1.62 միլիարդ դրամով վերակառուցված Մեղրու բժշկական կենտրոնի ինֆեկցիոն բաժինը փակվե՞լ է

26/09/2017 schedule16:27

Սյունիքի մարզի Մեղրի քաղաքում նախորդ տարի մեծ շուքով բացված բժշկական կենտրոնի ինֆեկցիոն բաժանմունքը մեկ շաբաթ է չի սպասարկում քաղաքացիներին: Armtimes.com-ի տեղեկություններով, քաղաքացիներին ուղղորդում են մարզկենտրոն Կապան քաղաք: Նույն աղբյուրի փոխանցմամբ պատճառը մասնագետների բացակայությունն է, եւ չի բացառվում, որ առաջիկայում այլ բաժինների էլ նման ճակատագիր սպասվի: Հնարավոր է՝ հետագայում «Մեղրու տարածաշրջանային բժշկական կենտրոն»-ում մնա միայն վիրաբուժական բաժանմունքը: Մասնագետները չեն ցանկանում Երեւան քաղաքից ավելի քան 400 կիլոմետր հեռավորության վրա աշխատել:

Այս տեղեկությունը փորձեցինք ստուգել անձամբ «Մեղրու տարածաշրջանային բժշկական կենտրոն»-ի տնօրեն Լուսինե Վարդանյանից, սակայն նա նախ աշխատասենյակում չէր, իսկ հետ էլ՝ բջջային հեռախոսահամարի զանգերին չէր պատասխանում:

Սյունիքի մարզպետարանի առողջապահության և սոցիալական ապահովության վարչության պետ Նունե Գեւորգյանը մեր հարցին ի պատասխան, թե ճիշտ են արդյոք այդ տեղեկությունները, ասաց. «Ձեզ սխալ տեղեկություն են տվել, նման բան չկա: Նման բան ես չգիտեմ, թե որտեղից դու գիտեք: Ո՞նց կարող է չգործի»: Գեւորգյանը առաջարկեց մեր հարցերը գրավոր ուղարկել մարզպետ Վահե Հակոբյանի մամուլի խոսնակին, որի հանձնարարականից հետո միայն առողջապահության և սոցիալական ապահովության վարչության պետը կպատասխանի դրանց:

Նշենք, որ կառավարության 2006թ. նոյեմբերի 2-ի որոշմամբ նախատեսվել էր Սյունիքի մարզի «Մեղրու բժշկական կենտրոն» եւ «Ագարակի հիվանդանոց» ՓԲԸ-ները միավորել՝ ստեղծելով նոր բազմապրոֆիլ հիվանդանոց՝ «Մեղրու տարածաշրջանային բժշկական կենտրոն» ՓԲԸ-ն: ՀՀ կառավարության և Համաշխարհային բանկի կողմից ֆինանսավորված «Առողջապահական համակարգի արդիականացում» ծրագրի շրջանակներում այս բուժհաստատությունում իրականացվել է շուրջ 1.62 միլիարդ դրամի ներդրում: Նորակառույց կենտրոնը հագեցվել է ժամանակակից բժշկական սարքավորումներով, կահույքով և անհրաժեշտ պարագաներով, որի բացմանը մասնակցել է անձամբ Սերժ Սարգսյանը:

Հ.Գ. «Մեղրու տարածաշրջանային բժշկական կենտրոն»-ի տնօրեն Լուսինե Վարդանյանը մեր հրապարակումից հետո կապ հաստատեց խմբագրության հետ եւ հայտնեց, որ մեր ունեցած տեղեկությունները ճիշտ չեն: «Ինֆորմացիան, որ ինֆեկցիոն բաժանմունքը փակ է մեկ շաբաթ եւ մարդիկ գնում են Կապան, դա ընդհանրապես չի համապատասխանում իրականությանը: Ներկա պահին մենք ունենք 4 հիվանդ, սեպտեմբեր ամսին բաժանմունքն աշխատել է նորմա, կանոնավոր ռիթմով եւ բուժվել է 24 հիվանդ»,- ասաց Լուսինե Վարդանյանը՝ նշելով, որ բժշկական կենտրոնում ունեն համապատասխան մասնագետ: Հարցին՝ բուժանձնակազմի թափուր հաստիքներ չունե՞ք, ԲՀԿ-ի տնօրենը պատասխանեց, որ մայրաքաղաքից հեռու գնվելու հանգամանքով պայմանավորված որոշ թափուր հատսիքներ կան: «Բայ դա չի նշանակում, որ բուժկենտրոն չեն գալիս երիտասարդ բժիշկներն ու չեն աշխատում»,- ընդգծեց Լուսինե Հակոբյանը:

Տպել
1520 դիտում

Ուրախ եմ տեսնել Ձեզ, վարչապե՛տ Փաշինյան. Կանադայի վարչապետի գրառումը թվիթերում

Կստորագրվի համագործակցության նոր ծրագիր՝ ՀՀ-ի և Բուլղարիայի կառավարությունների միջև

Լավագույնս դրսևորվեց ժողովրդի բարձր քաղաքացիական գիտակցությունը. Հայ Ազգային Կոնգրեսը շնորհավորել է «Իմ քայլ»-ին

Հայաստանի պետական սիմֆոնիկ նվագախումբը նոր համերգաշրջանի մեկնարկը տալիս է նոր կարգավիճակում (տեսանյութ)

Երեւանի ավագանու արտահերթ ընտրություններում գրանցված խախտումների ամփոփագիր

ՎՏԲ Հայաստան Բանկը գործարկել է ինտերնետ էկվայրինգ ծառայություն

Քվեաթերթիկները լրացրել են քվեախցերից դուրս, խցում մի քանի անձ է եղել. «Անկախ դիտորդ»-ի եզրակացությունները

Ռոբերտ Քոչարյանը դատի է տվել Նիկոլ Փաշինյանին

ՄԱԿ-ի կենտրոնակայանում Նիկոլ Փաշինյանը հանդիպել է Ռուանդայի նախագահի հետ

Քաղաքական գործիչների տիկնայք չպետք է խորհուրդներ տան ամուսիններին. Աննա Հակոբյան

Այս անգամ չկային ՀՀԿ-ականների տասովշիկների բրիգադները, քրեական խավը ներգրավված չէր ընտրությունների մեջ. դիտորդներ

Վանաձորի ՀՀԿ-ական քաղաքապետն ու ավագանին շնորհավորել են Հայկ Մարությանին

Հայաստանի վարչապետն ու Կիպրոսի նախագահը Նյու Յորքում հանդիպել են. վարչապետը հրավիրվել է Կիպրոս

Ն. Փաշինյանը ՄԱԿ-ի գլխավոր քարտուղարի հետ խոսել է ՀՀ-ում արտահերթ խորհրդարանական ընտրությունների անցկացման մասին

Հայտնում ենք մեր պատրաստակամությունը՝ օգնել նոր քաղաքային իշխանություններին. Արարատ Զուրաբյան

ՖԻՖԱ-ն ու ՈՒԵՖԱ-ն իրենց աջակցությունը հայտնեցին ՀՖՖ նոր ղեկավարությանը

Թուրքիայի խորհրդարանի նախագահը Բաքվում անդրադարձել է Ղարաբաղի հարցին

Երթևեկության կազմակերպման փոփոխություն Երևանի Կիևյան և Սեբաստիայի փողոցների հետիոտնային հատվածում

Իր տաժանակիր գործի ընթացքում կհանի փողկապն ու ժամանակ կտրամադրի մշակույթին. դերասանները՝ նոր քաղաքապետի մասին

Քվեարկությունը տեղի ունեցավ խաղաղ ու առանց լարվածության. եղել է սպառնալիքների, վիրավորանքի աճ. ՄԻՊ զեկույցը