ՄԱԿ ԳԱ-ն կուսումնասիրի՞ իրավիճակը «Ադրբեջանի գրավյալ տարածքներում». Երեւանում «քնած չեն»

Սեպտեմբերի 12-ին մեկնարկող ՄԱԿ Գլխավոր ասամբլեայի 72-րդ նստաշրջանի նախնական օրակարգում ընդգրկված է «Իրավիճակը Ադրբեջանի գրավյալ տարածքներում» հարցը: Ավելի ճիշտ՝ հարցը սույն նստաշրջան է տեղափոխվել նախորդից, որի ժամանակ այդպես էլ չքննարկվեց: Այս անգամ հարցի քննարկումը նշանակված է դեկտեմբերի 11-ին, նստաշրջանի եզրափակիչ շաբաթվա ընթացքում: Բայց դա դեռ չի նշանակում, որ այն անպայման կքննարկվի. չի բացառվում, որ այն կրկին արժանանա 71-րդ նստաշրջանում ունեցած ճակատագրին եւ որպես այդպես էլ չքննարկված հարց տեղափոխվի հաջորդ՝ 73-րդ նստաշրջան:

ՄԱԿ ընթացակարգերի մասնագետ չենք, բայց կարծես թե ինչ-որ պրոցեդուրաներ կան, որոնցից կախված է՝ այս նստաշրջանում կքննարկվի՞ « Իրավիճակը Ադրբեջանի գրավյալ տարածքներում», թե ոչ: Ենթադրվում է, որ Ադրբեջանը նաեւ բանաձեւի նախագիծ ունի պատրաստած, որը, բնականաբար, շրջանառության եւ քվեարկության կդրվի, եթե հարցն այնուամենայնիվ մնա օրակարգում:

Նախօրեին Բաքվում տեղի էր ունեցել  Ադրբեջանի, Վրաստանի եւ Թուրքիայի արտաքին գործերի նախարարների եռակողմ հանդիպումը, որի  ընթացքում ընդունված հայտարարության մեջ ասվում է, որ Լեռնային Ղարաբաղում եւ Աբխազիայում հակամարտությունները պետք է լուծվեն Ադրբեջանի եւ Վրաստանի տարածքային ամբողջականության շրջանակում:

Թուրքիայի արտգործնախարար Մեւլութ Չավուշօղլուն էլ հայտարարեց, թե Նյու Յորքում կայանալիք ՄԱԿ Գլխավոր ասամբլեայի նիստին Լեռնային Ղարաբաղին և Աբխազիային վերաբերող հարցերում Թուրքիան, Վրաստանը և Ադրբեջանը համատեղ հանդես կգան: «Մենք Նյու Յորքում միասին կընդգծենք, որ ինչպես Ղարաբաղի, այնպես էլ Աբխազիայի հիմնախնդիրները հարկավոր է րոպե առաջ լուծել խաղաղ ճանապարհով եւ երկու երկրների տարածքային ամբողջականության շրջանակներում»,- ասաց նա:

Հայաստանում քաղաքագետներն ու վերլուծաբանները քննարկում են, թե ինչու նման հայտարարություն արվեց, ինչու է Վրաստանը վերջին շրջանում լարում հարաբերությունները Հայաստանի հետ: Հիշեցնենք, որ արդեն մի քանի օր է՝ Վրաստանի ՊՆ-ն իրենց երկրում ընթացող զորավարժությունների հետ կապված՝ Հայաստանի ՊՆ-ին կեղծիքի եւ անպատասխանատվության մեջ մեղադրող հայտարարություններ է անում:

Երեւանից առանձնապես չեն վրդովվում  եւ ամենայն նրբավարությամբ են արձագանքում, բերելով իրենց գործողությունների տարբեր հիիմնավորումներ: Վրացական կողմը, սակայն, չի հանդարտվում եւ շարունակում է կրակի վրա յուղ լցնել: Այսօր Հայաստանի ՊՆ-ից armtimes.com-ին հայտնել էին, որ նախարարի՝ Չինաստանից վերադառնալուց հետո պաշտոնական հայտարարություն կլինի, կներկայացվեն փաստեր, որոնք ապացուցում են, որ Հայաստանի ՊՆ-ն այդ զորավարժություններին մասնակցելու  պաշտոնական համաձայնություն չի տվել:

Ակնհայտ է, սակայն, որ Երեւանում չեն ցանկանում այս թեման խմորել, որովհետեւ վրացական կողմի ագրեսիվությունը ոչ թե նվազման, այլ հակառակ միտումն ունի: Երեւանը կնախընտրի թեման մոռացության տալ հետագա լարվածությունը կանխելու նպատակով:

Մինչեւ այժմ, իհարկե, հայտնի չէ, թե ինչն է պատճառը որ Հայաստանը չմասնակցեց այդ զորավարժություններին, սակայն այժմ այդ մասին չէ խոսքը: Հետաքրքիր է, թե ինչու է Վրաստանը շարունակ սրում այս թեմայով խոսակցությունը: Հաշվի առնելով, որ առջեւում գործողությունների հիմնական թատերաբեմը լինելու է ՄԱԿ ԳԱ-ն, պետք է ենթադրել, որ Թբիլիսին պարզապես իր համար հող է նախապատրաստում ՄԱԿ-ում Հայաստանի դեմ ազատ եւ անկաշկանդ գործելու համար: Հայ-վրացական բարեկամական հարաբերությունները թույլ չեն տալիս մեր հարեւանին ՄԱԿ-ում Հայաստանի դեմ կտրուկ գործողությունների մասնակցել, ուստի նստաշրջանից առաջ փոքրիկ պառակտումը չէր խանգարի այս փուլի գործողությունները լեգիտիմացնելու համար:

Արդյոք խոսքը վերոնշյալ հարցը նստաշրջանի օրակարգ մտցնելուն եւ համապատասխան բանաձեւի շրջանառությա՞նն է վերաբերվում, թե՞ Հայաստանի դեմ այլ քայլեր էլ կարող են կատարվել: Արդյո՞ք Ռուսաստանին եւ ՀԱՊԿ-ին կրկին բացահայտ ապավինելով՝ Երեւանը փորձում է  ՄԱԿ-ում հնարավոր զարգացումները չեզոքացնել: Ի՞նչ կապ ունեն այս ամենի հետ ղարաբաղյան հակամարտության կողմերին զենքի վաճառքի վրա էմբարգո դնելու անհրաժեշտության մասին ավելի ու ավելի հաճախ հնչող հայտարարությունները: ԱԳՆ խոսնակ Տիգրան Բալայանը armtimes.com-ի հարցին, թե  ի՞նչ պետք է անի հայկական կողմը, կա՞ն արդյոք որոշակի գործիքներ ու միջոցներ, որոնց շնորհիվ հնարավոր կլինի ազդել այս գործընթացի վրա, ասել է, որ անհրաժեշտ քայլեր ու գործողություններ արվել են ու արվում են: Թե ինչ է արվում, բնականաբար՝ չի նշվում, բայց ակնհայտ է, որ ամեն ինչ շատ խճճված է, եւ դժվար ժամանակներ են սպասվում:   

Տպել
5365 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել