Արարատ Միրզոյանը խոսեց «մի սարսափելի նորության» մասին

12/09/2017 schedule19:37

Ազգային Ժողովի սեպտեմբերի 12-ի նիստի վերջում, պատգամավորների հայտարարությունների ժամանակ «մի սարսափելի նորության» մասին հայտարարությամբ հանդես եկավ նաեւ ԱԺ «Ելք» խմբակցության պատգամավոր Արարատ Միրզոյանը: Նա ԱԺ-ին հիշեցրեց, որ օրերս վարչական լծակների ուղղակի գործադրմամբ, մշակույթի նախարարության ուղղակի հրահանգով փակվել է Հովհաննես Թումանյանի տուն-թանգարանի կողմից կազմակերպված «Հայաստանը խավարում» խորագրով ցուցահանդեսը՝ նվիրված Խորհրդային տարիներին բռնադատվածներին ու ստալինյան ռեպրեսիաներին:

Պատգամավորը հիշեցրեց նաեւ, որ այդ ռեպրեսիաների շրջանակներում շուրջ 45 հազար հայ եւս բռնադատվել է, որոնցից 7 հազարից ավելին հետագայում գնդակահարվել են, այդ թվում՝ Չարենցը, Բակունցը, նույն Հովհաննես Թումանյանի երկու որդիները եւ այլն:

«Սա ուղղակի գրաքննություն է՝ իրականացված մշակույթի նախարարության կողմից, որն ուղղակի ստանձնում է մշակութային ոստիկանի պարտականությունները, ինչը բոլորովին ընդունելի չէ: Սա չի կարող տեղ գտնել հայ իրականության պայմաններում: Ուշագրավ է, որ մշակույթի փոխնախարար Արեւ Սամուելյանը, անդրադառնալով ցուցահանդեսի փակման պայմաններին, նշել է, թե մենք պետք է պարզ երեսով նայենք մեր պատմությանը, եւ որ ցուցահանդեսը մի փոքր քաղաքականացված էր: Նախ՝ ի՞նչ է նշանակում՝ քաղաքականացված. ինչպե՞ս կարող է քաղաքականացված չլինել մի ցուցահանդես, որը նվիրված է բռնադատվածներին եւ ուղղված է բռնությունների դեմ: Կամ ինչպե՞ս կարող է մշակույթը քաղաքականացված չլինել, չէ՞ որ մշակույթի առաքելությունը հենց դա է՝ վեր հանել սուր երեւույթներ, հարցադրումներ, որոնք հասարակությանը պետք է առաջ տանեն»,- հայտարարեց Արարատ Միրզոյանը՝ հավելելով, որ այս երեւույթի մեջ երկրորդ ուշագրավ պահն այն է, որ այս ամենը տեղի է ունենում ՀՀԿ իշխանության օրոք եւ ՀՀԿ կառավարության գոյության պայմաններում. մի կուսակցության, որի հիմնադրումն իսկ խարսխված է անկախականության, նժդեհականության գաղափարների վրա:

Այնուհետեւ Միրզոյանը հիշեցրեց, որ ՀՀԿ-ի հիմնադիրներ Աշոտ Նավասարդյանը, Անդրանիկ Մարգարյանը հենց բռնադատված են եղել, ինչպես նաեւ նույն Նժդեհը ստալինյան ռեպրեսիաների զոհ էր, ու տասնյակ տարիներ գտնվում էր Սիբիրում:

«Ժողովուրդ, իմ մոտ այն ասոցիացիան է առաջանում, երբ Ֆրունզիկ Մկրտչյանը «Մենք ենք, մեր սարերը» ֆիլմում ժեստ ունի, ասում է՝ «հայ-հա՜յ», էս ո՞ւր ենք հասել, իմ ուղեղի մեջ սա չի տեղավորվում: Այսպես ենք անում, որ օրինակ ՌԴ պետդումայի պատգամավորը կարողանում է իրեն թույլ տալ, անվանել թշնամական քայլ՝ Երեւան քաղաքում մեր մի հայրենակցի անունով փողոցի վերանվանումը մեկ այլ հայրենակցի անունով: Ավելին ասեմ՝ ինչո՞ւ կանգ առնենք՝ մտել ենք ջուրը, ուրեմն պետք չէ վախենալ ոտքերը թրջելուց. գնանք առաջ՝ ԵՊՀ-ն նորից վերանվանենք Մոլոտովի անվան, Մաշտոցի պողոտան վերանվանենք Լենինի պողոտա»,- ասաց պատգամավորը, բայց չհասցրեց ելույթը եզրափակել, քանի որ ժամանակը սպառված էր ու նախագահությունը որոշեց անջատել Միրզոյանի բարձրախոսը:

Տպել
1512 դիտում

Պաշտպանության նախարարը հանդիպել է «Դիտակետ» ծրագրի աշխատանքներում ներգրավված անձնակազմին

Երեկ Երեւանում տեղի ունեցած միջադեպի գործով երեք անձ է բերման ենթարկվել

Երրորդմասցի Լյովիկի եւ նրա երկու ընկերների սպանության գործով ընթերական անհետացել է

ՀՀ զինուժը զորավարժություններ է անցկացրել «Սմերչ» համակարգերի մարտական կրակով

Արցախի նախագահ Բակո Սահակյանը ներկայացրել է գերատեսչությունների նորանշանակ ղեկավարներին

Թույլ գնաճային ազդեցություններ. ԿԲ-ն վերաֆինանսավորման տոկոսադրույքը թողել է անփոփոխ՝ 6%

Լոնդոնի մետրոյում տեղի է ունեցել փոքր հզորության պայթյուն

Կիպրոսում վստահեցնում են՝ հայերենը Կիպրոսի պատմության եւ մշակույթի անբաժանելի մասն է

Էրդողանը սպառնում է քրդերին. «Մենք կարող ենք գալ հանկարծակի՝ գիշերը»

Բանակից խուսափած եւ արտերկիր մեկնածները կարող են վճարել 1.8 մլն դրամ եւ վերցնել զինգրքույկ

Արտաշատում ՀՀԿ-ի թեկնածուն կլինի Կարեն Բենիամինյանը

«Կամրջելով պատմությունները». հայ եւ թուրք երիտասարդ լուսանկարիչների նոր համատեղ աշխատանքը

«Հայաստան- Իրաք հարաբերությունների դաշտը խիստ փոխշահավետ է». Դավիթ Լոքյան

«Մի գնա»-ից հետո շքեղ առանձնատուն ու ամենագնաց նվեր չեմ ստացել.համաշխարհային հիթի հեղինակ

Թագը վերադարձրել են Միսս Արմենիայի կազմակերպիչները.«Արտյոմսը» հակարդաձում է հասարակությանը

1.62 միլիարդ դրամով վերակառուցված Մեղրու բժշկական կենտրոնի ինֆեկցիոն բաժինը փակվե՞լ է

Փայլանն աջակցություն է հայտնել «Ջումհուրիյեթ»-ի դատավարությունով անցնող թուրք լրագրողներին

Մենք շահագրգռված ենք ներմուծել հայկական մրցունակ ապրանքներ. Իրանի գյուղնախարար

Շարմազանովը Սերգեեւի հետ քննարկել է ԱՊՀ տարածաշրջանում ինտեգրացիոն գործընթացները

«Անհարգալից վերաբերմունք». ԱլԳ Հայաստանի պլատֆորմը քննադատել է վիզա կենտրոնների աշխատանքը