Սփյուռքում պատրաստվում են համաժողովին. ի՞նչ կարող է անել Սփյուռքը ՀՀ-ի համար եւ հակառակը

14/09/2017 schedule08:47

Սեպտեմբների 18-20-ը Երևանը կհյուրընկալի Հայաստան-Սփյուռք հերթական համաժողովը, որին կմասնակցեն ավելի քան 1500 պատվիրակներ շուրջ 70 երկրներից` ներառյալ Միացյալ Նահանգներից:

«Այս համաժողովը Սփյուռքի հայության համար հնարավորություն է վերհիշել իր արմատների, ծագման ու պարտավորությունների մասին»,- նշում է ամերիկահայ գրող Քրիս Բոհջալյանը, գրում է Ամերիկայի ձայնը: 

«Գալիք համաժողովը շատ լավ հնարավորություն է համայն հայության համար մի պահ կանգ առել, հետ նայել, փորձել վերաիմաստավորել անցած ուղին և ամենակարևորը միասնաբար հարթել ապագայի ճանապարհը»,- ասում է Վաշինգտոնի Հայ դատի գրասենյակի գործադիր տնօրեն Արամ Համբարյանը:

«Հաշվի առնելով Հայաստանի անկախության քառորդ դարից ավելին՝ համաժողովը լավ առիթ է սփյուռքահայության համար վերանայել անցյալն ու մտածել ապագայի մասին, ինչպես նաև հասկանալ, թե ինչ ենք կարող անել միասնաբար»,- նսում է Ամերիկայի հայկական համագումարի գործադիր տնօրեն Բրայան Արդունին:

1999 թվականից ի վեր սա արդեն համահայկական 6-րդ համաժողովն է, այս համաժողովների ընթացքում ընթացքում քննարկվել են հայությանը հուզող բազմաթիվ խնդիրներ: Վերջին համաժողովը տեղի է ունեցել 2014 թվականին, ուր մի շարք հիմնահարցերի հետ մեկտեղ զգալի տեղ էր տրվել Հայոց ցեղասպանության միջազգային ճանաչման ու 100-ամյակի տարելիցին, ինչպես նաև սիրիահայ համայնքի հիմնախնդիրներին:

«Կարևոր է հասկանալ, թե ինչ են կարող անել սփյուռքահայերը Հայաստանի համար, և ինչ է կարող անել Հայաստանը Սփյուռքում բնակվող իր հայրենակիցների համար, քանի որ երկու կողմն էլ ունեն իրենց կարիքները»,- նշում է Լևոն Ավդոյանը:

«Այս համաժողովը շատ լավ միջոց է բոլոր խնդիրները քննարկելու և սփյուռքահայությանը հնարավորություն տալու վերաիմաստավորել, թե ինչ է հնարավոր անել Հայաստանին օգնելու համար»,- ընդգծում է Բոհջալյանը:

«Այստեղ կարող ենք լսել անմիջապես այն բոլոր մարտահրավերների մասին, որոնց հետ առերեսվում է Հայաստանը և ինչպես կարող ենք օգնել Հայաստանին օրինակ հայ-ամերիկյան հարաբերությունների համատեքստում»,- ասում է Արդունին:

«Նման համաժողովները միջոց են ազգային համաձայնության հաստատման համար այն բոլոր խնդիրների շուրջ, որոնք միավորում են մեզ որպես հայերի, ներառյալ Հայոց ցեղասպանության ճանաչումը, Լեռնային Ղարաբաղի ազատության ու անվտանգության ապահովումը և ավելի ուժեղ, կայացած ու զարգացած Հայաստանի կերտումը»,- ասում է Արամ Համբարյանը:

Համաժողովի վերջում ավանդաբար ընդունվում է հռչակագիր, ուր ուրվագծվում են այդ ժամանակահատվածի առաջնահերթություններն ու հայությանը մտահոգող հիմնահարցերը: Գալիք համաժողովը կրում է «Փոխադարձ վստահություն, միասնականություն և պատասխանատվություն» խորագիրը:

