Տեղի կունենա «Արարատ» ֆուտբոլային ակումբի դեմ հերթական դատական նիստը

20/07/2017 schedule17:06

«Արարատ» ֆուտբոլային ակումբի նախկին պաշտպան Նորայր Գրիգորյանն ակումբի դեմ հերթական դատական նիստի ժամանակ ներկայացնելու է իր պահանջները: Նա դատարան է դիմել, որպեսզի ստանա իր աշխատավարձը, որն ակումբը հրաժարվում է վճարել: Նիստը տեղի է ունենալու հուլիսի 26-ին՝ 10:30-ին, Կենտրոն եւ Նորք-Մարաշ վարչական շրջանների ընդհանուր իրավասության դատարանում: Այս մասին armtimes.com-ին հայտնեց ինքը՝ ֆուտբոլիստը:

Նախորդ նիստը կայացել էր մայիսի 15-ին, սակայն հետաձգվել էր, քանի որ պատասխանող կողմը՝ «Արարատի» ներկայացուցիչները, չէին մասնակցել: Ակումբի կողմից նամակ էր ուղարկվել, ըստ որի, իրենք Նորայր Գրիգորյանին ոչինչ պարտք չեն, մինչդեռ ֆուտբոլիստը նշում է, որ իրեն չեն վճարել իրեն հասանելիք, ընդհանուր առմամբ 3600 դոլար: Բացի այդ՝ ակումբը հակընդդեմ հայցով դիմել էր դատարան:

Նորայր Գրիգորյանը միակը չէ, որ նման խնդիր ունի ակումբի հետ: Նախկինում «Արարատի» հետ նման խնդիր են ունեցել նաեւ թիմի նախկին ֆուտբոլիստներ՝ Գեւորգ Նռանյանը, Գորիկ Խաչատրյանը, Վահե Մարտիրոսյանը, Կիրիան Նվաբուեզեն, Ումարու Կաինան, ինչպես նաեւ ակումբի նախկին բժիշկ Արսեն Շալջյանը: Ըստ Շալջյանի՝ ակումբն իրեն մոտավորապես 800 հազար դրամ է պարտք, եւ նա  Նորայր Գրիգորյանի պես դիմել է դատարան:

Օրերս armtimes.com-ը հերթական ահազանգը ստացավ ակումբի անդամներից մեկի կողմից: Նա ցանկացել էր գաղտնի պահել իր ինքնությունը եւ մեկ այլ անձի միջնորդելով փոխանցել էր, որ ակումբի ղեկավարությունը շարունակում է չվճարել աշխատավարձերը: Աշխատողներն ամիսներ շարունակ չեն ստանում իրենց վաստակած գումարները, իսկ երբ ստանում են, դա չի լինում ամբողջական:

Ակումբում ստեղծված իրավիճակից տուժածներից ոմանք նշում են, որ միակ մեղավորը 1-ին թիմի գլխավոր մարզիչ, լեգենդար ֆուտբոլիստ Արկադի Անդրեասյանն է: Ըստ նրանց՝ թիմի ղեկը ստանձնելուց հետո նա է որոշել կրճատել ֆուտբոլիստների աշխատավարձերը, եւ նրա մեղքով է, որ խաղացողների եւ այլ աշխատակիցների աշխատավարձերը չեն վճարվում:

Ավելի վաղ աշխատավարձերի հետ կապված իրենց խնդիրները մասամբ լուծել էին «Արարատի» արտասահմանցի նախկին խաղացողները՝ կամերունցի Ումարու Կաինան եւ ամերիկացի Կիրիան Նվաբուեզեն: 2 ֆուտբոլիստները դիմել էին Հայաստանի ֆուտբոլի ֆեդերացիա եւ պատրաստ էին նույնիսկ ՖԻՖԱ դիմել: Արդյունքում, ինչպես նրանք հետո տեղեկացրին armtimes.com-ին, իրենց հաջողվել էր ստանալ միայն աշխատավարձի կեսը:

Տպել
10067 դիտում

«Փյունիկը» դուրս եկավ Եվրոպա լիգայի 2-րդ փուլ

12 զոհ, 571 վիրավոր, 300-ից ավել ձերբակալված կա. Իրաքում բողոքի զանգվածային ցույցեր են

ԱԳ նախարար Մնացականյանը հանդիպել է ՄԱԿ-ի գլխավոր քարտուղարի տեղակալ Ռոսմարի Դիկարլոյին

Վարչապետը դուստրերի հետ այցելել է «Զանգակ» գրատների ցանցի նորաբաց «Աբովյան» մասնաճյուղ

Էրեբունիում անչափահասին մահակով ծեծի ենթարկելու գործով անդրանիկ նիստի օրը հայտնի է

ՌԱԿ-ը դժգոհ է. Միրզոյանի կողմից անբարեկրթություն է, Իոաննիսյանի կողմից՝ անպարկեշտություն

ԲԴԽ-ն չհաստատեց Վերաքննիչ քրեականում առաջխաղացման ենթակա դատավորների թեկնածուների ցուցակը

Ես իմ ծառայակցին չեմ սպանել, ծեծելով ցուցմունք են կորզել, շինծու գործ սարքել. բաց նամակ

«Գանձասարը» դուրս մնաց Եվրոպա լիգայից. ցավալի պարտություն վերջին րոպեին

Կոռուպցիոն սխեմա դատական համակարգում. ովքեր են կիսում «պտուղները»

Վերաքննիչից պահանջում են ազատ արձակել Սերժ Սարգսյանի եղբորորդուն

Լոռիում տարիներ շարունակ բուժաշխատողներին պարտադրել են հատկացումներ անել հիմնադրամին

Վալերի Օսիպյանի հրամաններով ՃՈ մի խումբ բարձրաստիճան սպաներ ազատվել են աշխատանքից

Մեկնաբանելու կարիք էլ չկա, եթե ճիշտ լիներ, այսօր կլսեիք այդ մասին. Օրբելյանը չի հեռանում

ՃՈ-ն հրավիրում է աշխատանքի. տարիքը՝ մինչև 30, հասակը՝ 170 սմ-ից ոչ պակաս, դիպլոմով, առողջ

Սկանդալների մեջ հայտնված Աճեմյանի հեռանալն Աղաջանյանը չի մեկնաբանում, սպասում է վարչապետին

ԵԱՀԿ-ն պատրաստ է ակտիվ համագործակցության ՀՀ կառավարության հետ. Պաոլա Սևերինո

Արա Սաղաթելյանի հերթական մարդն ԱԺ-ում. ով է լրատվության վարչության նոր պետը

Ձերբակալվել են սոցիալական ծառայությունների տարածքային գործակալության աշխատակիցները

Շտապ օգնության վարորդները աշխատանքի չեն հաճախել ու վճարվել են, մեքենայի բենզինը յուրացրել