Շիրակի մարզում բրուցելոզի դեպքեր կան. 42 անձ վարակվել է, անասուները կրկնակի են ստուգվում

Ընդամենը մի քանի օր առաջ՝ օգոստոսի 25-ին, armtimes.com-ը տեղեկություն հրապարակեց այն մասին, որ Շիրակի մարզի Ամասիայի տարածաշրջանի Մեղրաշատ գյուղի 22-ամյա անասնապահ` Սերգեյ Սահակյանը վարակվել է բրուցելոզով: Վերջինս բժշկական օգնություն է ստանում Գյումրու հակատուրբերկուլիոզային եւ ինֆեկցիոն հիվանդանոցում:

Այսօր armtimes.com-ը կրկին ահազանգ ստացավ, որ օգոստոսի 29-ին բրուցելոզով վարակված մեկ այլ քաղաքացի եւս ընդունվել է Գյումրու հակատուրբերկուլիոզային եւ ինֆեկցիոն հիվանդանոց: Մեր տեղեկությունները հիվանդանոցից հաստատեցին՝ նշելով, որ վարակված քաղաքացին Շիրակի մարզի Հովիտ համայնքի 62-ամյա բնակիչ Սպարտակ Հովակիմյանն է:

Հովիտի գյուղապետ Ավետիկ Սերոբյանը armtimes.com-ի հետ զրույցում տեղեկացրեց, որ տարածված վիրուսի մասին տեղյակ է: Այն, ըստ գյուղապետի, Հովիտում առկա է արդեն 3 տարի: Այս տարիների ընթացքում բրուցելոզով վարակվել է արդեն 20 հովիտցի:

«Երեկ բրուցելոզով հիվանդ 4 հատ տավար ենք էլի մորթել, ինչքան լինում է, այդքան մորթում ենք»,- ասում է գյուղապետը եւ տեղեկացնում, որ մորթի ենթարկված կենդանու միսը հանում են վաճառքի:

Գյուղում կա 500 գլուխ խոշոր եւ 1500 գլուխ մանր եղջերավոր անասուն: Պարզվում է, որ այս տարիների ընթացքում ստուգումների ենթարկվել են միայն խոշորները, իսկ մանրերից արյան նմուշառում չի կատարվել: Հովիտի գյուղապետը, թեեւ տեղեկացրեց, որ խնդրով դիմել է գյուղատնտեսության նախարարին, որպեսզի ոչխարները եւս ստուգումների ենթարկվեն:

Առողջապահության նախարարության Հիվանդությունների վերահսկման և կանխարգելման ազգային կենտրոնի Շիրակի մարզի մասնաճյուղից armtimes.com-ին փոխանցում են, որ այս պահին մարզում ընդամենը բրուցելոզով վարակված 42 անձ կա, ովքեր հիվանդությունը ձեռք են բերել 2017 թվականի մարտից մինչեւ այս պահն ընկած ժամանակահատվածը: Կառույցի համաճարակաբանը փոխանցում է նաեւ, որ հիվանդության աճը պայմանավորված է դեպքերի ակտիվ հայտնաբերմամբ՝ կենդանիների հետ շփվածների շրջանում:

«Անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի Շիրակի մարզային կառույցի ղեկավար Սիմոն Պողոսյանն էլ մեր զրույցում տեղեկացրեց, որ մարզում համաճարակ չկա, հիվանդությունը տարածված է միայն Հովիտում: Իրականացվում է համապատասխան աշխատանքներ:

Տպել
15148 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը