Քննարկվում է ուսուցչի նվազագույն աշխատավարձը 110 հազար դրամ դարձնելու հնարավորությունը

ՀՀ կրթության եւ գիտության նախարար Լեւոն Մկրտչյանն իր վերջին հաշվետու ասուլիսում տեղեկացրեց, որ մշակվել եւ ՀՀ կառավարությանն է  ներկայացվել պետական հանրակրթական դպրոցների ֆինանսավորման բանաձեւերում փոփոխություն կատարելու առաջարկությունը:

Նախարարն առիթի դեպքում հաճախ է ընդգծում, որ միեւնույն աշխատանքը կատարող ուսուցիչները տարբեր չափով են վարձատրվում՝ պայմանավորված այն հանգամանքով՝  դասավանդում են մեծ քաղաքի՞, թե՞ հեռավոր գյուղի դպրոցում եւ բարձրաձայնում է արդարությունը վերականգնելու անհրաժեշտության մասին: Հանրակրթական հաստատությունները ֆինանսավորվում են աշակերտների թվով, եւ ուսուցչի աշխատավարձը ձեւավորվում է ըստ այդմ:

«Հանրակրթական դպրոցների ֆինանսավորման գործող բանաձեւը խնդիրներ է առաջացնում փոքր, թերկոմպլեկտավորված դպրոցների ծախսերի պլանավորման համար: Փոքր խտությամբ դասարաններ ունեցող դպրոցների համար պլանավորված միջոցները չեն համապատասխանում հանրակրթական ծրագրերի իրականացմանն անհրաժեշտ կարիքներին: Ընդ որում, դասարանի՝ 10 աշակերտից փոքր միջին խտություն ունեցող դպրոցները կազմում են ընդհանուր դպրոցների թվի շուրջ 30 տոկոսը: Միաժամանակ, մեծ աշակերտական համակազմ ունեցող դպրոցները ստանում են իրենց փաստացի ծախսերը զգալիորեն գերազանցող գումար, ինչը ստեղծում է անհավասար պայմաններ: Դպրոցների ֆինանսավորման բանաձեւի վերանայումը պայմանավորված է նշված խնդիրների կարգավորման եւ հանրային միջոցների թափանցիկ, արդյունավետ եւ արդարացի բաշխման անհրաժեշտությամբ»,- նշվում էր ԿԳ նախարարի հաշվետվության մեջ:

Լեւոն Մկրտչյանից փորձեցինք պարզել, թե հնարավո՞ր է արդարությունը վերականգնելու ճանապարհին ընտրվի ուսուցիչների համեմատաբար բարձր եւ ցածր աշխատավարձերը միջինացնելու տարբերակը: Այսինքն՝ մեկի աշխատավարձը բարձրանա, մյուսինը՝ նվազի: Նախարարի ու նաեւ փոխնախարար Դավիթ Սահակյանի պատասխանից պարզ դարձավ, որ դա, այնուամենայնիվ, չի բացառվում:  

Լեւոն Մկրտչյանը նշեց, որ ֆինանսների նախարարության հետ քննարկվում է ուսուցչի մեկ դրույքի համար նվազագույն աշխատավարձը սահմանել 110 հազար դրամ:

«Դրա վրա մենք կկառուցենք մեր տարիֆիկացիոն քաղաքականությունը՝ տրամադրելով լրավճարներ:  Բազային արժեքը չի կարող լինել իրենց դրույքաչափի համար նախատեսված գումարից քիչ: 110 հազար դրամից ցածր չի կարող լինել»,- ասաց նա:

