Նոր հեռուստամարաթոն. Սփյուռքից փող են ուզելու Գյումրու անօթեւանների համար. Լուսանկարներ

Այսօր՝ օգոստոսի 17-ին, «Գյումրին առանց տնակների» հիմնադրամը թվով 22-րդ անօթեւանին ապահովեց բնակարանով: Անօթեւանը Գյումրու ավտոկայանի տնակային թաղամասի բնակչուհի Ջուլիետտա Կիրակոսյանն է: Կինն անօթեւանի կարգավիճակ չունի, երկրաշարժին բնակարան չի կորցրել, սակայն հիմնադրամին գումար փոխանցած բարերարի ցանկությունն է եղել այդ տիկնոջը բնակարանով ապահովվել:

«Պայմաններս լավը չէ, կաթոցներ կար, լրիվ կռիսանոց էր: Կոմունալ հարմարություն չկար, ջեռուցում չկար, գնում էի աղջկաս տանն էի ապրում»,- armtimes.com-ի հետ զրույցում ասաց Ջուլիետտա Կիրակոսյանը:

Վերջինիս բնակարանով ապահովվել է գյումրեցի գործարար Անդրանիկ Խաչատրյանը: Բարերարն ասում է, թե միշտ ականատես է եղել, որ գյումրեցի անօթեւաններին արտասահմանցիներն են բնակարանով ապահովել, որոշել է ինքը եւս ներդրում ունենալ այդ գործում:

«Ոգեւորվելով «Գյումրին առանց տնակների» հիմնադրամի աշխատանքից, որոշեցի որպես գյումրեցի գյումրեցում համար բնակարան գնել, քանի որ գյումրեցիների համար բնակարաններ միայն գնում են արտասահմանցի բարերարները: Գիտենալով, թե անձրեւներից հետո, ավտոկայան թաղամասը ինչ վիճակում է հայտնվում, որոշեցի հենց այս հատվածից` պատահական ընտրել բնակչին»,- ասում է Անդրանիկ Խաչատրյանը:

«Գյումրին առանց տնակների» հիմնադրամը որոշել է 2018 թվականի դեկտեմբերի 7-ին, երբ կլրանա 1988 թվականի երկրաշարժի 30-րդ տարելիցը, ազատել Գյումրին տնակներից: Այդ նպատակով հնարավոր է, որ առաջիկայում համահայկական հեռուստամարաթոնի միջոցով դրամահավաք սկսվի:

«Մենք հիմա նախապատրաստական աշխատանքներ ենք իրականացում, որ դեկտեմբերի 7-ին համահայկական մարաթոնի միջոցով դրամահավաք կազմակերպենք եւ հույս ունենք, որ մեր հայրենակիցներից շատերը կմիանան: Այժմ բանակցությունների փուլում է մարաթոնի գաղափարը»,- լրագրողների հետ զրույցում ասաց հիմնադրամի գործադիր տնօրեն Ղարիբ Հարությունյանը:

Հարությունյանի խոսքով` ցանկություն կա համահայկական մարաթոնը հեռարձակել Արմենիա, Կենտրոն, Հ1, Շանթ հեռուստաընկերություններով: Լրագրողներն Հարությունյանին հիշեցրեցին, որ պետությունն իր պարտականությունը Գյումրու անօթեւանների խնդրի լուծման առումով կատարված է համարում, ինչպես է վերջինս պատկերացնում, որ իշխանությունը կաջակցի իրականացնել մի միջոցառում, որը կհակասի պետության տեսակետին:

«Իրականում խնդիրը լուծված չէ այնքանով, որքանով այս պահին փաստացի: Գյումրիում կա 2500 տնակ-բնակարան: Սա արդեն խնդիր է, եւ պետությունը չի կարող ասել, որ խնդիրը լուծված է: Ուրիշ հարց է, որ պետությունն ավարտել է այն ընտանիքների բնակարանների հատկացումը, որոնց անունները ցուցակներում հրապարակվել էր: Կան շատ ընտանիքներ, որոնք համապատասխանում էին պետության կողմից սահմանված չափանիշներին, բայց այդ ցուցակներում չեն հայտնվել: Մեր հիմնադրամն այդ ուղղությամբ է աշխատում, եւ մենք հաշվելու ենք, թե Գյումրիում քանի ընտանիք է ժամանակավոր տնակում ապրում: Սա լուրջ խնդիր է: Մենք արձանագրում ենք իրավիճակը, եւ առաջարկում համապատասխան լուծումներ»,- ասաց Ղարիբ Հարությունյանը:

Տպել
4295 դիտում

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