Կառավարությունը սպասում է, որ հաջորդ տարվանից Լեզվի տեսչությունը մեխանիկորեն լուծարվի

Կառավարությունը կարծես որոշել է համբերատար սպասել Լեզվի պետական տեսչության մեխանիկորեն ու ինքնաբերաբար լուծարվելուն: Բանն այն է, որ 2018 թվականի հունվարից դրա գոյությունն անխուսափելիորեն կդադարի օրենքի ուժով:

Այս տարվա մարտին կառավարության՝ շրջանառության մեջ դրված համապատասխան որոշման նախագծով նախատեսվում էր լուծարել Լեզվի տեսչությունը: Հանրության շրջանում ծայր առած անհամաձայնությունն ու դժգոհության ալիքը, սակայն, կառավարությանը ստիպեց հետքայլ կատարել: Լեզվի տեսչությունը չլուծարվեց, իսկ որոշման նախագիծը հանվեց կառավարության նիստի օրակարգից՝ դա պատճառաբանելով լրացուցիչ քննարկումների անհրաժեշտությամբ:

Ոլորտի պատասխանատուներն այս ընթացքում ոչ այնքան հստակ հայտարարություններ են արել, թե լեզվի տեսչության փոխարեն նախատեսվում է ստեղծել մեկ այլ՝ ավելի բարձր կարգավիճակ ունեցող մարմին:

Տեսչական բարեփոխումների խմբի ղեկավար Հայկ Այվազյանից հետաքրքրվեցինք, թե այդ առումով ինչ գործընթացներ կան եւ Լեզվի պետական տեսչությանը փոխարինող ինչ մարմին է ստեղծվելու, եթե ստեղծվելու է:

«Կոնկրետ նախագիծ չկա, իսկ քննարկումներ շատ են լինում՝ լուծումներ գտնելու համար»,- ասաց նա: Հարցին, թե ինչ քննարկումներ են դրանք եւ ովքեր են մասնակիցները, Հայկ Այվազյանն արձագանքեց. «Համապատասխան պաշտոնատար անձինք: Եթե կա կոնկրետ հարց, ես պատասխանեմ, վերացական բնույթի հարցերին չեմ կարող պատասխանել: Ասացի՝ ինչ աշխատանքներ են տարվում: Դրանից ավելի բան չեմ կարող ասել, որովհետեւ չկա»:

Նա չբացառեց, որ արդեն հունվարից տեսչությունն օրենքի ուժով դադարի գոյություն ունենալ եւ վերջ: «Եթե որոշումը այդպես լինի, այո՛:  Օրենքը հստակ ասում է, որ բոլոր տեսչությունները (միայն Լեզվի տեսչության մասին չէ խոսքը), դադարում են իրենց գործունեությունը»,- նշեց Հայկ Այվազյանը:

Տեսականորեն նաեւ հնարավոր համարեց, որ այդ մարմնի փոխարեն ոչինչ չի ստեղծվի, ինչպես եւ չբացառեց ճիշտ հակառակը:

«Տեսչական մարմինների մասին» ՀՀ օրենքի 19-րդ հոդվածի 2-րդ եւ 3-րդ մասերով սահմանվում է հետեւյալը. «Տեսչական մարմինները ստեղծվում են սույն օրենքն ուժի մեջ մտնելուց հետո՝ երեք տարվա ընթացքում», «Սույն հոդվածի 2-րդ մասով սահմանված ժամկետի ավարտից հետո Հայաստանի Հանրապետության նախարարությունների կառավարման ոլորտներում, աշխատակազմերում գործող բոլոր տեսչությունները դադարեցնում են իրենց գործունեությունը»:

Նշված օրենքն ընդունվել է 2014 թվականի դեկտեմբերի 17-ին: Մինչեւ այժմ տեսչությունների մեծ մասի փոխարեն ստեղծվել են տեսչական մարմիններ, Լեզվի տեսչության դեպքում նման հեռանկարը մշուշոտ է:

Կառավարությունը, որպես երկրում տեսչական բարեփոխումների նպատակ, առանձնացնում է արդյունավետ տեսչական համակարգի հիմնումը եւ դրանով իսկ գործարար միջավայրի համար բարենպաստ պայմանների ստեղծումը:

Տպել
1814 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին