Արտառոց բան չկա, որ Հայաստանը չի մասնակցել ՆԱՏՕ-ի զորավարժություններին. Վիգեն Սարգսյան

13/09/2017 schedule19:53

Կառավարության հետ պատգամավորների հարցուպատասխանի ժամանակ սեպտեմբերի 13-ին ՀՀ ԱԺ «Ծառուկյան» խմբակցության պատգամավոր Նապոլեոն Ազիզյանը ՀՀ պաշտպանության նախարար Վիգեն Սարգսյանից հետաքրքրվեց, թե ինչով է պայմանավորված Վրաստանում ՆԱՏՕ-ի զորավարժություններին մեր երկրի չմասնակցելը: Պաշտպանության նախարարն ի պատասխան նշեց, թե ովքեր այս օրերին կարողացել են մամուլում հետեւել այդ քննարկումներին, լավ պատկերացնում են, որ իսկապես զավեշտի է հասցված այդ քննարկումը: Այնուհետեւ Վիգեն Սարգսյանը նշեց, որ մեր զինված ուժերը յուրաքանչյուր տարի մասնակցում են հարյուրավոր միջոցառումների, լինի դա երկկողմ, թե բազմակողմ, եւ չեն մասնակցում տարեկան հազարավոր միջոցառումների, ինչպես որ անում են բոլոր երկրները:

«Կոնկրետ այն զորավարժությունը, որն արծարծվում էր մամուլում այս օրերին, ի սկզբանե հայկական կողմն այդ զորավարժություններին մասնակցելու միտք չի ունեցել ու դեռեւս մարտ ամսին օֆիցիալ տեղեկացրել ենք գործընեկրներն, որ այդ զորավարժությանը մենք չենք մասնակցելու, ելնելով այդ զորավարժության ու ՆԱՏՕ-ի հետ մեր համագործակցության խնդիրների չհամընկնելու, կամ ուղիղ մեր օրակարգային հարցերին չանդրադառնալու հետ: Ընդամեը որոշ ժամանակ առաջ մենք եղել ենք տարածաշրջանում միակ երկիրը, որ նույն Վրաստանում մասնակցել է ՆԱՏՕ-ի մեկ այլ զորավարժության, որտեղ մենք ունեցել ենք լուծելու խնդիր. դա հումանիտար երկրորդ մակարդակի ռազմական հոսպիտալի բացազատման խնդիրն է եղել, որը համընկել է մեր խնդիրների հետ, եւ մենք դա կատարել ենք»,- նշեց պաշտպանության նախարարը:

Նա հավելեց, թե պարբերաբար տեղի են ունենում տարբեր խորհրդակցություններ, տարբեր զորավարժությունների նախապատրաստական կոնֆերանսներ, եւ հայկական կողմը ստացել էր եւս մեկ հրավեր՝ մասնակցելու դրանցից եւս մեկին Թբիլիսիում, եւ հաշվի առնելով մոտիկությունն ու լսելու, թե արդյոք որեւէ բան կարո՞ղ է մեզ հետաքրքրել, թե՞ ոչ, եւ հայկական զինուժի սպաները մասնակցել են այդ խորհրդակցությունը: «Մասնակցության հաստատման վերջնաժամկետը,- ասաց նախարարը,- եղել է օգոստոսի 26-ը, ու այդ վերջնաժամկետից օրեր առաջ ՀՀ ՊՆ-ն  օֆիցիալ հայտնել է, որ այդ զորավարժություններին Հայաստանը չի մասնակցելու»:

«Հետեւաբար նորմալ աշխատանքային փոխհարաբերությունների պատկեր է, որեւէ արտառոց բան դրա մեջ չկա: Ես կարծում եմ, որ այս աղմուկի ծավալի պատճառներից մեկն էլ եղել է նաեւ ՊՆ կողմից առաջին իսկ պահին արագ չարձագանքելը մամուլում հայտնված լուրին: Դա կապում եմ նրա հետ, որ ես եւ տեղեկատվության ու հասարակայնության հետ կապերի վարչության պետն այդ պահին եղել ենք դեպի Չինաստան ճանապարհին,  իսկ մամուլի քարտուղարը, կարծում եմ, այդ պահին լիարժեք չի պատասխանել, որի համար ես իրեն արել եմ համապատասխան դիտողություն՝ հաշվի առնելով, որ նա իր փորձով կարող էր այդ պահին համապատասխան մեկնաբանությունն անել: Հետեւաբար, ամբողջ գրագրությունը կա ու լրացուցիչ պարզաբանելու հարց չկա»,- եզրափակեց Վիգեն Սարգսյանը:  

Տպել
775 դիտում

Պաշտպանության նախարարը հանդիպել է «Դիտակետ» ծրագրի աշխատանքներում ներգրավված անձնակազմին

Երեկ Երեւանում տեղի ունեցած միջադեպի գործով երեք անձ է բերման ենթարկվել

Երրորդմասցի Լյովիկի եւ նրա երկու ընկերների սպանության գործով ընթերական անհետացել է

ՀՀ զինուժը զորավարժություններ է անցկացրել «Սմերչ» համակարգերի մարտական կրակով

Արցախի նախագահ Բակո Սահակյանը ներկայացրել է գերատեսչությունների նորանշանակ ղեկավարներին

Թույլ գնաճային ազդեցություններ. ԿԲ-ն վերաֆինանսավորման տոկոսադրույքը թողել է անփոփոխ՝ 6%

Լոնդոնի մետրոյում տեղի է ունեցել փոքր հզորության պայթյուն

Կիպրոսում վստահեցնում են՝ հայերենը Կիպրոսի պատմության եւ մշակույթի անբաժանելի մասն է

Էրդողանը սպառնում է քրդերին. «Մենք կարող ենք գալ հանկարծակի՝ գիշերը»

Բանակից խուսափած եւ արտերկիր մեկնածները կարող են վճարել 1.8 մլն դրամ եւ վերցնել զինգրքույկ

Արտաշատում ՀՀԿ-ի թեկնածուն կլինի Կարեն Բենիամինյանը

«Կամրջելով պատմությունները». հայ եւ թուրք երիտասարդ լուսանկարիչների նոր համատեղ աշխատանքը

«Հայաստան- Իրաք հարաբերությունների դաշտը խիստ փոխշահավետ է». Դավիթ Լոքյան

«Մի գնա»-ից հետո շքեղ առանձնատուն ու ամենագնաց նվեր չեմ ստացել.համաշխարհային հիթի հեղինակ

Թագը վերադարձրել են Միսս Արմենիայի կազմակերպիչները.«Արտյոմսը» հակարդաձում է հասարակությանը

1.62 միլիարդ դրամով վերակառուցված Մեղրու բժշկական կենտրոնի ինֆեկցիոն բաժինը փակվե՞լ է

Փայլանն աջակցություն է հայտնել «Ջումհուրիյեթ»-ի դատավարությունով անցնող թուրք լրագրողներին

Մենք շահագրգռված ենք ներմուծել հայկական մրցունակ ապրանքներ. Իրանի գյուղնախարար

Շարմազանովը Սերգեեւի հետ քննարկել է ԱՊՀ տարածաշրջանում ինտեգրացիոն գործընթացները

«Անհարգալից վերաբերմունք». ԱլԳ Հայաստանի պլատֆորմը քննադատել է վիզա կենտրոնների աշխատանքը