Գյուղնախարարությունը ցանկանում է միջազգային լրագրողների միջոցով գովազդել հայկական գինին

18/08/2017 schedule23:19

ՀՀ գյուղատնտեսության նախարարությունում տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի հերթական նիստը, որը վարում էր հիմնադրամի խորհրդի նախագահ, ՀՀ գյուղատնտեսության նախարար Իգնատի Առաքելյանը: Նիստի օրակարգի հիմնական հարցը Հիմնադրամի կողմից ներկայումս իրականացվող և առաջիկա ծրագրերի քննարկումն էր:

Նիստի սկզբում Հիմնադրամի գործադիր տնօրեն Զարուհի Մուրադյանը ներկայացրել է նոյեմբեր ամսին նախատեսվող Գինու կոնֆերանսի ծրագիրը: Համաժողովն արդյունավետ կերպով կնպաստի հայկական գինեգործական ավանդույթների և նրա մշակութային ժառանգության վերածննդին, հնագույն արժեքների պահպանմանը, տեխնոլոգիաների լայն տարածմանը, ինչպես նաև կխթանի գինու միջազգային ստանդարտների համապատասխանության հաստատումը Հայաստանում: Հիմնադրամն իր առջև խնդիր է դրել համաժողովի միջոցով հայկական գինեգործության և խաղողագործության ոլորտի ներկայացուցիչներին տրամադրել արժեքավոր և գործնական տեղեկատվություն ստանալու հարթակ, ինչը մեծապես կարող է նպաստել սեփական արտադրանքի որակի բարելավմանը և բիզնես հաջողությունների հասնելուն:

Այնուհետև ներկայացվել է «Հայաստանի տնկարկների կադաստրի» ստեղծման ծրագրի նախագիծը, որը հնարավորություն կտա գույքագրել հանրապետության խաղողի տնկարկները, առկա սորտերը, վերահսկելի դարձնել գինեգործական արտադրանքի որակը և կանխել հնարավոր կեղծարարությունները:

«Մեր նպատակն է ստեղծել էլեկտրոնային միասնական տեղեկատվական համակարգ, որտեղ կտեղադրվի մշտապես թարմացվող տեղեկատվություն խաղողի տնկարկների, բերքի մշակությամբ և մթերմամբ զբաղվող բոլոր շահառու կողմերի վերաբերյալ»,-նշել է Զարուհի Մուրադյանը` հավելելով, որ ծրագիրը կմեկնարկի այս տարվա սեպտեմբեր ամսին:

Հայաստանի խաղողագործության և գինեգործության հիմնադրամի առաջիկա նախաձեռնությունների թվում է նաև սույն թվականի հոկտեմբեր ամսին Եվրոպայից, ԱՄՆ-ից և Կանադայից միջազգային լրագրող-փորձագետների և բլոգերների այցի կազմակերպումը, ինչը կնպաստի արտերկրում Հայաստանի գինիների վերաբերյալ իրազեկության մակարդակի բարձրացմանը և արտասահմանյան շուկայում հայկական արտադրանքի հանդեպ հետաքրքրության աճին:

Ծրագրի շրջանակներում Հայաստանի գինեգործական ավանդույթներին տեղում ծանոթանալու նպատակով բլոգերների և լրագրող-փորձագետների համար կկազմակերպվեն այցելություններ տարբեր մարզերում տեղակայված խաղողի այգիներ, որտեղ նրանք հնարավորություն կունենան համտեսել տեղական գինիները:

Տեղեկացնելով, որ ընթացիկ տարվա աշնանը Շանհայում կայանալու է ProWine ցուցահանդեսը` Զարուհի Մուրադյանը հավելել է, որ Հայաստանի խաղողագործության և գինեգործության ու Հայաստանի զարգացման հիմնադրամների համատեղ ջանքերի շնորհիվ կոնյակ և գինի արտադրող 15 հայկական ընկերություններ առանձին տաղավարով կմասնակցեն այդ միջոցառմանը:

«Հիմնադրամը ծրագրեր է իրականացնում նաև արտահանման ծավալներն ավելացնելու ուղղությամբ, և այդ առումով, կարծում ենք, հայկական գինեգործական ընկերությունների համար կարևոր կլինի մասնակցությունը միջազգային միջոցառումներին, այդ թվում` նաև Շանհայի ցուցահանդեսին»,-նշել է Զարուհի Մուրադյանը:

Հիմնադրամի առաջիկա նախաձեռնությունների թվում է նաև Հայաստանի գինեգործության վերաբերյալ իրազեկող տեսահոլովակի նկարահանումը, որում համառոտ կներկայացվեն ոլորտի զարգացման պատմությունն ու ժամանակակից զարգացումները, Հայաստանում գինու զբոսաշրջության հնարավորությունները:

Նիստի ընթացքում քննարկվել են խաղողագործության և գինեգործության ոլորտին վերաբերող այլ հարցեր ևս:


ՀՀ գյուղատնտեսության նախարարության տեղեկատվության և հասարակայնության հետ կապերի բաժին

Տպել
10849 դիտում

Սթափվեք, տղե´րք, ինքնակազմակերպվե´ք, կողմնորոշվե´ք, հստակվե´ք. Վլադիմիր Գասպարյան

Վանաձորի Հայքի հրապարակում, որտեղ մեծ հանրահավաք է, լուսավորությունն անջատված է

Վանաձորում բազմահազարանոց հանրահավաք է (լուսանկարներ, տեսանյութեր)

Արցախի ՊԲ-ում հակառակորդի կրակոցից զինծառայող է թեթեւ վիրավորում ստացել

Շիրակի մարզպետ Արթուր Խաչատրյանը հրաժարական է տվել զբաղեցրած պաշտոնից

Սերժ Սարգսյանն ուղերձ է հղել ՀՀ ԱԺ Հանրապետական խմբակցության պատգամավորներին

Կարեն Կարապետյանը փոխնախարարների է ազատել աշխատանքից

Մեկնարկել է հերթական հանրահավաքը. Հանրապետության հրապարակը լեփ-լեցուն է. թարմացվող

Կարեն Կարապետյանը հայտարարություններ է վերագրում ՀՀ-ում ԱՄՆ դեսպանին (լուսանկար)

Բանակցել կարող է ժողովրդի լիազորած ներկայացուցիչը. «Ժառանգության» պատասխանը՝ Ա. Սարգսյանին

Ոստիկանության կապիտանը աշխատանքից ազատվելու դիմում է գրել եւ միացել շարժմանը

Նիկոլ Փաշինյանի թեկնածությունը վարչապետի պաշտոնում առաջադրելու ԵԼՔ դաշինքի նախագիծը

Այսպես երկար չի կարող շարունակվել. ՀՅԴ-ն դուրս է գալիս կոալիցիայից

Ես նման բան չեմ ասել, որ Սերժ Սարգսյանն անփոխարինելի է. ՀՀԿ-ական Գագիկ Մինասյան

ԵՄ-ը դեսպանը հավանել է ներքին վիճակի՝ իշխանությունների առաջարկած լուծմումը. Կարապետյան

Պահանջում ենք քաղաքապետ Տարոն Մարգարյանի հրաժարականը. Երեւանի ավանագու ԵԼՔ խմբակցություն

Վ. Մանուկյանը ներքաղաքական իրավիճակում լուծումների իր ճանապարհային քարտեզն է ներկայացնում

«Անտանելի էր հեռվից հետեւել». Իվետա Մուկուչյանը վերադարձել է ՀՀ՝ միացել ցուցարարներին

Մենք պահանջում ենք ՀՀԿ-ի անվերապահ, առանց նախապայմանների կապիտուլյացիան. Փաշինյան

Վանաձորի «Գլորիա» կարի ֆաբրիկայի աշխատողները գործադուլ արեցին ու միացան ցուցարարներին