Հայտնի են տարվա լավագույն մանկավարժների անուննեը. նրանք ավտոմեքենա եւ համակարգիչ ստացան

Այսօր տարվա լավագույն դաստիարակ է հռչակվել Արարատի մարզի Արարատ քաղաքի համար 1 մանկապարտեզի դաստիարակ Գոհար Խուրշուդյանը: Տարվա լավագույն ուսուցիչ ճանաչվել է Շիրակի մարզի Գյումրու համար 20 հիմնական դպրոցի անգլերենի ուսուցչուհի Օհաննա Ավետիսյանը:

Տարվա լավագույն տնօրենի տիտղոսին արժանացավ Սյունիքի մարզի Եղեգ համայնքի միջնակարգ դպրոցի տնօրեն Մերի Գանդալյանը:

«Տարվա լավագույն դաստիարակ», «Տարվա լավագույն ուսուցիչ» եւ «Տարվա լավագույն տնօրեն» անվանակարգերում հաղթողների անունները հայտարարեց ԿԳ նախարար Լեւոն Մկրտչյանը՝ Երեւանի Առնո Բաբաջանյան համերգասրահում` Ուսուցչի օրվան նվիրված միջոցառման ժամանակ:

Վարչապետի որոշմամբ, «Լավագույն դաստիարակին» ու «Լավագույն ուսուցին» շնորհվեց ավտոմեքենա՝ «Կիա Ռիո» մակնիշի: Լավագույն տնօրենն արժանացավ համակարգչի:

Դաստիարակչուհին ասաց, որ անակնկալի է եկել եւ դեռեւս պատկերացում չունի՝ ինչպես է վարվելու նվերի հետ: Ուսուցչուհին ավտոմեքենա վարել գիտի, ու թերեւս, ինքն էլ կվարի այն: Իսկ տնօրենը նշեց, որ համակարգչի տեսքով մրցանակը նվիրելու է դպրոցին:  

Վերջին շրջանում Ուսուցչի օրվան նվիրված միջոցառումները սկսել են կազմակերպվել բավական համեստ: Նախկինում այն անցկացվում էր Օպերային թատրոնում՝ շատ ավելի շքեղ ու գունագեղ, ներկա էր լինում նաեւ վարչապետը: Այս տարի, ինչպես նշեցինք, միջոցառումն իրականացվեց Առնո Բաբաջանյան համերգասրահում:  

«Տարվա լավագույն ուսուցիչ», «Տարվա լավագույն տնօրեն» եւ «Տարվա լավագույն դաստիարակ» մրցույթների հանրապետական փուլին մասնակցել է 35 մանկավարժ`Հայաստանի բոլոր մարզերից եւ Երեւանից: 

Վաստակաշատ մանկավարժներին նաեւ շնորհվեցին ՀՀ վարչապետի «Հուշամեդալ» եւ շնորհակալագրեր:

Ի դեպ, երբ վարչապետի կողմից պատվի արժանացավ նաեւ Արագածոտնի մարզը ներկայացնող դաստիարակ Մարինե Մկրտչյանը, դահլիճում իրարանցում սկսվեց, թե նա մրցույթին չի մասնակցել, բայց ահա պարգեւատրվում է:

ՀՀ կրթության եւ գիտության նախարարության հանրակրթության վարչության պետ Աշոտ Արշակյանը մեր հարցին պատասխանելով՝ պարզաբանեց, որ վարչապետի շնորհակալագիր ու մեդալ ստացողները չեն լինում նախարարության մրցույթի մասնակիցները: Նրանց ընտրում է կառավարությունը:

Լուսանկարում՝ ձախից աջ՝ տարվա լավագույն ուսուցիչը, տնօրենը եւ դաստիարակը:

Տպել
13016 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին