Քաղաքական քաշքշուկներից հետո Գետքի դպրոցն անվանակոչվեց հայտնի գեներալի անունով. Լուսանկար

Այսօր՝ սեպտեմբերի 1-ին, Շիրակի մարզի Գետք գյուղի դպրոցն անվանակոչվեց գեներալ-մայոր Արտուշ Հարությունյանի անունով: Նման որոշում 2001 թվականից դեռ Շիրակի մարզպետ Ֆելիքս Փիրումյանի կողմից էր եղել, որի համար առիթ էր հանդիսացել դպրոցի մանկավարժական խորհրդի դիմումը: Սակայն, որոշ պատճառներով՝ Փիրումյանի որոշումը պետական գրանցում չէր ստացել: Armtimes.com-ին հաջողվեց պարզել, որ պատճառը սկանդալային միջադեպն է եղել: Բանն այն է, որ գեներալ-մայոր Հարությունյանի եւ Գետքի գործող գյուղապետ Հովիկ Մխիթարյանի ազգերը թշնամանք ունեն միմյանց հանդեպ, որն էլ հանդիսացել է պատճառ, որ, ըստ Գետքի բնակիչների՝ գյուղապետը խոչընդոտի գործընթացին:

«Էս դպրոցը կառուցվել է Արտուշ Հարությունյանի ձեռնակրած միջոցառումների շնորհիվ: Էս դպրոցը, որ չէղներ, մեր գյուղը լրիվ մարած կէղներ: Երկու ազգերի մեջ գյուղապետի պաշտոնի կռիվ է եղել: Էդ հարցերով մեկը մյուսին քաշքշել է: Երկու ազգերն էլ իրենց թեկնածուներն են ունեցել, մեկը Հարությունյանների ազգից էր, մեկն էլ՝ Մխիթարյանների: Երեւի 1996 թվականներին էր: Սովետից հետո, գյուղապետն Արտաշ Հարությունյանն էր՝ Արտուշ Հարությունյանի եղբայրը: Վեց տարի Արտաշը եղավ ու իրանից հետո Մխիթարյան Հովիկը եղավ ու մնաց: Հիմա թշնամանք կա երկու ազգերի միջեւ: Էնպես չէ, որ հիմիկվա գյուղապետն ուրիշ անուն էր ուզում, ուղղակի պատճառը էդ քաշքշուկն էր: Արտուշը շատ արժանի մարդ էր, որ իրա անունով կոչեցին դպրոցը, մեր գյուղի հարգված մարդկանցից մեկն էր, շատ լավ որոշում է»,- այս մասին armtimes.com-ին պատմեց գյուղի հարգված բնակիչներից մեկը՝ Զարզանդ Ալեքսանյանը:

Գետքի դպրոցի տնօրեն Հերմինե Թադեւոսյան էլ այս պատմության վերաբերյալ որեւէ տեղեկություն չտրամադրեց:

«Այդ տարիներին ես տնօրեն չեմ եղել, ընդամենը երկու տարի է, որ աշխատում եմ: Ես ասեկոսեների համար պատասխանատվություն չեմ կրում, ովքեր, որ ասում են, թող իրենք էլ պատասխանեն»,- ասաց նա:

Գեներալի ընտանիքը նախորդ տարի է տեղեկացել, որ 2001 թվականի որոշումը պետական գրանցում չի ստացել, խնդրով դիմել են վարչապետին: Գեներալ Հարությունյանի որդին եւս չցանկացավ խոսել երկու ազգերի միջեւ տեղի ունեցած միջադեպի մասին:

«Անցած տարի մենք պատահական իմացանք, որ 2001 թվականի մարզպետի որոշումը պետական գրանցում չի ստացել: Այս տարի հուլիսին որոշումը ստացավ պետական գրանցում: Չեմ ուզում շատ խորանալ, բայց ինչ-որ խնդիրներ եղել են: Ես չեմ ուզում այդ պատմության մեջ խորանալ, որովհետեւ չեմ ապրում այս համայնքում»,- նշեց Արտուշ Հարությունյանի որդին:

Այլ տեղեկության համաձայն՝ Արտուշ Հարությունյանի որդին բավականին մտերիմ է Շիրակի ներկայիս ՀՅԴ-ական մարզպետ Արթուր Խաչատրյանի հետ, որն էլ արագացված տեմպերով դպրոցի անվանակոչման հարցը կարգավորել է:

Թեմայի շուրջ armtimes.com-ը փորձեց պարզաբանում ստանալ նաեւ Գետքի գյուղապետ Հովիկ Մխիթարյանից, սակայն համայնքում նշեցին, որ նա այս պահին գյուղից բացակայում է: Մխիթարյանը համառորեն չպատասխանեց նաեւ մեր հեռախոսազանգերին:

