Ինչպե՞ս է Հրանտ Բագրատյանն ընտրում իր սկանդալային գրառումների ժամանակացույցը

13/09/2017 schedule21:19

Նախկին վարչապետ, հարգարժան Հրանտ Բագրատյանը վերջին շրջանում ժամանակ առ ժամանակ ֆեյսբուքյան հանրությանը ցնցում է տարբեր զգայուն թեմաների վերաբերյալ իր հեղափոխական գրառումներով:

Բոլորն են հիշում հայոց լեզվի աղքատության մասին սկանդալային գրառումը, որը բուռն քննարկումների առիթ դարձավ՝ ֆեյսբուքյան մեմերից մինչեւ գիտական բանավեճեր, վիրավորանքներից մինչեւ հիացական բացականչություններ:

Երեկ էլ Հրանտ Բագրատյանը հերթական գրառումն է արել՝  ոչ պակաս սկանդալային: Այս անգամ թիրախում եկեղեցին է: «Հայ առաքելական եկեղեցին երկու անգամ քանդել է մեր պետությունը»,-պնդել է նախկին վարչապետը: Ու կրկին ֆեյսբուքում թեժ է. բացվել են պատմական արխիվները եւ փնտրվում են ասվածի ապացուցները կամ ժխտումները:

ՀՀԿ-ական պաշտոնյաներն էլ չեն հապաղում կրակի վրա յուղ լցնել: Էդվադ Շարմազանովն, օրինակ, այսօր ի պատասխան Բագրատյանի սկանդալային հայտարարության, մեկ այլ սկանդալային հայտարարություն արեց, ասելով, որ նա չպետք է սեպ խրի պետության եւ եկեղեցու մեջ, որ շատ ճիշտ են անում, որ աղոթում են զորամասերում եւ դպրոցներում, եւ որ եկեղեցաշինության մեջ ներդրումը ամենաճիշտ ներդրումն է Հայաստանում: Եվ ֆեյսբուքում է՛լ ավելի թեժացավ: Բագրատյանի հայտարարության շուրջ լուրջ քննարկումները փոխարինվեցին Շարմազանովի անձին եւ ասածին նվիրված գրառումներով՝ հասկանալի է ինչ բովանդակությամբ:

Բագրատյանի թեման, սակայն, ակտիվ պահեց ՀՀ սպորտի եւ երիտասարդության հարցերի փոխնախարար Արսեն Քարամյանը, որը օրվա վերջում կրկին ֆեյսբուքյան գրառում արեց. «Քննարկվող թեմային լավագույն անդրադարձը, ըստ իս, կատարել է Լեոն՝ իր «Հայ կղերական դիվանագիտության պատմությունը» աշխատության մեջ, որը երկար տարիներ արգելված էր հրատարակել: Անշուշտ, եկեղեցին եւս վերափոխման կարիք ունի, ինչպես յուրաքանչյուր կենդանի օրգանիզմ: Իսկ արդյունավետ վերափոխման, զարգացման հիմքում անհրաժեշտաբար պետք է լինեն հիմնավոր ու տրամաբանական փաստարկներ, ինչպես օրինակ այն, որ շարունակում է մտահոգիչ մնալ ամենատարբեր օտարածին, շատ հաճախ վտանգավոր, կրոնական հոսանքների ընդլայնվող առկայությունը Հայաստանում, նամանավանդ մարզերում եւ այլն(...)»:

Տպավորիչ է, իհարկե, որ ՀՀ սպորտի եւ երիտասարդության հարցերի փոխնախարարը Լեոյից մեջբերումներ է անում, եւ ընդհանրապես այս բոլոր թեմաներն ու քննարկումները գայթակղիչ զբաղմունք են, սակայն կա շատ տարօրինակ մի զուգադիպություն:

Բանն այն է, որ նախկին վարչապետ Հրանտ Բագրատյանի սկանդալային գրառումները ի հայտ են գալիս ամեն անգամ, երբ ֆեյսբուքյան հանրությունը դաժան քննադատության է ենթարկում իշխանության մի որեւէ գործողություն:

Լեզվի մասին Բագրատյանի գրառումը Խոսրովի անտառի հրդեհի օրերին էր: Իսկ թե ինչ թափով էր ֆեյսբուքյան հանրությունը քննադատում իշխանությանը հրդեհը մարելուն անպատրաստ լինելու համար, ավելորդ է հիշեցնել:

Այս օրերին մեծ աղմուկ է բարձրացրել Թումանյանի տուն-թանգարանում ստալինյան ռեպրեսիաների մասին հայտնի ցուցահանդեսի արգելումը: Ֆեյսբուքում կրկին քննադատությամ մեծ ալիք էր, հիմնական գնահատականն էլ՝ այն, որ Հայաստանի գործող իշխանությունը բոլշեւիկների արժանի ժառանգն է, եթե 37 թվականի մեթոդներով այդ նույն մեթոդները մերկացնող ցուցահանդես է փակում: Բանն այն է, որ Թումանյանի տուն- թանգարանի տնօրեն Նարինե Թուխիկյանը պատմում է, որ իրեն զանգահարել է ԱԱԾ ոմն գնդապետ կամ փոխգնդապետ, սպառնացել է, շանտաժ արել, որից հետո նաեւ մշակույթի նախարարությունն է հրահանգել ցուցահանդեսը փակել:

Իշխանության տարբեր ներկայացուցիչներ արդեն մի քանի օր է՝  չեն կարողանում հոդաբաշխ բացատրություն ներկայացնել, թե ինչու է փակվել ցուցահանդեսը:

Մշակույթի փոխնախարարը երեկ ասաց, որ այն քաղաքական էր, դրա համար է փակվել: Այսօր ԱԺ ամբիոնից Արդարադատւթյան նախարար Դավիթ Հարությունյանն ասաց, որ խնդիրը վարչարարական հարաբերությունների մեջ է եղել, հնարավոր է՝ ՊՈԱԿ-ը չի պահպանել վերադասի սահմանած կարգը: Ընդ որում, Դավիթ Հարությունյանն այնպիսի դրամատիզմով էր խոսում 37 թվի եւ ռեպրեսիաների մասին, որ փշաքաղվում էիր: Սակայն իրեն հարց ուղղած պատգամավոր Արարատ Միրզոյանի կոնկրետ  առաջարկին՝ շատ արագ ցուցահանդեսը վերաբացել եւ կառավարության շենքում տեղ հատկացնել դրա համար, այդպես էլ չանդրադարձավ:

Ֆեյսբուքյան հանրության ուշադրությունից, սակայն, այս զարգացումներն արդեն վրիպեցին: Ուշադրության կենտրոնում այժմ Բագրատյանը, Շարմազանովն ու սպորտի փոխնախարարն են:

Հրանտ Բագրատյանը խոստացել է հայ կնոջ եւ ընտանիքի դերին նույնպես անդրադառնալ ֆեյսբուքյան գրառման միջոցով: Չենք կասկածում, որ գրառումը նույնքան սկանդալային կլինի: Եվ այնուամենայնիվ արժե, որ նախկին վարչապետը հատուկ ընտրի գրառման ժամանակահատվածը: Շատ են լինում օրեր, երբ ֆեյսբուքյան հանրությունը ահռելի ձանձրույթ է ապրում, իսկ հասարակական-քաղաքական կյանքում ոչ մի հիշարժան իրադարձություն չի կատարվում: Կարճ ասած՝ գաղջ օրեր: Այսպիսի օրերին իր ֆունդամենտալ գրառումներով հանդես գալով՝ Հրանտ Բագրատյանը էապես կբարձրացնի դրանց էֆեկտիվությունը՝ ոչ այդ գրառումները կխանգարեն այլ թեմաներին, ոչ էլ այլ թեմաները կխանգարեն իր բարձրացրած հարցերի ամենայն խորքային եւ լայնածավալ ուսումնասիրմանը: 

Տպել
4784 դիտում

Երկու տղամարդ գնում են ԶԱԳՍ ու ասում են՝ ուզում ենք ամուսնանալ, կա՞ օրենք, որ նրանց ամուսնությունը կգրանցվի. վարչապետ

ՀՀ-ում լայն կիրառում է ունեցել «հեռախոսային արդարադատությունը». Զեյնալյանը՝ ՄԱԿ-ի հատուկ զեկուցողին

Քրեակատարողական հիմնարկները կվերանորոգվեն. կառավարությունը 270 մլն հատկացրեց

Մայրապետյանին թույլ կտան տեսակցել ընտանիքի անդամներին եւ ֆինանսավորել «Հ2»-ը. դատախազության պարզաբանումը

Կառավարության նիստերն այսուհետ դռնբաց կլինեն՝ անկախ վարչապետի ցանկությունից

Նոյեմբերի 21-ին կհրավիրվի Ազգային ժողովի արտահերթ նիստ

Ընտանեկան բռնություն. ինչո՞ւ կնոջը ծեծելու համար կասկածվող ամուսինը չի ձերբակալվել դեպքի օրը. պարզաբանում

Պատրաստ ենք հաջորդ հաջողությունները կրկնապատկել. Ամերիկայի հայկական համագումարն ամփոփեց տարին

Ընտրություններին «ասողների» ինստիտուտը չի լինելու. Նիկոլ Փաշինյան

Դիլիջանի ոլորանները դժվարանցանելի են, մի շարք ճանապարհներին ձյուն է տեղում, Գորիսում, Սիսիանում եւ Բերդում մառախուղ է

Ցուցակում ընդգրկվածների հետ հարցազրույց ենք անցկացրել. Ալեն Սիմոնյան

Երթեւեկության կազմակերպման փոփոխություն Երեւանի Սասունցի Դավիթի եւ Բելինսկու փողոցների խաչմերուկում

Բակո Սահակյանը Փարիզում հանդիպել է Ֆրանսիա-Արցախ բարեկամության շրջանակի անդամների հետ

Սամբոյի աշխարհի առաջնությունում հայաստանցի սամբիստները նվաճեցին երեք մեդալ

Իտալիայի Ազգային հետազոտությունների խորհրդի նախագահը հետաքրքրված է ՀՀ նախագահի քվանտային տեսությամբ

ՀՀԿ-ն գալիս է որպես ընդդիմություն՝ ունենալով Արցախի անվտանգ ապագան իր օրակարգի 1-ին կետ. Վ. Սարգսյան

Ձյան ու մերկասառույցի պատճառով արդեն ահազանգեր կան, մեքենա է արգելափակվել. ԱԻՆ

Հայաստանում ձյուն է տեղում, դժվարանցանելի են Դիլիջանի ոլորանները, որոշ տեղերում մառախուղ է, մերկասառույց

Արարատի աղբավայրից վտանգավոր արտանետումներ այլևս չեն լինի, աղբը թաղել են, մի մասը՝ մշակել

«Արզնի կաթ»-ը հերքում է բուսական յուղի մասին հրապարակումը. սեփական կովերի կաթն է օգտագործում