ՀՀ-ի եւ ՌԴ-ի միջեւ համաձայնագիր. Զաքարյանը չի կարողանում դրական կողմերից խոսել. Տեսանյութ

Հայաստանի Ազգային ժողովը քննարկում է «Հայաստանի Հանրապետության եւ Ռուսաստանի Դաշնության միջեւ Հայաստանի Հանրապետության զինված ուժերի եւ Ռուսաստանի Դաշնության զինված ուժերի զորքերի միացյալ խմբավորման մասին համաձայնագիրը վավերացնելու մասին» ՀՀ օրենքի նախագիծը: Հիմնական զեկուցող, ՀՀ պաշտպանության նախարարի տեղակալ Արտակ Զաքարյանը նշեց, որ համաձայնագրում կիրառվում են մի շարք հասկացություններ, որոնք որոշիչ են համաձայնագրի բովանդակության հետագա կիրառման եւ միասնական մոտեցում ցուցաբերելու համար, մասնավորապես՝ ռազմական անվտանգություն, միացյալ զորքեր եւ ուժեր, միացյալ հրամանատարություն, տարածաշրջան, ագրեսիայի անմիջական սպառնալիքի ժամանակաշրջան եւ այլ կարեւորագույն հասկացություններ:

«Միացյալ զորքերի կազմը որոշում են լիազոր մարմինները, որ՝ ըստ համաձայնագրի, երկու երկրների պաշտպանության նախարարություններն են: Լիազորված մարմինները ռազմաքաղաքական իրավիճակի համապատասխան վերլուծության եւ համաձայնեցված եզրահանգումների հիման վրա, հաշվի առնելով հնարավոր սպառնալիքների ուղղվածությունը եւ զենքերի կիրառման ընդհանուր մտահաղացումը, տալիս են իրավիճակի գնահատականը»,- ընդգծեց Արտակ Զաքարյանը:

«Լիազորված մարմինները մշակում, համաձայնեցնում եւ Հայաստանի Հանրապետության եւ Ռուսաստանի Դաշնության զինված ուժերի գերագույն-գլխավոր հրամանատարների հաստատմանն են ներկայացնում միացյալ խմբավորման կիրառման պլանավորման առաջարկությունները, փաստաթղթերի ցանկը եւ բովանդակությունը, դրանց մշակման եւ գործունեության մեջ դնելու կարգը: Միացյալ խմբավորման կիրառման համատեղ պլանավորում իրականացվում է նախապես՝ խաղաղ պայմաններում երկու երկրների զինված ուժերի գերագույն-գլխավոր հրամանատարների հաստատած ընդհանուր մտահղացմանը համապատասխան»,- մանրամասնեց Զաքարյանը: Նա հավելեց, որ միացյալ խմբավորման հրամանատարին նշանակում եւ ազատում է ՀՀ ԶՈՒ գերագույն-գլխավոր հրամանատարը՝ համաձայնեցնելով ՌԴ ԶՈՒ գերագույն-գլխավոր հրամանատարի հետ:

«Խաղաղ պայմաններում խմբավորման հրամանատարը ենթարկվում է Հայաստանի Հանրապետության զինված ուժերի գլխավոր շտաբի պետին, ագրեսիայի անմիջական սպառնալիքի եւ պատերազմի ժամանակաշրջանում՝ Հայաստանի զինված ուժերի գլխավոր շտաբի պետին կամ կողմերի զինված ուժերի գերագույն-գլխավոր հրամանատարների որոշմամբ՝ Ռուսաստանի Դաշնության Հարավային ռազմական օկրուգի հրամանատարին»,- եզրափակեց Զաքարյանը:

«Ելք» խմբակցության ղեկավար Նիկոլ Փաշինյանը հիմնական զեկուցողից հետաքրքրվեց, թե ինչպես է լինում, որ հակառակորդի հարձակումների ժամանակ նման համաձայնագրերը չեն գործում: Փաշինյանը մատնանշելով ՀԱՊԿ-ի գործելաոճը, առաջարկեց երաշխիքներ ներկայացնել այս նոր համաձայնագրի կիրառման վերաբերյալ:

«Երբ  Տավուշի մարզի գյուղերը սիստեմատաբար գնդակոծվում էին, մեզ տանջում էր մի հարց, որ ՀԱՊԿ-ը համակարգը  ոչ մի արձագանք չէր տալիս: Ուզում եմ հարցնել, եթե այս համակարգը լիներ 2015, 2016 թվականների իրադարձությունների ժամանակ՝ ի՞նչ ռեակցիա էր տալու եւ ի՞նչ երաշխիքներ կան, որ ասենք Թուրքիայի կողմից որեւէ գործողության դեպքում համապատասխան ռեակցիա է լինելու»,- ասաց Փաշինյանը, որից հետո փոխնախարարը պարզաբանեց, թե պատգամավորի օրինակների դեպքում լրացուցիչ ուժերի կարիք չի զգացվել:

«ՀԱՊԿ համակարգի մասով ասեմ, որ այնտեղ մի քիչ այլ տրամաբանություն է գործում եւ յուրաքանչյուր անդամ երկիր անվտանգությանը վերաբերվող պայմաններից կարող է օգտվել որոշակի ընթացակարգերից հետո: Ձեր օրինակում համապատասխան ընթացակարգերից օգտվելու առիթ չի եղել, քանի որ մեր զինված ուժերը կարողացել են ինքնուրույն ապահովվել սահմանների անձեռնմխելիությունը: Իսկ գնդակոծությունները, ցավոք սրտի, մեր կյանքի մի մասն են դարձել: Ինչ վերաբերվում է համաձայնագրին, ապա այն խաղաղ պայմաններում գնահատում է բոլոր ռիսկային զարգացումները, այդ թվում նաեւ՝ բոլոր ահաբեկչական գործողությունների զարգացումներին»,- ասաց Զաքարյանը:

Այնուհետ, Փաշինյանը հետաքրքրվեց, թե ինչու է նույն ՀԱՊԿ-ը խուսափում նաեւ ազատ գնահատականներ տալուց համապատասխան իրավիճակներում:

«Ես նկատի ունեմ, ոչ միայն ռազմական, այլ նաեւ ռազմաքաղաքական միջամտությունները: Խնդիրն այն է, որ այն համակարգերը, որոնք մենք համարում ենք անվտանգություն ապահովող դիտորդի դերում հետեւում են կատարվող գործողություններին: Եվ հետո, եթե մեր բանակը կարողանում է ապահովել անվտանգություն, իսկ այս համակարգերը քաղաքական առումով լռություն են պահպանում, եւ չկա երաշխիքը, որ եթե ռազմական աջակցության կարիք լինի, դա տեղի կունենա, ինչ իմաստ ունեն դրանք»,- նշեց պատգամավորը:

ՊՆ փոխնախարարը փորձեց ներկայացնել այս համաձայնագրի դրական կողմերը, բայց չհաջողվեց. «Համաձայնագիրն ունի շատ դրական կողմեր, որոնք ժամանակի սղության պատճառով հնարավոր չեղավ ներկայացնել»,- ասաց Զաքարյանը, որին օգնության հասավ  Ազգային ժողովի պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանը:

«Հարգելի խորհրդարան հարակից զեկույցս մեծ հաճույքով կսկսեի հիմնական զեկուցողին ուղղված հարցերին պատասխանելով: Գործընկերներիս կխնդրեմ նույն հարցերով դիմեն նաեւ ինձ, որպեսզի նրանց տամ լիարժեք պատասխաններ: Այս համաձայնագիրը լրացուցիչ հնարավորություն է տալիս ապահովել մեր երկրի անվտանգությունը»,- նշեց հանձնաժողովի նախագահ:

Մանրամասները՝ տեսանյութում:

Տպել
4091 դիտում

Եթե արտագաղթեմ՝ կգտնվեն հայ լրագրողներ, ովքեր կասեն ՝ չե՞ք կարծում, որ ԽԾԲ-ի շնորհիվ եք վիզա ստացել. պատգամավոր

Բերեզովսկու, Ռոհնի և Հայաստանի պետական սիմֆոնիկ նվագախմբի համատեղ համերգով ամփոփվեց Խաչատրյանի 6-րդ միջազգային փառատոնը

Ժողովրդին համազգային «ղումարբազության» մեջ ներքաշելը անարգանք է. տոտոների եւ վիվառոների հարցն՝ ԱԺ-ում

Հրաժարական է տվել Իսրայելում ադրբեջանցիների հիմնական լոբբիստը․ պատմական պահ է ՀՀ-ի համար

Հասկանալի պատճառներով դադար եմ վերցրել աշխատանքից․ Վահագն Թեւոսյանը մտնում է ընտրապայքար

Հայտնի է նորաստեղծ «Մենք» դաշինքի ցուցակի առաջին տասնյակը. ցուցակը կգլխավորի Արամ Սարգսյանը

Մանե Թանդիլյանը հայտարարել է իր լիազորությունները վայր դնելու մասին

Հայտնի է նորաստեղծ «Հայաստանի քրիստոնեա-ժողովրդավարական» կուսակցության նախընտրական ցուցակի առաջին եռյակը

Ավագ Գաբրիելյանը նշանակվել է Երեւանի առաջին ատյանի ընդհանուր իրավասության դատարանի դատավոր

Ինչպե՞ս է ազդում տեխնոլոգիական առաջընթացը կրթության մեթոդների վրա․ սեմինար Երեւանում

Սպառնացել եւ գումար է հափշտակել․ բացահայտվել է դեղատան աշխատակցի նկատմամբ կատարված ավազակային հարձակումը

Յուրաքանչյուր զոհ կաթոլիկ երեխա էր․ ԱՄՆ-ում քննարկում են կաթոլիկ եկեղեցիներում սեռական ոտնձգությունների խնդիրը

Արմեն Աշոտյանի կոշտ արձագանքը՝ Արայիկ Հարությունյանի կոշտ գնահատականներին

ՀՀԿ-ի վիճակագրական մանիպուլյացիաները․ նախկին իշխանությունը շարունակում է «շտկել» իրականությունը

28-ամյա երիտասարդի Էլեկտրահարումը ՋՕ-ն եւ ՀԷՑ-ը իրար վրա են բարդում. քրեական գործ է հարուցվել

Լուրեր կան, որ N46 երթուղայինները շուտով չեն գործի. քաղաքապետարանում տեղեկություն չունեն

ՀՔԾ նախկին պետ Վահրամ Շահինյանը մոտ 6 ամսում 22 մլն դրամի չափով եկամուտ է ունեցել

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կմասնակցեն ԱԺ արտահերթ ընտրություններին

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել