Ուսուցիչների հետ աշխատանքային պայմանագիր է կնքվում 1 տարով. դա միայն երբեմն է թույլատրելի

Կրթության համակարգում տարածված երեւույթ է՝ ուսուցիչների հետ աշխատանքային պայմանագրեր են կնքվում մեկ տարի ժամկետով: Հաջորդ տարի այդ պայմանագրերը, որպես կանոն, վերակնքվում են եւ այդպես շարունակ:

Արդյունքում ուսուցիչը, թեպետ չի կորցնում իր աշխատանքը, բայց միշտ գիտի, որ «անզգույշ» մի քայլ, եւ կարող է գործազուրկ դառնալ:

Ուսուցիչները խուսափում եւ հրաժարվում են հրապարակային խոսել այդ մասին, ինչը, թերեւս զարմանալի չէ, հակառակ դեպքում աշխատանքային նման հարաբերություններ ուղղակի թույլ չէին տա:

ՀՀ կրթության եւ գիտության նախարարության հանրակրթության վարչության պետ Աշոտ Արշակյանը, armtimes.com-ի հետ զրույցում մեկնաբանելով պայմանագրերի հետ կապված առկա իրավիճակը, այսպես պատասխանեց.

««Աշխատանքային օրենսգրքի» համաձայն՝ գործատուն ինքն է որոշում աշխատակցի հետ աշխատանքային հարաբերությունները: Իսկ ինչ վերաբերում է մեկ տարուն, ձեր խոսքը վերաբերում է ժամկետային պայմանագրերին: Սա «Աշխատանքային օրենսգրքով» կարգավորվող նորմ է: Այնտեղ հստակ տրված է՝ որ դեպքում է ժամկետային պայմանագիր կնքվում, որ դեպքում չի կնքվում: Հետեւաբար, պետք է կոնկրետ դեպքը ուսումնասիրել»:

Երեւույթը, սակայն կարելի է ասել, համատարած է, ինչի մասին հանրակրթության վարչության պետը պետք է որ իմանար:

«Խնդիրն ավելի շատ աշխատանքի տեսչության դաշտում է: Դա կարգավորվում է գործատուի եւ աշխատողի միջեւ կնքվող պայմանագրերով: Աշխատանքային օրենսգիրքը սահմանում է նաեւ, որ եթե կա խնդիր, կարող է լուծվել դատական կարգով: Այսինքն՝ սա զուտ աշխատանքային հարաբերություն է: Կրթության եւ գիտության նախարարությունը պատասխանատու է բովանդակության, քաղաքականության համար»,- ասաց նա:

Աշոտ Արշակյանը նաեւ տեղեկացրեց, որ նախարարությունն ուսուցիչներից բողոքներ չի ստացել՝ իրենց հետ ժամկետային պայմանագրեր կնքվելու վերաբերյալ: Աշխատանքի տեսչություն նույնպես առայժմ գոյություն չունի: Համապատասխան գործառույթներ կստանձնի առողջապահական տեսչական մարմինը, որը դեռեւս ձեւավորման փուլում է:

Անդրադառնալով ՀՀ աշխատանքային օրենսգրքին՝ նշենք, որ որոշակի ժամկետով կնքվող աշխատանքային պայմանագրին վերաբերում է 95-րդ հոդվածը: 

  1. Որոշակի ժամկետով աշխատանքային պայմանագիր է կնքվում, եթե աշխատանքային հարաբերությունները չեն կարող որոշվել անորոշ ժամկետով` հաշվի առնելով կատարվելիք աշխատանքի բնույթը կամ կատարման պայմանները, եթե սույն օրենսգրքով կամ օրենքներով այլ բան նախատեսված չէ:
  2. Որոշակի ժամկետով կնքված աշխատանքային պայմանագիրը կարող է կնքվել որոշակի ժամանակահատվածով կամ օրացուցային ժամկետի սահմանումով կամ աշխատանքային պայմանագրով նախատեսված աշխատանքների ավարտման սահմանումով:
  3. Որոշակի ժամկետով պայմանագրեր կնքվում են նաև`

1) ընտրովի պաշտոններում աշխատողների հետ` ընտրված ժամանակահատվածով.

2) համատեղությամբ աշխատանք կատարողների հետ.

3) սեզոնային աշխատանքներ կատարողների հետ.

4) ժամանակավոր (մինչև երկու ամիս ժամկետով) աշխատանքներ կատարողների հետ.

5) ժամանակավորապես բացակայող աշխատողին փոխարինող աշխատողի հետ.

6) օտարերկրացիների հետ` աշխատանքի թույլտվության կամ կացության իրավունքի վավերականության ժամկետով»:

Տպել
4243 դիտում

Երթևեկության կազմակերպման փոփոխություն Երևանի Բագրատունյաց-Արարատյան խաչմերուկում

Որոշ գովազդներ կհեռարձակվեն միայն ժամը 22:00-ից մինչեւ 06:00-ն. +21 նշագրումը կլինի պարտադիր

Բաքվի գործողությունները խաթարում են խաղաղությանը նպաստող մթնոլորտի ձեւավորմանն ուղղված ջանքերը

Անցել է ժամանակը, երբ Հայաստանի ղեկավարի սիրտն ու ուղեղը հանած է ու տեղը դոլար է շարած. վարչապետ

«Ես որոշակի քիմիա զգացի մեր միջեւ». Քոչարյանի հարցազրույցը «Комерсантъ»-ին

ԱԻՆ-ում անցկացվել է միգրացիոն հոսքերի կառավարման թեմայով շտաբային ուսումնավարժություն

Հայաստանում վարչապետի քիփ, վարչապետի՝ փայ մտնող ախպեր, ավտոների վրա քշող ախպոր տղա չի լինելու

ԱԻՆ սեյսմիկ ծառայության թիմը՝ «Գեովիկտորինա» մրցույթի հաղթող

Ասում են՝ արտահերթ խորհրդարանականին կողմ չենք քվեարկի, Սերժը կասեր՝ իյա, իրո՞ք, էդ դու՞ք եք որոշում. վարչապետ

Հայ-գերմանական համագործակցությունը բարձր մակարդակի վրա է. Տոնոյանն ընդունել է Գերմանիայի դեսպանին

Պրոռեկտորի կնոջից ավտոմեքենա վարձակալելու խնդիրը կարող է լինել միայն բարոյական. Դավիթ Մուրադյան

Բոլոր ուժերը իսկապես պայքարում են, ոչ ոք թատրոն չի տալիս, ոչ մեկի համար ոչինչ գրված չէ այս անգամ. վարչապետ

Սարյանի պուրակում տեղադրված դաշնամուրի վրա առաջինը նվագեց մաեստրո Մանսուրյանը

Կոնկրետ Տարոն Ավիայի հարցով չեմ զբաղվում. Տիգրան Ավինյանը Գյումրիում ասուլիս է անցկացրել

Մանիպուլյատիվ մեթոդներ. Լը Մոնդի ու Վաշինգթոն Փոստի «ֆեյքերը»

Վերանայեք Գյումրու բյուջեն. առաջարկը Սամվել Բալասանյանը ներկայացրել է Գյումրի եկած Տիգրան Ավինյանին

Առեւտրի կետից գողություն կատարելու հետքերով գնալիս, ոստիկանները հանցավոր խումբ են բերման ենթարկել

Հայաստանի Ազգային պատկերասրահից Արա Շիրազի աշխատանքները տեղափոխվել են Գյումրի

Հանրապետության, Շահումյան հրապարակներում, մի շարք փողոցներում վաղը երեկոյից մեքենաների կայանումը կարգելվի

Քոչարյանի գործն՝ ԱԺ Քննիչ հանձնաժողովում. Կոստանյանը հակասում է իրեն եւ Արփինե Հովհաննիսյանին