Ո՞ւր են մեր գազարն ու կաղամբը. արտադրությունը փոխարինվել է ներմուծմամբ

 

Խիստ տարօրինակ բաներ են կատարվում մեր գյուղատնտեսությունում: Ինչպես պարզվեց նախօրեին ՀՀ ԱՎԾ-ի հրապարակած պաշտոնական ցուցանիշներից, օգոստոսին մեր գյուղարտադրանքի ծավալները անցած տարվա համեմատ նվազել էին մոտ 25 տոկոսով:

Դա կարող է ունենալ տեխնիկական բացատրություն: Մասնավորապես կարելի ենթադրել, որ դա եղել է երաշտի արդյունք: Ընդ որում՝ համատարած երաշտի: Չնայած պաշտոնական հայտարարություն, որ երկրում երաշտ է եւ որ դրա արդյունքում կարող է բերքի մեկ քառորդը կորցնենք, չի եղել: Այնուամենայնիվ կարող ենք դա գրանցել երաշտի հաշվին:

Բայց այն ժամանակ, երբ ԱՎԾ-ն գյուղատնտեսությանը վերաբերվող հրաշալի արդյունքներ էր ցույց տալիս, այլ գերատեսչությունների հրապարակած տվյալները, մեղմ ասած, այդքան էլ հրաշալի չէին: Ավելին, դրանք շատ տխուր էին:

Այդ տվյալները ուսումնասիրելով, կարող ենք պնդել, որ մեր գյուղատնտեսության մի ճյուղում տեղի է ունեցել մի երեւույթ, որը հակասում է վարչապետ Կարեն Կարապետյանի «հանձնարարականներից» մեկին: Վարչապետը մի քանի անգամ հայտարարել է, որ Հայաստանում պետք է ներմուծումը փոխարինվի տեղական արտադրությամբ: Տեղի է ունեցել հակառակը՝ տեղական արտադրությունը փոխարինվել է ներմուծմամբ: Ընդ որում, խոսքը առաջին կիսամյակի մասին է, երբ մեր գյուղատնտեսությունում արձանագրվում էին պլպլան ցուցանիշներ:

Այսպես: ՀՀ մաքսային ծառայության հրապարակած տվյալներով՝ 2017թ. առաջին կիսամյակում բուսական ծագման ապրանքների արտահանման ծավալը կազմել է մոտ 21 միլիոն դոլար: ՊԵԿ տեղեկանքում այդ ապրանքները ներկայացված են 0601- ից մինչեւ 1501 կոդերը: Խոսքը կարտոֆիլի, լոլիկի, լոբազգիների, կաղամբի, գազարի, խաղողի, սեխի, ձմերուկի, մրգերի մասին է: Անցած տարվա նույն ժամանակահատվածում նույն խմբի մեջ ներառված ապրանքների արտահանման ծավալը եղել է ավելի քան 34 միլիոն դոլար: Նվազումը 13 միլիոն դոլար է, կամ մոտ 40 տոկոս:

Պետեկամուտների կոմիտեի հրապարակած մեկ այլ տեղեկանքի համաձայն՝ այս տարվա առաջին կիսամյակում Հայաստանից Ռուսաստան նույն այդ ապրանքների արտահանման ծավալը կազմել է մոտ 18 միլիոն դոլար: Մինչդեռ անցած տարվա նույն ժամանակահատվածում այդ թիվը գրեթե 31 միլիոն էր: Նվազումը կրկին 13 միլիոն դոլար է, բայց տոկոսային արտահայտությամբ՝ 58 տոկոս:

Մտապահենք այս թվերը եւ անցնենք առաջ՝ դեպի ներմուծման ցուցանիշներ: Այս տարվա առաջին կիսամյակում նույն ապրանքների ներմուծումը Հայաստան կազմել է 80 միլիոն դոլար: Անցած տարի 63.5 միլիոն դոլար էր: Աճը՝ 16.5 միլիոն դոլար կամ 30 տոկոս: Ռուսաստանից   այս տարի ներկրել ենք ավելի քան 35 միլիոն դոլարի բուսական ծագման արտադրանք այն դեպքում, երբ անցած տարի այդ ցուցանիշը 23.5 միլիոն էր: Այս դեպքում աճը 12.5 միլիոն է, կամ 53 տոկոս: 

Պարզ թվաբանական գործողություն անելով՝ կպարզենք, որ նշված ապրանքների ներմուծման եւ արտահանման տարբերությունը 2016-ին եղել է 29 միլիոն դոլար, իսկ այս տարի՝ 53 միլիոն դոլար: Այլ կերպ ասած, անցած տարի 29 միլիոն դոլարի բուսական ծագման արտադրանք է մնացել Հայաստանում, այս տարի՝ 53 միլիոնի: Ու եթե համարենք, որ բուսական ծագման արտադրանքի սպառման ծավալները Հայաստանում տարեցտարի չեն կարող կտրուկ փոփոխությունների ենթարկվել, ապա ակնհայտ կդառնա, որ Հայաստանում այս մեկ տարվա ընթացքում 24 միլիոն դոլարով կրճատվել է նշված ապրանքների արտադրությունը, իսկ պակասը լրացվել է ներմուծման ավելացման հաշվին:

Իսկ այն, որ այդ պակասը լրացվել է հիմնականում Ռուսաստանից ներկրվող գյուղմթերքների կտրուկ ավելացման հաշվին, իսկ Հայաստանից դեպի Ռուսաստան արտահանումը կտրուկ նվազել է, ԵՏՄ-ից ստացված հերթական «օգուտի» վառ ապացույցն է: Բայց սա առանձին թեմա է:

Տպել
13659 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին