Երևան
15 °C
Տպագրվել է «Հայկական Ժամանակ» օրաթերթի՝ 2004 թվականի հոկտեմբերի 7-ի համարում
Ռուս-վրացական սահմանի Վերին Լարս անցակետում սահմանն այլեւս բաց է: Համենայն դեպս՝ այսպիսի հավաստիացում կա ՀՀ տրանսպորտի եւ կապի նախարարության պաշտոնական հաղորդագրությունում, որը տարածվել է երեկ: «ՀՀ նախագահ Ռոբերտ Քոչարյանի եւ ՌԴ նախագահ Վլադիմիր Պուտինի միջեւ տեղի ունեցած հետեւողական բանակցությունների արդյունքում երեկ երեկոյան Ռուսաստանի Դաշնությունը որոշում է կայացրել՝ բացել Վերին Լարսի անցակետով իրականացվող տրանսպորտային փոխադրումների ճանապարհը դեպի Հայաստան, որը Բեսլանի իրադարձություններով պայմանավորված՝ չէր գործում տեւական ժամանակ...»,- ասված է նախարարության հաղորդագրությունում: Սակայն նույն հաղորդագրության մեջ կա մի մի հետաքրքիր վերապահում. «Ներկայումս բանակցություններ են վարվում վրացական կողմի հետ՝ դեպի Հայաստան իրականացվող տրանսպորտային փոխադրումներն անարգել եւ հնարավորինս արագ կազմակերպելու համար»:
Այլ կերպ ասած, սահմանը Քոչարյանի ու Պուտինի «հետեւողական բանակցությունների արդյունքում» բացվել է, բայց իրականում՝ փակ է: Այսինքն՝ բաց է, բայց՝ հարաբերականորեն: Ինչ է կատարվում Վերին Լարսի շուրջ իրականում: ՀՀ արտգործնախախարությունում որեւէ հստակ տեղեկություն սահմանի բաց լինելու մասին՝ չունեն: Տեղեկություններ չունեն նաեւ Հայաստանում Վրաստանի դեսպանատանը: Երեկվա դրությամբ Վրաստանում Հայաստանի դեսպան պրն Խոսրոեւն էլ հստակ տեղեկության չէր տիրապետում. «Որեւէ հստակ բան ասել այս պահին դժվարանում եմ»,- մեզ հետ հեռախոսազրույցում ասաց դեսպանը: ՀՀ նախագահի լրատվության ծառայությունում տրանսպորտի եւ կապի նախարարության տարածած հաղորդագրությանը միայն ավելացրեցին, որ սահմանը բացելու մասին պայմանավորվածությունը ձեռք է բերվել Պուտին-Քոչարյան՝ հոկտեմբերի 2-ին տեղի ունեցած հեռախոսազրույցի ժամանակ:
Սա ուշագրավ է նրանով, որ դեռ նախորդ օրը նույն լրատվական ծառայությունից նախագահների հեռախոսազրույցի մասին մանրամասներ հաղորդելու մեր խնդրանքին ի պատասխան՝ ասում էին. «Քննարկվել է երկու երկրների հարաբերություններին վերաբերող հարցերի լայն շրջանակ»: Չկար որեւէ ակնարկ Վերին Լարսի անցակետը բացելու որոշման մասին: Այսինքն, հեռախոսազրույցից հինգ օր անց միայն հիշեցին այդքան կարեւոր հարցի շուրջ ձեռք բերված պայմանավորվածության մասին: Մի խոսքով, ստացվում է այնպես, որ ռուսական կողմը սահմանը բացել է, հիմա էլ՝ վրացիներն են փակել: Բայց սա էլ անվերապահորեն ընդունել չի կարելի: «Տեղեկությունները, թե Վրաստանը փակել է Ռուսաստանի հետ իր սահմանը Վերին Լարսում՝ իրականությանը չի համապատասխանում»,-երեկ մեր հարցին ի պատասխան՝ պաշտոնապես հայտարարեց Վրաստանի արտգործնախարարության մամուլի խոսնակ տիկին Նատո Չիկովանին: Ստեղծվում է լիովին անհասկանալի իրավիճակ: Մի կողմից՝ մեր իշխանությունները հայտարարում են, թե Ռուսաստանը սահմանը բացել է, վրացիներն են փակել, մյուս կողմից՝ վրացիները, ըստ էության, ասում են, որ ռուսները սահմանը չեն բացել:
Փաստն այն է, որ սահմանը դեռ փակ է: «Փրկեք մեզ, ախպեր ջան, մի բան արեք` կոտորվեցինք: Ոչ հաց կա, ոչ խմելու ջուր, մարդիկ հիվանդացել են, ոչինչ չենք կարողանում անել»,-երեկ մեզ հետ հեռախոսազրույցում այսպիսի իրավիճակ ներկայացրեց «Արմենիա-Լադա» ընկերության ներկայացուցիչ Էդիկ Բարսեղյանը, որը Վերին Լարսում գլխավորում է այդ ընկերությանը պատկանող նոր գնված՝ թվով 510 մեքենաներից բաղկացած շարասյունը Հայաստան տեղափոխելու գործը: Վերին Լարս անցակետը ըստ էության լեռնային անմարդաբնակ վայր է: Այդտեղից մինչեւ Վլադիկավկազ մոտ 40 կիլոմետր է: Ավելի մոտ բնակավայրեր, որտեղ կարելի է սնունդ ու խմելու ջուր հայթայթել՝ չկա: Բայց անգամ Վլադիկավկազ հասնելն է գրեթե անհնար: Ճանապարհին մի քանի բլոկ ուղեկալներ են տեղակայված, որոնք արգելում են անցակետում գտնվող մեր համաքաղաքացիներին՝ գնալ Վլադիկավկազ:
Այսինքն, մերոնք այնտեղ հայտնվել են կալանավորվածների կարգավիճակում: Վերին Լարսում են մնացել մոտ հազար ՀՀ քաղաքացիներ, այդ թվում՝ կանայք եւ երեխաներ, որոնք տարբեր պատճառներով Հայաստան են վերադառնալիս եղել ավտոմեքենայով: Ի դեպ, այս ընթացքում, Հյուսիսային Կովկասում ՀՀ հյուպատոս Արարատ Գոմցյանը ոչ մի անգամ չի այցելել՝ իր երկրի քաղաքացիների վիճակին ծանոթանալու համար: Իսկ «Ազատություն» ռադիոկայանին տված հարցազրույցում տրանսպորտի եւ կապի նախարար Անդրանիկ Մանուկյանը նույնիսկ հույս է հայտնել, թե երեկոյան մեքենաների մի մասը դուրս կգա Վերին Լարսից եւ արդեն գիշերը կլինի Հայաստանում:
Նշենք, որ գիշերը ոչ մի մեքենա Հայաստան չի հասնելու՝ այն պարզ պատճառով, որ Վերին Լարսից չի կարողանալու դուրս գալ: Սահմանը, ի հեճուկս հայտարարությունների, գործնականում փակ է: ՀՀ գործարարների եւ արդյունաբերողների միության նախագահ Արսեն Ղազարյանը մեզ հետ զրույցում կարծիք հայտնեց, որ եթե նորություններ լինեն, ապա դրանք կլինեն միայն այսօր կեսօրին մոտ: Բայց նպատակը միայն լավատեսական տրամադրություն ստեղծելը չէ: Որոշ դիտորդների համոզմամբ՝ Ռուսաստանի կողմից սահմանը բացելու եւ Վրաստանի կողմից սահմանը փակելու մասին լուրերը հեռուն գնացող նպատակներ են հետապնդում: Նման տեղեկատվությամբ Հայաստանում խորացող հակառուսական տրամադրությունները պարզապես փորձ է արվում ուղղել Վրաստանի դեմ: Այս տեսակետը կարոտ է առանձին ուսումնասիրության:
Հայկ Գեւորգյան
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