Անդրադառնալով գեներալ-մայոր Արտուշ Հարությունյանի անցած ուղուն՝ նշենք, որ նա ծնվել է 1942թ. հունիսի 8-ին, Գետք գյուղում, գյուղացու ընտանիքում: 1960թ. ավարտելով  միջնակարգ դպրոցը՝ աշխատել է որպես խառատ Երեւանի կոմպրեսորային գործարանում:  1961թ.-ին ընդունվել է Բաքվի բարձրագույն համազորային հրամանատարական ուսումնարան, որն ավարտելուց հետո` 1965թ.-ին, ուղարկվել է Թուրքմենստանի ռազմական օկրուգ: 1977թ. հունվարին նշանակվել է 860-րդ առանձին մոտոհրաձգային գնդի հրամանատարի տեղակալ: Գունդը 1979թ. դեկտեմբերին մտել է  Աֆղանստան և տեղակայվել է Բադախշանի շրջանում: 1979թ. դեկտեմբերին Ա. Հարությունյանին շնորհվել  է փոխգնդապետի զինվորական կոչում, իսկ  1989թ.-ին ԽՍՀՄ Մինիստրների խորհրդի որոշմամբ  Ա. Հարությունյանին շնորհվել է գեներալ-մայոր զինվորական կոչումը:  Հարազատների խոսքով՝ հակառակորդը գեներալին նրա հզորության համար «Չոռնի պալկովնիկ» մականուն է տվել:

Նշենք, որ Գետքի դպրոցն այս ուսումնական տարում հաճախեց վեց առաջին դասարանցի, աշակերտների ընդհանուր թիվը 60 է: Տնօրենի խոսքով՝ աշակերտները տարեցտարի նվազում են:

«Ծնողներն արտագաղթում են, երեխաներին իրենց հետ տանում են: Տարեցտարի երեխաների թիվը պակասում է: Եթե երկու աշակերտ էլ տանում են, դա մեզ համար էլ է ցավալի, նվազում են»,- նշեց Հերմինե Թադեւոսյանը:

Հետգրություն. Armtimes.com-ը թեմայի շուրջ պատրաստ է լսել նաեւ Հովիկ Մխիթարյանի մեկնաբանությունը:

Տպել
3792 դիտում

Ոստիկանին փորձում են ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին

Ստորագրվեց Երևանում նոր ՋԷԿ-ի կառուցման համաձայնագիրը. ծրագրի արժեքը 250 մլն դոլար է

Եղել եմ ՀՀԿ անդամ, բայց 2011 թ-ից զբաղվում եմ միայն թատրոնի աշխատանքով. Կիրակոսյանն իր զգուշացման մասին

Անվանի մարզիկները հիշում են Յուրի Վարդանյանի հետ շփումը, խորհուրդները դրական էներգիան

Երեւանի կենդանաբանական այգում զեբրը սատկել է, կենդանուն թունավորել են մկնդեղով

Լուսինեի ներշնչանքի աղբյուր է դառնում ցանկացած իր. նկարչուհին իր բրենդն է ստեղծել

Ժամը 18:00-ի դրությամբ, համաներմամբ ազատ է արձակվել 465 դատապարտյալ

Քիչ առաջ ձերբակալվել է 20-ամյա կնոջը դաժան ծեծի ենթարկած 30-ամյա ամուսինը

Մայրապետյանն ազատության մեջ կդրսեւորի պատշաճ վարքագիծ. լրատվամիջոցների ղեկավարները հավաստիացնում են Փաշինյանին

«Ժառանգություն»-ը որոշել է չմասնակցել խորհրդարանական արտահերթ ընտրություններին

«Լույս» հիմնադրամը վերադառնում է, բայց կրթաթոշակ չի տալու. նոր նպատակները քաղաքակա՞ն են

Վարչապետի առաջարկով եւ նախագահի հրամանագրով Լեհաստանում ՀՀ նոր դեսպան է նշանակվել

Պետությանը հասցվել է 96 մլն դրամի վնաս, հարուցվել է 19 քրեական գործ. ուսումնասիրություններ՝ զինուժում

ՀՀ կարեւորում է ԱՄԷ-ի իրավապահ մարմինների միջեւ սերտ եւ օպերատիվ համագործակցությունը

Լիբանանում ՀՀ դեսպանը հետ է կանչվել, նոր դեսպան է նշանակվել Վահագն Աթաբեկյանը

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը