Շաքարավազը պետք է էժանանար դեռ ամիսներ առաջ. պրիմիտիվ քարոզչություն

Երեկ հանրային հեռուստատեսության լրատվականը ռեպորտաժ էր պատրաստել այն մասին, թե ինչպես է Հայաստանում շաքարավազը էժանացել:

Ասվում էր, որ այս տարի պահածոյացումը ավելի մատչելի ու էժան է լինում շաքարավազի էժանացման շնորհիվ: Ասվում էր նաեւ որ շաքարավազը էժանացել է այն պատճառով, որ մրցակցություն կա շուկայում, ավելի քան 20 ներկրողներ շաքար են բերում եւ այլն, եւ այսպես շարունակ:

Մի խոսքով, հեռուստադիտողը կարող է իրեն հպարտ զգալ իր երկրում ազատ տնտեսական մրցակցության մակարդակով: Այդ ռեպորտաժը դիտելուց հետո մեր հպարտ հեռուստադիտողը կարող է արձանագրել, որ աշխարհի ամենաազատ մրցակցային տնտեսությունը հենց Հայաստանում է: Կարճ ասած՝ մե քեֆ, մե ուրախություն:

Շաքարավազը իրոք էժանացել է: Էժանացել է մի քանի օր առաջ: Էժանացել է պահածոյացման ամենաբուռն սեզոնից անմիջապես հետո: Թե ինչ գնով էր վաճառվում Հայաստանի խանութներում մեկ կիլոգրամ շաքարը, ներկայացված է առաջին գծապատկերում:

Անցած տարվա օգոստոսից ի վեր շաքարը Հայաստանում սկսեց թանկանալ: Հոկտեմբերին արդեն 395 դրամ էր, իսկ այս տարվա հունվարին՝ 406 դրամ: Օգոստոսի համեմատ թանկացումը կազմեց 13 տոկոս: Դա բացատրվում էր համաշխարհային շուկայում շաքարի թանկացմամբ:

Իրոք, այդպիսի բան տեղի է ունեցել: Շաքարի գինը աշխարհում սկսեց բարձրանալ 2016 թ. գարնանը եւ պիկին հասավ հոկտեմբերին: Սակայն դրանից հետո սկսեց շատ արագ էժանանալ, եւ այդ գործընթացը տեւում է առ այսօր: Ընդ որում էժանացումը, մեղմ ասած, կտրուկ է՝ 10 ամսվա ընթացքում շուրջ 38 տոկոս: Հիմա համեմատենք այս երկու գծապատկերները: Համաշխարհային շուկայում գինը նվազում է (2-րդ գծապատկեր), իսկ Հայաստանում՝ ոչ:

Բայց կիսապաշտոնական քարոզչամիջոցները այդ մասին ծպտուն չէին հանում: Ու հանկարծ, երբ պահածոյացման սեզոնն ավարտվում է ու շաքարի նկատմամբ պահանջարկը նվազում է, այդ ապրանքի գինը նվազում է, եւ միանգամից՝ ռեպորտաժ այդ մասին:  

Ինչ վերաբերվում է ռեպորտաժում տնտեսական մրցակցության պաշտպանության հանձնաժողովի ներկայացուցչի մեկնաբանությանը թե շաքարի գինը նվազել է մրցակցության հետեւանքով, ապա նկատենք, որ այս տարվա առաջին կիսամյակում Հայաստան ներկրված մոտ 65 հազար տոննա շաքարից 53.5 հազարը ներկրել է շաքարի «արքան»՝ Սամվել Ալեքսանյանը: Եվս 11.3 հազար տոննա ներկրվել է Ռուսաստանից, որի մեծագույն մասը ներկրել են Պեպսի կոլան, Կոկա կոլան եւ Գրանդ Քենդին իրենց արտադրության համար, եւ այդպես եղել է միշտ: Ի դեպ, մեր շատ սիրելի ՏՄՊՊՀ-ն մինչեւ հիմա որեւէ կերպ չի մեկնաբանել, թե ինչու Ռուսաստանից, որտեղ շաքարի մանրածախ գինը վերջին շրջանում մինչեւ 20-25 տոկոս ավելի էժան է, քան մեզ մոտ, շաքարը այդքան քիչ է ներկրվում, եւ հիմնականում արտադրողների ներքին կարիքները հոգալու եւ ոչ թե մանրածախ շուկայում վաճառելու նպատակով (Գծապատկեր 3):

Ախր արդեն երեք տարի է Հայաստանը այն «170 միլիոնանոց» շուկայի մի մասն է՝ նույն տնտեսական տարածքի բաղկացուցիչը, եւ ըստ տրամաբանության, մրցակցության առկայության դեպքում միեւնույն ապրանքի գինը չի կարող տարբերվել 20-25 տոկոսով:

Շաքարավազի ուշացած, խիստ ուշացած էժանացման մասին այսպիսի ռեպորտաժներ պատրաստելը իրականում շատ վատ ենթատեքստ են պարունակում: Դա նշանակում է, որ իրապես մրցակցային տնտեսության ձգտելու փոխարեն Հայասատանի իշխանությունը ընդամենը ապավինում է պրիմիտիվ քարոզչությանը՝ հին ու «բարի» ժամանակների ոճով:

Տպել
3722 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին