկետ ծախսային ծրագրով (ՄԺԾԾ) նախատեսում է տարեկան 60 մլն ԱՄՆ դոլարով ավելացնել պաշտպանական ոլորտին հատկացումները և «ռազմական» նոր վարկի ձեռքբերման շուրջ Ռուսաստանի հետ քննարկումների մեջ է»,- նշել է նա:

Թեպետ նա մանրամասներ չի ներկայացրել ռազմական նոր վարկի չափի, հնարավոր տրամադրման ժամկետների, ռազմական ոլորտի ինչ ծրագրի համար է այն (սպառազինության գնում, արդիականացում կամ այլ) ծախսվելու, սակայն նշել է, որ ռուսական կողմի հետ այս գործընթացը կրում է շարունակական բնույթ:

«Ռուսաստանը մեր ռազմավարական դաշնակիցն է և նման քննարկումները կրում են շարունակական բնույթ»,- ասել է նա:  

Ավելի վաղ Մոսկվան Երեւանին տրամադրել է 200 մլն դոլարի պաշտպանական նշանակության վարկ, որի շրջանակներում իրականացվում են Հայաստան սպառազինությունների ու զինատեսակների մատակարարումներ:

Ավելի վաղ ՀՀ ՊՆ պաշտպանական քաղաքականության վարչության պետ Լևոն Այվազյանը հայտարարել էր, որ Հայաստան-Ռուսաստան 200 մլն միջպետական վարկի շրջանակներում սպառազինության մատակարարումն իրականացում է առանց ուշացումների, նույնիսկ որոշ զինատեսակների մատակարարումը կատարվում է ժամանակից շուտ:

Ըստ նրա, 2017 թ.-ին մատակարարումը լինելու է ինչպես 200 մլն-ի շրջանակում, այնպես էլ ըստ ընթացիկ պայմանավորվածությունների: Այդ վարկի շրջանակներում Հայաստան է մատակարարվել «Սմերչ» և «Սոլնցեպյոկ» մոդելի զինատեսակներ, և հակատանկային նոր համակարգեր: Ռուսաստանը Հայաստանին տրամադրել է նաև «Իսկանդեր» օպերատիվ տակտիկական հրթիռային համակարգեր: Հայաստանն այսպիսով դարձել է «Իսկանդեր» համակարգեր ունեցող առաջին ԱՊՀ երկիրը:

Ասուլիսի ժամանակ ֆինանսների նախարարը նաև նշեց, որ ՄԺԾԾ-ով նախատեսում է մինչև 2020 թ.-ը տարեկան շուրջ 60 մլն դոլարով ավելացնել ռազմական ոլորտին հատկացվող ծախսերը: Պաշտպանության ծախսերի ավելացման նպատակը, նախարարի խոսքով, բանակի խնդիրների լուծումն է: Նա հստակեցրել է, որ կառավարությունում նպատակ ունեն պաշտպանության ոլորտի ծախսերը հասցնել ՀՆԱ-ի 4 տոկոսին: Այժմ այն կազմում է ՀՆԱ-ի շուրջ 3,6 տոկոսը՝ մոտ 450 մլն դոլար:  

Տպել
4382 դիտում

Այս հաղթանակը քո ձեռքից ոչ ոք չի կարող խլել. Նիկոլ Փաշինյան

Վանաձորը ցնծության մեջ է

Գյումրին ցնծում է.

ՀՀ-ում իշխանափոխության ֆոնին ԱԳՆ-ն կոչ է անում ԵԱՀԿ ՄԽ-ին զսպել Բաքվին առաջանագծում

Ոստիկանությանը հավաքի մասնակիցներին զսպվածության կոչ է անում

Սերժ Սարգսյանը հրաժարական տվեց. պաշտոնական

Ավանդական ջահերով երթն այսօր չի լինելու. «Երկիր Մեդիա»

ԲՀԿ-ն միանում է ՀՀ-ում ծավալված համաժողովրդական շարժմանը. քաղխորհուրդ

Հրամանատարը կոչ էր անում թողնել երթը, եւ վերադառնալ զորամաս

18:30-ին հաղթական հանրահավաք Հանրապետության հրապարակում. Նիկոլ Փաշինյան:

Սոցցանցերում չեն նվազում ատելության քարոզն ու բռնության կոչերը. ՄԻՊ-ը մտահոգված է

Գյումրի. ազատ արձակվեց նաեւ գյումրեցի դասախոս, քայլերթի մասնակից Կարեն Պետրոսյանը

Գյումրեցի Արամին բերման են ենթարկել ցուցապաստառի համար

Կրեմլում գտնում են, որ Հայաստանում զարգացումները ՀՀ-ի ներքին գործն են. Պեսկով

Զինվորները երթից առանձնացան. նրանց տանելու են զորամասեր  

Գյումրի. երթին միացել են բուհերը, դպրոցները, Լենտեքսը, Տրիկոտաժի ֆաբրիկան

ՀՐԱՏԱՊ. Քիչ առաջ ազատ արձակվեցին Նիկոլ Փաշինյանը, Սասուն Միքայելյանը եւ Արարատ Միրզոյանը

Արցախի ՊԲ-ն հակառակորդի ուժերի կուտակումների նոր տեսագրություն է հարապարակել

Աջակցեք ցույցերին, կանխեք բռնությունը․ հրատապ դիմում բոլոր սփյուռքահայերին եւ ընկերներին

Ցանկացած հայի կյանքը ինձ համար ամեն ինչից թանկ է. Հենրիխ Մխիթարյան