Փոխնախարար Սահակյանն էլ հավելեց. «Այսօր դպրոց կա, որ կարող է ուսուցչին վճարել 200 հազար դրամից ավելի, որովհետեւ ունի 2 հազար աշակերտ եւ կարող է իրեն այդ հնարավորությունը թույլ տալ: Բայց դա պետական աշխատավարձ չէ: Մյուս դպրոցը վճարում է 60 հազար դրամ: Մենք հիմա ասում ենք, որ Հայաստանի Հանրապետությունում ուսուցիչը, ենթադրենք, 110 հազար դրամից պակաս չի կարող ստանալ: Իսկ ավելին վճարելու հարցում դպրոցն ազատ է: Եթե մենք ֆիքսում ենք, որ ուսուցչի աշխատավարձը սահմանված գումարից չի կարող պակաս լինել, ու ինչ-որ մի դպրոց դրանից հետո որոշում կայացնի, որ 200 հազար դրամ ստացող ուսուցչին պետք է սկսի 180 հազար վճարել, դա արդեն իր որոշելիքն է:  Մենք որպես պետություն ասում ենք՝ պակաս չեք կարող վճարել, ավելի՝ ինչքան կարող եք վճարեք»:

Լեւոն Մկրտչյանն ասաց, որ նախատեսվում է նոր բանաձեւով ֆինանսավորման անցնել 2019 թվականից:

Տպել
17137 դիտում

Հիացած եմ Հայաստանի գեղատեսիլ վայրերով և հայերի հյուրասիրությամբ. Ուկրաինայի ԱԳ պետքարտուղար

Արարատ Միրզոյանը ՌԴ դեսպանի հետ քննարկել է ՀՀ–ում ներքաղաքական զարգացումները

Թրանսփարենսի Ինթերնեշնլ-ը դիմել է ԵԽԽՎ՝ Հայաստանի՝ փողերի լվացման սխեմաներում ընդգրկված լինելու քննության համար

ՀՀԿ-ի՝ Բրյուսովի համալսարանի չհրկիզվող պահարանից գտնված 56 անդամատոմսերից 5-ը կապ չունեն բուհի հետ

Հայտնի են Արմավիրի, Արագածոտնի, Սյունիքի նոր մարզպետների անունները

Նիկոլ Փաշինյանը լուսանկար է հրապարակել Յուրի Բաշմետի հետ

Հունան Պողոսյանը նշանակվելու է Սյունիքի մարզպետ

ՀՀ ֆուտբոլի հավաքականի անդամները հանդիպել են երկրպագուների հետ

Կոտայքում բախվել են Ոստիկանության և ՊՆ ծառայողների մեքենաները. 4 ամսական երեխան հիվանդանոցում է

Բան ունեք ասելո՞ւ, եկեք, հանրային քննարկմանն, ասեք, ֆեյսբուքում մի ակտիվացեք. Սամվել Բալասանյանը զայրացել է

ՀԱՊԿ ԽՎ նիստը Երեւանի փոխարեն կկայանա Մոսկվայում

Մովսիսյանի ու Մխիթարյանի հարաբերությունները լարված չեն. վստահեցնում է Գյուլբուդաղյանցը

Թունջբոյաջյանն այցելել է «Հայաստան» համահայկական հիմնադրամ, պատրաստ է դառնալ սփյուռքի դեսպանը

Չեչնիայի նախագահ Կադիրովը Փաշինյանի ու Մակրոնի պարից հետո պարի մարաթոն սկսելու կոչ է արել քաղաքական գործիչներին

Քրեական հեղինակություն Նորատուսցի Արան կրակոցների պահին ալկոհոլի ազդեցության տա՞կ է եղել. նա օգտվում է լռելու իրավունքից

Վարչապետ Նիկոլ Փաշինյանը և տիկին Աննա Հակոբյանը ներկա են գտնվել Յուրի Բաշմետի համերգին (լուսանկարներ)

Թեկնածուներից մեկը դիմել է ստոր մեթոդների. ահազանգում է Էջմիածնի քաղաքապետի պաշտոնակատարը (լուսանկար)

Թուրքիայում Իրանի դեսպանատունը ուժեղացված հսկողության տակ է

20 տարվա փչացրածը, 20 օրում չի ուղղվի. Վանեցյանը հանդիպեց հավաքականի ֆուտբոլիստների հետ

Սիսիանում տներից մեկի պատշգամբի փլուզման հետեւանքով 75-ամյա քաղաքացին մահացել է