Գերազանցիկ, կարգապահ, կարեկցող, հոյակապ մարդ. դպրոցի տնօրենը՝ քաղաքապետի որդու մասին

Այն փաստը, որ Սերժ Սարգսյանը ոսկե մեդալ է հանձնել նաեւ Հրազդանի քաղաքապետ Արամ Դանիելյանի որդուն, հանրային մեծ արձագանք ստացավ:

Մինչ այս, քաղաքապետի անչափահաս որդին լրատվամիջոցների ու հասարակության ուշադրության կենտրոնում էր հայտնվել հունիսի 8-ին տեղի ունեցած ողբերգական դեպքից հետո, երբ ծառայողական մեքենայով վրաերթի էր ենթարկել 58-ամյա մի տղամարդու՝ լինելով ընդամենը 17 տարեկան, եւ չունենալով վարորդական իրավունք:

Արամ Դանիելյանի որդին՝ Ռազմիկ Դանիելյանը, Հրազդանի N1 ավագ դպրոցի շրջանավարտ է: Տնօրեն Հասմիկ Հայրապետյանը հավաստիացրեց, որ նա այդ մեդալը վաստակել է՝ սովորելով բարձր առաջադիմությամբ:

Եվ տնօրենի խոսքերից պարզ դարձավ, որ Հրազդանի քաղաքապետի ընտանիքում արժանավոր որդի են դաստիարակել՝ չնայած նրան թույլ է տրվել դեռ չափահաս չդարձած՝ ավտոմեքենա վարել, ղեկին նստել առանց վարորդական իրավունքի ու նաեւ տրամադրվել ծառայողական ավտոմեքենա՝ նախատեսված պետական կարիքների համար:

Խոսելով Ռազմիկ Դանիելյանի մասին՝ N1 ավագ դպրոցի տնօրենն ասաց. «Նա ունի բացառիկ առաջադիմություն, հոյակապ մարդ է, կարգապահ, նախաձեռնող, կարեկցող: Բոլոր դրական հատկանիշներով օժտված անձնավորություն է»:  

Տնօրենը հավելեց, որ դպրոցը մեդալի է ներկայացրել երեք հոգու, այդ թվում՝ քաղաքապետի որդուն: «Դպրոցը ներկայացրել է՝ հաշվի առնելով նրա առաջադիմությունը, որ 11 տարի շարունակ բացարձակ գերազանցիկ է եղել: Եվ այս պահին արդեն Ամերիկյան համալսարանի ուսանող է: Մենք մեդալի երեք հավակնորդ ենք ունեցել, այդ թվում ինքը՝ օլիմպիադաների մասնակից, շատ լավ տղա: Երկուսը նախագահի ձեռքից ստացել են իրենց մեդալը: Մյուսը չէր կարողացել մինչեւ վերջ պահպանել այդ հնարավորությունը»,- տեղեկացրեց Հասմիկ Հայրապետյանը:

Պաշտոնական տեղեկատվության համաձայն, Սերժ Սարգսյանն օգոստոսի 29-ին հյուրընկալել էր 2016-2017 ուսումնական տարում բարձր առաջադիմություն ցուցաբերած` հանրապետության հանրակրթական ուսումնական հաստատությունների մեդալակիր շրջանավարտներին, ինչպես նաեւ դպրոցականների միջազգային առարկայական օլիմպիադաներում 2017թ. հաջողությունների հասած՝ մայրաքաղաքի եւ մարզերի աշակերտներին, Կենգուրու միջազգային մաթեմատիկական եւ հայոց լեզվի «Մեղու» մրցույթների մրցանակակիրներին: Կրթության եւ գիտության նախարարի հետ միասին նա միջազգային օլիմպիադաների մրցանակակիրներին, շրջանավարտներին ու աշակերտներին հանձնել է ոսկե մեդալներ եւ գովասանագրեր:

Տպել
3488 դիտում

Երթեւեկության կարգի փոփոխում՝ Երևանի Ղազար Փարպեցու փողոցի Թումանյան-Արամ հատվածում

Այս ամսվա ընթացքում մահացել են մեկ եւ երկու ամսական երեխաներ. պատվաստեք ձեր երեխաներին

Գայ գյուղի հրդեհված տան մոխրացած տերն իրականում սպանվել է հրազենի կրակոցից. դին այրել են

Զվարճալի դեպք ՀՀ ծանրամարտի առաջնությունում.ծանրորդը ծանրաձողով հասավ տրիբունա (տեսանյութ)

Հեռավորությունն այլեւս խոչընդոտ չէ Մադագասկարի հետ համագործակցելու համար. Սերժ Սարգսյան

Արթիկի ոստիկանապետն ազատվել է պաշտոնից. ազատում-նշանակում օպերացիան շարունակվում է

«Գյումրի ԲԿ»-ում ոտքի եղունգի հեռացման համար սկսված միջադեպով զբաղվում է դատախազությունը

Օլիմպիական փոխչեմպիոն Սիմոն Մարտիրոսյանը դիտում էր եղբոր ելույթը ՀՀ առաջնությունում

Շուրջ 40 տաքսու վարորդների հոգեներգործուն դեղահաբով սուրճ է հյուրասիրել ու թալանել

Մայթով քայլելը առավել քան վտանգավոր է (լուսանկարներ)

Եվրոպայի չեմպիոն Անդրանիկ Կարապետյանը 0 ստացավ ՀՀ առաջնությունում

Ինչպե՞ս պաշտպանել մտավոր սեփականությունը․ վարչապետը լուծումներ է պահանջել

Արցախյան շարժումը պատմական իրադարձություն էր․ Բաբլոյանը պարգեւատրել է Արցախի ԱԺ նախագահին

Վրաստանի ներքին գործերի նախարարն այցելել է Ծիծեռնակաբերդ (լուսանկարներ)

Հայաստանում «կապույտ հազ» ախտորոշմամբ 2 ամսական երեխա է մահացել

Հայ կոմպոզիտորական արվեստի 9-րդ փառատոնը կնվիրվի Գրիգոր Եղիազարյանի 110-ամյակին

«Արսենալին» բաժին հասավ «Միլանը». ամենահաճելի մրցակիցը չէ

Թուրք հայտնի քաղաքական գործիչների ու ազգայնականների մոտ հայկական արմատներ են հայտնաբերվել

Մատենադարանի տնօրենի թափուր պաշտոնը զբաղեցնելու համար առաջադրվել է մեկ թեկնածու

Բելառուսից շուտով ՀՀ կժամանի աշխատանքային խումբ․ քննարկվելու են լոգիստիկ խնդիրներ