Պնախարարը մտնում է երկինք. մնացածը տեխնիկայի հարց է

12/09/2017 schedule16:15

Տպագրվել է «Հայկական Ժամանակ» օրաթերթի՝ 2004 թվականի սեպտեմբերի 10-ի համարում

«Հայկական միջազգային ավիաուղիներ» ավիաընկերությունը այս տարեվերջից երեւի կզրկվի Հայաստանից թռիչքներ իրականացնելու իրավունքից, եւ նրան պատկանող չվերթերն իրականացնելու իրավունքը կտրվի «Արմավիային», որը այդպիսով կդառնա Հայաստանից ուղեւորափոխադրումներ իրականացնող միակ ընկերությունը: Սակայն, «Արմավիայի» մենաշնորհը կկրի ժամանակավոր բնույթ, քանի որ առաջիկայում ըստ ամենայնի Հայաստանից կսկսի չվերթեր իրականացնել նաեւ մի քանի ամիս առաջ ստեղծված պետական «Արմ-Աէրո» ավիաընկերությունը, որի կառավարումը վերապահված է պաշտպանության նախարարությանը: Քաղաքացիական ավիացիայի ոլորտում իրադարձությունների նման զարգացման տեսլականը մեզ ակնհայտ դարձավ ՀՀ կառավարությանն  առընթեր քաղաքացիական ավիացիայի գլխավոր վարչության պետ Արտյոմ Մովսեսյանի հետ մեր զրույցի արդյունքում:

ՀՄԱՈւ-ի հետագա ճակատագրի վերաբերյալ մեր նախորդ հրապարակմամբ տեղեկացրել էինք, որ այդ ավիաընկերությունում հույս ունեն, թե կերկարաձգեն յոթ ուղղություններով չվերթեր իրականացնելու իրենց տրված իրավունքները, որոնց գործունեության վերջին ժամկետը 2004 թվականի դեկտեմբերի վերջն է: ՔԱԳՎ պետի խոսքերից, սակայն, ակնհայտ դարձավ, որ ՀՄԱՈւ-ն, այնուամենայնիվ, ստիպված է լինելու հրաժարվել իր չվերթերից: «ՀՄԱՈւ-ի իրավունքների երկարաձգման համար անհրաժեշտ է, որպեսզի «Արմավիան» իր համաձայնությունը տա»,- ասաց ՔԱԳՎ պետը: Ավելին, «Արմավիան» արդեն դիմել եւ ստացել է ՀՄԱՈւ-ի կողմից շահագործվող ուղղությունների նոր իրավունքները եւ ձեռնամուխ է եղել չվերթերի իրականացման հետ կապված մնացած կազմակերպչական հարցերը լուծմանը:

Այսինքն, ՀՄԱՈւ-ն երեւի թե սին հույսեր է փայփայում:  ՔԱԳՎ պետի խոսքերով՝ իրենց համար առաջնայինը ՀՄԱՈւ-ի կողմից իրականացվող կանոնավոր չվերթերի շարունակականության ապահովումն է, որպեսզի դրանց իրականացնողի փոփոխությունից հետո նախապես տոմս գնած ուղեւորները փաստի առաջ չկանգնեն եւ փողոցում չմնան: Իսկ ինչ վերաբերում է «Արմավիայի» ապագա մրցակից «Արմ-Աէրո» ընկերությանը, վերջինս ստեղծվել է կառավարության մայիսի 6-ին կայացրած որոշման հիման վրա, եւ նրա բոլոր բաժնետոմսերը պատկանում են կառավարությանը, բայց դրանց կառավարումը վերապահված է պաշտպանության նախարարությանը: Հիշեցնենք, որ կառավարության նույն որոշմամբ՝ այս ընկերության հաշվեկշռին փոխանցվեցին «Հայկական ավիաուղիների» ուղղաթիռները եւ նրանց պահեստամասերը:

Հետագայում ՊՆ-ն ձեռք բերեց երկու բեռնատար ինքնաթիռներ, որոնք եւս տրվեցին «Արմ-Աէրո»-ին: Բոլորովին վերջերս հայտնի դարձավ, որ «Արմ-Աէրո»-ն զբաղվում է բեռնափոխադրումներով, իսկ առաջիկայում պատրաստվում է նաեւ մարդատար չվերթեր իրականացնել: Ի դեպ, «Արմ-Աէրո»-ն օգտվում է «Էրեբունի» օդանավակայանից, որը  եւս, ըստ էության, ՊՆ ենթակայության կառույց է: Մեր զրույցում Ա. Մովսեսյանը, չբացառելով «Էրեբունի» օդանավակայանը «Արմ-Աէրո»-ի կողմից ուղեւորափոխադրումների նպատակով շահագործելու հեռանկարը, ասաց, որ այդ խնդիրը դեռեւս քննարկման փուլում է, քանի որ անհրաժեշտ է վերջնականապես պարզել՝ արդյոք «Էրեբունի» օդանավակայանը քաղաքացիական նպատակներով շահագործելով՝ «Զվարթնոցի» կառավարչի հետ կնքված պայմանագիրը չի՞ խախտվի:

Իրավաբանների դրական եզրակացության դեպքում՝ կսկսեն քննարկել «Էրեբունի» օդանավակայանի շահագործման տեխնիկական խնդիրները: Ըստ Արտյոմ Մովսեսյանի՝ «Էրեբունի» օդանավակայանը կապիտալ վերանորոգման կարիք է զգում, քանի որ երկար տարիներ ուղեւորատար ինքնաթիռների սպասարկման նպատակով չի օգտագործվել: Մի խոսքով, «Արմ-Աէրո»-ի եւ «Էրեբունի» օդանավակայանի շահագործումը տեխնիկայի հարց է. այսինքն՝ եթե պաշտպանության նախարար Սերժ Սարգսյանը որոշել է ուղեւորափոխադրումներ իրականացնել, ուրեմն՝ բոլոր խոչընդոտները կհարթվեն, խնդիրներն էլ կլուծվեն: Սա մեզ համար հուսադրող է այնքանով, որ հայկական երկինքը Ռուսաստանի մենաշնորհը չի լինի: Այս ֆոնին պետք է ընդգծել, որ այսօր Հայաստանից 36 ուղղություններով գործող չվերթերը, անգամ «Արմ-Աէրո»-ի գործունեության պարագայում, կշարունակեն մնալ «Արմավիայինը», իսկ նոր ավիաընկերությունը չվերթեր կբացի նոր ուղղություններով: Մեր տեղեկություններով՝ «Արմ-Աէրո»-ն պատրաստվում է սպասարկել այն ուղղությունները, որոնք անհրաժեշտ են Հայաստանից արտագնա աշխատանքի մեկնողներին:

Վահագն Հովակիմյան

Տպել
966 դիտում

Կառավարությունը ՏՏ ոլորտը դիտարկում է որպես տնտեսության առանցքային ճյուղերից մեկը.վարչապետ

ՀՀ ԱԻՆ-ում էր ՄԱԿ-ի գրասենյակի անվտանգության գծով խորհրդատու Ինոք Փեննի-Լային

Վանաձորցի ծննդկանի մահվան մեջ մեղադրվող բժիշկ Շահվերդյանը շարունակում է աշխատել. ՀՔԱՎ

ՊԵԿ-ը կոծկում է հիփոթեքի տոկոսագումարների հավաքագրման խնդիրը. պարզաբանում է ներկայացրել

Գերմանիայում տապալվեցին կոալիցիոն բանակցությունները. Մերկելը երկընտրանքի առջեւ է

Սովամահություն, բռնություն, աղքատություն, ահաբեկչություն. 180 մլն երեխա`ծայրահեղ պայմաններ

ՀՀԿ կերակրատաշտից սնվող կայքին պատգամավորների ցուցակ է տրվել, որոնց պետք է ռասկրուտկա անել

Նաղդալյանը ոչ թե 2 մլն դրամի է խոսել, այլ՝ 1.4 միլիոնի. ԱԺ-ն ներողություն է խնդրում

ԼՂ հիմնախնդիրը կարող են կարգավորել միայն հակամարտության կողմերը. ԵԱՀԿ գլխավոր քարտուղար

Թոշակ հանապազօրյա. բնակչության 70 տոկոսը թոշակի հույսին է

Նման գործելաոճը դատապարտելի է. ՀՎԿ-ն՝ պատասխնել է Էդմոն Մարուքյանին

Թուրքիայում միայն 16 հայկական դպրոց է մնացել` 3.000 աշակերտով. Hürriyet

ՀՀ ՊՆ պատվիրակությունն այցելել է ՌԴ

Վիգեն Սարգսյանի տապալված իմիջը եւ Ծառուկյանի պահպանած իմիջը

ԵԱՀԿ ԺՀՄԻԳ-ը կարևոր գործընկեր է ՀՀ ընտրական գործընթացի բարելավման ոլորտում. ԱԳՆ

Հայաստանն ու Չինաստանը քննարկում են անվտանգության ոլորտում համագործակցությունը

Մխիթարյանը պայքարում է ՄՅՈՒ-ում իր կարիերան փրկելու համար. The Sun

ՊԵԿ-ը մարդկանցից ետ է պահանջում հիփոթեքի տոկոսագումարների համար վերադարձված եկամտահարկերը

ԵԱՏՄ-ից դուրս գալու «Ելք»-ի առաջարկի վերաբերյալ տեղի կունենան խորհրդարանական լսումներ

Պետք է ավելի շատ խստացնել, ոչ թե հանել կամ սահմանափակել տարկետման իրավունքը. զինծառայող