Լուծարված 13 դպրոցներում աշխատում էին 230 ուսուցիչներ. երեխաները կտեղափոխվեն հոկտեմբերին

Պետական հանրակրթական ուսումնական հաստատությունների թիվը նոր ուսումնական տարում կկրճատվի 13-ով: Լուծարված դպրոցները հիմնականում քաղաքային են եւ միավորվելու են մոտակա հաստատությունների հետ:

Այս մասին այսօր լրագրողների հետ հանդիպման ժամանակ ասաց կրթության եւ գիտության նախարարության հանրակրթության վարչության պետ Աշոտ Արշակյանը` վստահեցնելով, որ բոլոր այն դպրոցները, որոնց հետ միավորվելու են լուծարվողները, ունեն շենքային լավ պայմաններ, նյութատեխնիկական բազա եւ մանկավարժական համակազմ:

Նա հավաստիացրեց, որ դպրոցների խոշորացման նպատակը միմիայն կրթության որակի բարձրացումն է եւ բխում է սովորողների շահերից:

Վարչության պետի խոսքով, լուծարված դպրոցների աշակերտների տեղափոխությունը կիրականացվի հոկտեմբերին` աշնանային արձակուրդի ընթացքում: Մինչ այդ նախատեսվում են պետական գրանցման հետ կապված որոշակի գործընթացներ:

Աշոտ Արշակյանը, անդրադառնալով լրատվամիջոցներում տարածված տեղեկություններին, թե ուսուցիչները սովորականի պես նախապատրաստվել են նոր ուսումնական տարվան եւ միայն դրա մեկնարկին ընդառաջ են տեղեկացել, որ իրենց դպրոցը դադարելու է գործել, պնդեց, որ նրանք տեղեկացվել են պատշաճ կարգով:  

«Դեռ երկու ամիս առաջ բոլոր տնօրենները ծանուցվել են եւ նրանց հանձնարարվել է ծանուցել ուսուցիչներին: Անձամբ եղել եմ այդ դպրոցներում, ծանոթացել շենքային պայմաններին»,- ասաց բանախոսը:

Ինչ վերաբերում է դպրոցների խոշորացման հետեւանքով կադրային կրճատումներին` Աշոտ Արշակյանը հույս հայտնեց, որ նրանց մի մասը գործազուրկ չի դառնա, որովհետեւ հնարավոր է աշակերտների տեղափոխման արդյունքում առաջանան նոր դասաժամեր ու հաստիքներ: Հետեւաբար, ըստ նրա, դեռեւս վաղ է ասել, թե գործազուրկների շարքերը քանի հոգով է համալրվելու: Վարչության պետը նշեց, որ ամենայն հավանականությամբ առանց աշխատանքի կմնան համատեղությամբ աշխատող եւ կենսաթոշակի տարիքի մանկավարժները:

Այդուհանդերձ, պատասխանելով armtimes.com-ի հարցին, ԿԳՆ հանրակրթության վարչության պետը տեղեկացրեց, որ լուծարված 13 դպրոցներում ընդհանուր առմամբ կա 230 ուսուցիչ եւ վարչական աշխատող: Իսկ ուսումնաօժանդակ աշխատակիցների թիվն, ասաց, այդ պահին չի հիշում:

Տպել
2363 դիտում

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ

Քիչ առաջ ձերբակալվել է 20-ամյա կնոջը դաժան ծեծի ենթարկած 30-ամյա ամուսինը

Մայրապետյանն ազատության մեջ կդրսեւորի պատշաճ վարքագիծ. լրատվամիջոցների ղեկավարները հավաստիացնում են Փաշինյանին

«Ժառանգություն»-ը որոշել է չմասնակցել խորհրդարանական արտահերթ ընտրություններին

«Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են

Վարչապետի առաջարկով եւ նախագահի հրամանագրով Լեհաստանում ՀՀ նոր դեսպան է նշանակվել

Պետությանը հասցվել է 96 մլն դրամի վնաս, հարուցվել է 19 քրեական գործ. ուսումնասիրություններ՝ զինուժում

ՀՀ կարեւորում է ԱՄԷ-ի իրավապահ մարմինների միջեւ սերտ եւ օպերատիվ համագործակցությունը

Լիբանանում ՀՀ դեսպանը հետ է կանչվել, նոր դեսպան է նշանակվել Վահագն Աթաբեկյանը

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

ՆԱՏՕ-ի տասնմեկ երկրներ ռազմական ծախսերն ավելացրել են մինչեւ ՀՆԱ-ի երկու տոկոսը

Բարեգործական համերգ Աննա Հակոբյանի բարձր հովանու ներքո. հասույթը կտրամադրվի քաղցկեղով հիվանդ երեխաների բուժմանը

Տիգրան Ուրիխանյանը փոշմանել է

Նիկոլ Փաշինյանը ներկա է գտնվել Յուրի Վարդանյանի քաղաքացիական հրաժեշտի արարողությանը