«Ես հասկանում եմ, որ կան հիմնախնդիրներ, որոնք պետք է քննարկվեն: Կարծում եմ, որ անհրաժեշտ են նաև ավելի թիրախավորված համաժողովներ օրինակ գործարարների, հոգևորականների կամ գիտնականների համար»,- ասում է Լևոն Ավդոյանը:

«Հայաստանը շրջապատված է թշնամաբար տրամադրված ազգերով, ուստի կախված է Սփյուռքից: Մենք օգնում ենք կառուցել ժողովրդավարական հաստատություններ ու զարգացնել շուկայական հարաբերություններ մի երկրում, որը նոր է թոթափել խորհրդային անցյալը»,- ասում է Բոջալյանը:

«Սփյուռքում ձևավորվում է առաջնորդների նոր սերունդ և նման համաժողովները պետք է օգնեն նրանց հասնել հաջողության»,- նշում է Արդունին:

Ինչպիսի ընթացք կստանա այս համաժողովն ու ինչպիսի արդյունքներ կգրանցվեն պարզ կդառնա համաժողովի աշխատանքների ավարտից հետո: Համաժողովը շարունակում է մնալ համահայկական ամենամեծ հարթակը՝ հայությանը հուզող խնդիրների ու ծրագրերի քննարկման համար:

Տպել
1092 դիտում

Լենա Նազարյանը պարզաբանում է, թե ինչու պետք է առաջադրել վարչապետի թեկնածու և չընտրել նրան

Ռազմարդյունաբերության կոմիտեի նախագահի գլխավորած աշխատանքային խումբը մեկնել է Մոսկվա

Վանաձորցի տղամարդը սեփական տանը տարբեր ապրանքանիշի հարյուրավոր օղիներ է կեղծել, վաճառել (տեսանյութ)

Գեղհովիտ գյուղի գերեզմանատան վեճն ավարտվել է դանակահարությամբ, հարվածել են տուժողի պարանոցին

Վերջին տարիներին ՏՏ-ն և ինժեներական ոլորտը աճի մեծ թափ են հավաքել. Հակոբ Արշակյան

Նախագահը չի ստորագրի ԱԺ աղմկահարույց օրենքը, կդիմի Սահմանադրական դատարան՝ պարզաբանելու համար

Հակառակորդի կրակոցից Արցախում 19-ամյա զինվոր է վիրավորվել, վիճակը գնահատվում է բավարար

Աջ ղեկով մեքենաների հայ վարորդներին Վրաստանի ՄԻՊ-ը պատրաստ է իրավական աջակցություն ցուցաբերել

Դպրոցականներն օտար լեզուներն ավելի լավ են սովորում, քան հայերենը. ԳԹԿ գնահատման արդյունքները

Ծանրորդ Ռաֆիկ Հարությունյանը՝ Եվրոպայի արծաթե մեդալակիր

Զոհրաբ Մնացականյանն ընդունել է ԵԱՀԿ մամուլի ազատության հարցերով ներկայացուցչին

«Շենգավիթ» ԲԿ տնօրինությունը պարզաբանումներ է ներկայացրել նորածնի մահվան վերաբերյալ

Լոռու մարզի դատախազը արձանագրված կոռուպցիոն չարաշահումների հարցով դիմել է մարզպետին

Ինչո՞ւ է Վարդան Սարգսյանը հարցնում՝ որ հնդիկ դերասանին հայերը կուզենային տեսնել ՀՀ-ում

Սիրիահայերի հիմնախնդիրները՝ ուշադրության կենտրոնում

Խնայված ֆինանսական միջոցները կուղղվեն սակագների նվազեցմանը. Գարեգին Բաղրամյան

Վեճ՝ Բրյուսովի անվան համալսարանի երկու ուսանողուհիների միջեւ. մեկը մյուսի երա՞կն է կտրել

Սաշիկ Սարգսյանի որդու գործով տուժողին բերման ենթարկելու որոշում կայացվեց

Վերահաշվարկի կամ արդյունքներն անվավեր ճանաչելու մասին դիմումներ չեն ստացվել. ԿԸՀ

Որոշ մարզիկներ ճնշմա՞ն տակ չեն մասնակցում բռնցքամարտի ՀՀ առաջնությանը