Տավուշի մարզի որոշ համայնքներում բերքահավաքն արգելվել է՝ անվտանգության նկատառումով (Ֆոտո)

13/09/2017 schedule11:21

Տավուշի մարզի  Նոյեմբերյան խոշորացված համայնքի Կոթի եւ Ոսկեվան համայնքների մի շարք  բնակիչներ այս տարի չեն կարողացել հավաքել աշնանացան բերքը: Այս մասին Armtimes.com-ի թղթակցի հետ զրույցում հայտնեց մարզպետարանի աշխատակազմի գյուղատնտեսության եւ բնապահպանության վարչության պետ Վաղարշակ Սուքոյանը. «Եթե  նախորդ տարիներին իրավիճակն ավելի վատ էր, այս տարի վնասները միայն հրդեհի հետ են կապված: Հակառակորդը հրկիզել էր գյուղացիների դաշտերը»,- ասաց նա, նշելով, որ վնասի չափը իրենք արդեն իսկ ներկայացրել են գյուղատնտեսության նախարարություն եւ սպասում են դրական պատասխանի:

«3.9 հա բերքը վնասվել է, հույս ունենք կառավարությունը կհաստատի նախագիծն ու կփոխհատուցի բնակիչների վնասները»,- ասաց վարչության պետը: 

Խոշորացված Նոյեմբերյան համայնքի Ոսկեվան բնակավայրի ներկայացուցիչ Սերյոժա Ալեքսանյանը Armtimes.com-ի թղթակցի հետ զրույցում հայտնեց, որ իրենց համայնքում չհնձված տարածքը կազմում է շուրջ 2.7 հեկտար, որը պետք է հնձվեր հուլիս ամսին, սակայն հակառակորդի կրակահերթերի հետ կապված համապատասխան մարմինները արգելել են բերքահավաք իրականացնել նշված հատվածում՝ բնակիչների անվտանգությունից ելնելով:  

Կոթի համայնքի ներկայացուցիչ Ֆելիքս Մելիքսեթյանը Armtimes.com-ի հետ զրույցում պատմեց հակառակորդի արձակած կրակահերթերն ու թե ինչպես են գյուղացիները կարողացել հրաշքով փրկվել. «Բերքահավաքի ժամանակ դաշտում հացահատիկահավաք երկու կոմբայն էր աշխատում, միանգամից սկսեցին կրակել: Կոմբայններից մեկի վարորդը կոմբայնը թողեց ու թաքնվեց բլուրի հետեւում, իսկ մյուս կոմբայնի վարորդը կոմբայնով հեռացավ չդիտարկվող տարածք: Բարեբախտաբար՝ որեւէ մեկը վնասվածքներ չստացավ»,- ասաց նա, հավելելով, որ դեպքից կարճ ժամանակ անց արդեն հակառակորդը սկսել է կրակահերթեր արձակել լուսածիր գնդակներով, ինչի հետեւանքով էլ հրդեհվել են չհնձված արտերը: Համայնքի ներկայացուցիչը վստահ է՝ կառավարությունը փոխհատուցելու է չհավաքված բերքի վնասները:  

Շուտով կսկսվի նաեւ խաղողի բերքահավաքը Տավուշի մարզում: Գյուղացիները հույս ունեն, որ գոնե խաղողը կկարողանան ամբողջությամբ հավաքել դաշտերից: Հիշեցնենք, որ նախորդ տարիներին հակառակորդը ժամեր շարունակ կրակահերթի տակ էր պահել Պառավաքար գյուղի խաղող հավաքող բնակիչներին, կրակել մեքենայի վրա, ինչի հետեւանքով մեքենան ամբողջությամբ այրվել էր (նկարում): 

Էդվարդ Արզումանյան

Լուսանկարները՝ հեղինակի

Տպել
853 դիտում

Վերջին քառորդ դարում ՀՀ-ից գաղթած հայերը փոխեցին Սփյուռքի լեզուն. Ռիչարդ Հովհաննիսյան

Արա դու ձենդ կտրի. մեղադրող դատախազը՝ Արամ Մանուկյանին.լարված իրավիճակ ծռերի գործով նիստին

Ոչնչացվել են խաղաղ ու անմեղ մարդիկ. Բելառուս խորհրդարանականներն այցելել են Ծիծեռնակաբերդ

Բաքուն Նախիջեւանում գրոհիչ ավիացիա է կուտակել, քաղաքացիականների հավաքագրումն է փորձարկում

ՀՀ-ՌԴ ռազմավարական համագործակցությունը՝ «բարձր վստահության քաղաքական երկխոսության» ներքո

Սերժ Սարգսյան ընդունել է Լավրովին եւ ստացել Պուտինի ջերմ ողջույնները

Որոշ մանկապարտեզներ կգործեն առանց տնօրենների. «պուլտո՞վ» են կառավարվելու

Հայ ժողովուրդը շատ ջերմ ընդունեց ինձ. Սեբուն տպավորված է հայ հանդիսատեսից

Ես ունեմ ստույգ ինֆորմացիա, ձեզ է հանդիպել Սերժ Սարգսյանը. Արամ Մանուկյան

Օրենքն արդեն ընդունվել է. պաշտպանության հանձնաժողովի նախագահը՝ տարկետման կլոր սեղանի մասին

Հնչեց Հայկ Մելիքյանի վիրտուոզ նվագը Խաչատրյանի փառատոնի շրջանակներում

Մոսկվան շատ լավատես չէ ԼՂ հակամարտության արագ կարգավորման հարցում. Լավրով

ՀՀ-ն ոչնչացնելու է 140 միավոր զինտեխնիկա. Գերմանիան ՆԱՏՕ-ի միջոցով 1.3 մլն եվրո կհատկացնի

Վարորդներին հորդորում ենք նշված մարզեր երթեւեկել բացառապես ձմեռային անվադողերով. Սուրենյան

ԱԺ-ի դիմաց կայանված մեքենան բռնկվել է վառելիքի արտահոսքի պատճառով. ԱԻՆ

Իմ որդին 15 տարեկան է, պաշտոն էլ չի ստացել. Կորյուն Նահապետյան

Լեւոն Արոնյանի կինը վարչապետին օգնելու է օտարերկրյա ներդրումների ներգրավման հարցում

3 տարի արտերկրից անօրինական ներմուծել են բջջային հեռախոսներ, պլանշետներ ու իրացրել դրանք

Պայթյուն՝ Բաղրամյան պողոտայում. տեսանյութ. Araratnews

Ես ընտրել եմ Քրիստ Մարուքյանին ու շատ փոշմանել. Արկադի Փելեշյան