15 հազար հոգու մուտքի իրավունքը վերականգնելու համար միգրացիոն ծառայությունը դիմել է ՌԴ-ին

14/09/2017 schedule12:33

Ազգային ժողովի «Ելք» խմբակցության ղեկավար Նիկոլ Փաշինյանը սեպտեմբերի 14-ին ՀՀ միգրացիոն պետական ծառայության պետ Գագիկ Եգանյանից հետաքրքվեց Ռուսաստանից «դեպորտի» ենթարկված քաղաքացիների խնդիրներից: Մասնավորապես՝ պատգամավորին հետաքրքրում էր, թե ի՞նչ մասշտաբի խնդրի հետ գործ ունենք, որքանո՞վ է այդ պրոցեսը համապատասխանում ԵԱՏՄ իրավակարգավորումներին:

«Խոսքն այն մասին է, որ երկար տարիներ ՌԴ-ում բնակվող ՀՀ քաղաքացիները գալիս են Հայաստան, ընտանիքներին թողնելով այնտեղ, պարզապես այց են կատարում, ու արդեն հետ գնալիս պարզվում է, որ նրանց մուտքը ՌԴ փակ է ու քաղաքացիների ընտանիքների մի մասն այստեղ է, մյուս մասն՝ այնտեղ, ու նրանք պարզապես տարիներով տեսնվելու հնարավորություն չեն ունենում»,- մասնավորեցրեց Նիկոլ Փաշինյանը:

Միգրացիոն ծառայության պետը պարզաբանեց, թե այս դեպքում խոսքը ոչ թե դեպորտի մասին է, այլ մուտքի արգելանք դնելու եւ խոսքը վերաբերում է այն անձանց, ովքեր կամա թե ակամա, փոքր կամ մեծ խախտումներ են թույլ տվել ՌԴ տարածքում: ՌԴ-ն պրակտիկայում շատ խիստ պատժամիջոցներ է սահմանել, որը գործում է, երբ անձը դուրս է գալիս ՌԴ տարածքից եւ որը վերաբերում է ոչ միայն ՀՀ քաղաքացիենրին, այլ բոլոր օտարերկրացիներին:

«Երբ 2014 թվականին սկսվեց այս գործընթացը, ՌԴ-ում 3 միլիոն այդպիսի օտարերկրացի կային, այդ թվում՝ ՀՀ քաղաքացիներ, որոնք հայտնվել էին սեւ ցուցակներում: Մենք նախկին ֆեդերալ միգրացիոն ծառայության հետ ունեցած համագործակցության շրջանակներում մեխանիզմ սահմանեցինք, որով քաղաքացին դիմում  մեր  ծառայությանը, եւ մենք, հավաքելով այդ դիմումները, միջնորդագրով դիմում ենք ներայացնում ֆեդերալ ծառայությանը՝ խնդրելով, որ այդ պատժամիջոցները մեղմեն կամ վերացնեն: Մինչ օրս մենք 15 հազարի հասնող դիմումներ ենք ուղարկել, որից շուրջ 6 հազարի դեպքում մեր խնդրանքը բավարարվել է: Ընդ որում՝ դիմել ենք, որ ՌԴ-ում գտնվող քաղաքացիները, ովքեր դեռ գտնվում են ՌԴ-ում ու վախենում են դուրս գալ, նրանց նկատմամբ էլ մեղմ վերաբերվել, ու մեր այս խնդրանքն էլ է հարգվել. շուրջ 22 հազար նման քաղաքացիների պատժաչափի արգելանքը»,- պատասխանեց Գագիկ Եգանյանը եւ ավելացրեց, որ ԵԱՏՄ-ն անկանոն միգրացիայի հարցերի հետ կապված կարգավորումներ չունի, այլ օրինական աշխատանքային միգրացիային են վերաբերվում ԵԱՏՄ-ի կարգավորումները:

Նիկոլ Փաշինյանը նաեւ հետարքրքվեց այս խնդրի մասշտաբներից ու թե ինչպես կարող են օգնել նման հարցերով պատգամավորներին դիմող քաղաքացիներին: Գագիկ Եգանյանը նշեց, թե բոլոր այն անձանց, ովքեր դիմում են պատգամավորներին, պետք է ուղղորդել դեպի միգրացիոն ծառայություն: Ինչ վերաբերում է ծավալներին, ապա Գագիկ Եգանյանը տեղեկացրեց, որ 2015 թվականը ծավալների պիկն էր, որտեղ միգրացիոն ծառայությանը նման խնդրով օրական մինչեւ 150 հոգի դիմում էին: Ներկայումս՝ խնդիրն իր սրությունը կորցրել է:

«Ելք» խմբակցության պատգամավոր Գեւորգ Գորգիսյանն էլ դիմեց Գագիկ Եգանյանին, թե արդյո՞ք Հայաստանի Հանրապետությունը չի պատրաստվում ՄԻԵԴ-ին այս հարցով դիմել, քանի որ մարդու անձնական կյանքի խաթարում է տեղի ունենում ու ազատ տեղաշարժվելու իրավունքի ոտնահարում այն պարագայում, երբ ԵԱՏՄ-ում առնվազն աշխատուժի ազատ տեղաշարժի իրավունքը պետք է երաշխավորված լիներ:

Գագիկ Եգանյանն ասաց, թե սա յուրաքանչյուր պետության ինքնուրույն ընդունած քաղաքականություն ու պրակտիկա է, եւ ամեն երկիր, ելնելով իր խնդիրներից ու առաջնահերթություններից, ինքնուրույն է որոշում, թե ինչ քաղաքականություն իրականացնի իր երկիր օտարերկրացիների մուտքի, իր երկրում գտնվելու, բնակվելու հարցերում:

«ՌԴ-ում վերջին տարիներին բավականին աղմկոտ քրեական պատմություններ եղան օտարերկրացիների, այդ թվում հայերի մասնակցությամբ, որը հիմք տվեց այդ երկրում հակամիգրացիոն հռետորաբանության աճի, որի արդյունքում նաեւ նմանատիպ կոշտ քայլեր ձեռնարկվեցին: Սա ամբողջությամբ տեղավորվում է երկրի սուվերենության իրավունքի շրջանակներում»,- շեշտեց միգրացիոն պետական ծառայության պետը:

Գեւորգ Գորգիսյանն էլ հիեցրեց, որ Ռուսաստանը ՄԻԵԴ-ի անդամ է, ու սա կարող է նաեւ լավ նախադեպ լինել, որ հետագայում նման դեպքեր չլինեն:

«Սա կհեշտացնի նաեւ ձեր գործունեությունը, որպեսզի հետագայում ստիպված չլինեք հազարավոր դիմումներ գրել: Դուք դիմում եք գրում, որը հարգում են, ուրեմն կան հիմքեր, որ մարդկանց փոքրիկ խախտումները ներում են, դիմելուց հետո նոր ընդառաջում են: Այս պրակտիկան արդեն իսկ նվաստացուցիչ է երկրի համար, որ դուք յուրաքանչյուր քաղաքացու համար ստիպված եք խնդրելու»,- նշեց Գեւորգ Գորգիսյանը:

Տպել
1082 դիտում

Մխիթարյանը 4 տարվա պայմանագիր կկնքի. «Արսենալն» ու «Յունայթեդը» համաձայնության են եկել

Առողջապահության նախարարությունը հիվանդապահությամբ է զբաղվում, ինչու այն չփակել. բժիշկ

Այսուհետ ովքեր կարող են տարկետում ստանալ. հրապարակվել է որպես զիջման քայլ մշակված նախագիծը

Մահացել է հայտնի գործարար Ռուբեն Վարդանյանի հայրը՝ Երեւանի կրկեսի հատակագծի հեղինակը

Ուկրաինայի նախկին նախագահ Վիկտոր Յանուկովիչը մտադիր է վերադառնալ հայրենիք

ԶՈՒ շահագործումից հանված մեքենաները վաճառվում են աճուրդով՝ սկսած 150 հազար դրամից

Թան, քյուֆթա, թել պանիր, թթի օղի. մի քանի ազգեր փորձում են հայկական խոհանոցը (տեսանյութ)

Գարունը չի կողմնորոշվում կամ շտապում է. ի՞նչ է լինելու գյուղատնտեսության եւ բերքի հետ

Մեծ Բրիտանիայում նոր պաշտոն կա. առաջին անգամ նշանակվել է միայնության հարցերով նախարար

Սլավիկ Հայրապետյանը գեղասահքի Եվրոպայի առաջնության եզրափակչում է

Լեւոն Ալթունյանը վարչապետին զեկուցել է 2017-ի աշխատանքների ու այս տարվա անելիքների մասին

Գազալցակայանները խիստ տուգանքի կենթարկվեն, եթե չգրանցված գազաբալոն լիցքավորեն. նոր նախագիծ

Սուր շնչառական վարակների թիվը նվազում է, կազմակերպվել է «համաճարակաբանական ֆիլտր». ԱՆ

Երեւանում նախորդ տարի հանցագործությունների ընդհանուր թվաքանակի աճ է գրանցվել (տեսանյութ)

Արմեն Սարգսյանը վերջին 6 տարում ՀՀ-ում մշտապես չի բնակվել. ով է նախագահի աթոռի հավակնորդը

Տարոն Մարգարյանը փորձում է զինծառայությունից ազատե՞լ իր եւ իր աներորդու տղաներին

Մոտիկ խոսքեր հեռավորին (Վանո Սիրադեղյանին). Մերուժանի նոր բանաստեղծությունը

Բասկետբոլի Եվրոպայի առաջնությունները կլինեն Սան Մարինոյում, Կոսովոյում ու Բուլղարիայում

Ապրիլյան պատերազմում նահատակված Մերուժան Ստեփանյանն այսօր կդառնար 25 տարեկան

Մգեր Արմենիայի եվրատեսիլյան երգը կրկնօրինակված է աշխարհահռչակ խմբից. համացանցում աղմուկ է